آحتاج الى رأيكم

[وهج الروح]

السلام عليكم ورحمة الله وبركاته

آنا طآلبة انتساب سنه تحضيريه .


وبصراحه حابه اتخصص لغه انجليزيه . علمآ بآني ليس لدي خلفيه كبيره عن الانجليزي

ايش تنصحوني بليزز انتظر رد منكم ..


آتمنى لكم التوفيق جميعآ ..

[عبدالله بن عبدالرحمن]

ولا انا كان عندي خلفية كبيرة عن الانجليزي

بس لازم تجيبي معدل عالى ودرجات فوق 90 فى مواد الانجليزي حق التحضيري عشان يقبلوك
صلي الاستخارة وربك ييسرها
والقسم سهل بس يحتاج مذاكرة
وانا اشوفه اسهل من اى قسم ثاني

اسال الله يوفقنا واياك لما فية الخير

[ام حمدان]

وعليكم السلام ورحمة الله وبركاته

هلا عزيزتي

اولا لازم تشديحيلك في التحضيري
وتحاولي تحصلي على معدل لايقل عن4
ودرجات الانقلش في التحضيري حاولي لاتقل 90

شروط القسم للانتساب
معدل لايقل عن 4
ودرجات الكا 101 و102 لاتقل عن 90

بالنسبه للتخصص كل ماكانت خلفيتك كويسه في اللغه كل ماكان اسهل بالنسبه لك إن شاء الله
في التخصص تعاملي على انك ملمه باللغه ولاتفكري انهم يعلمونك اللغه من اول وجديد لان هذي وظيفه المعاهد

فلو لك رغبه حقيقيه في القسم

حاولي من الان تشتغلي على لغتك وتطوريها حتى تدخلي التخصص بقلب جامد

التخصص ف المجمل متوسط الصعوبه وفيه السهل والصعب

ويحتاج منك جهد ومذاكره من وقت مبكر

وكل شي مع الجد والمثابره يسهل إن شاء الله

ولا تنسي تستخيري قبل كل شي

عندك مواضيع في المكتبه الخاصه تساعدك في تطوير لغتك اطلعي عليها من هنا
http://www.skaau.com/vb/showthread.php?t=27724


وفقك الله ويسر امرك

[أبو عبدالاله]

أنا عندي وجهة نظر أخرى ،، أختيار التخصص يعتمد على الميول وا لطموح والرغبة بتطوير النفس في تخصص اني عارفة انك تبدعين فيه ,،،،،، وأنصحك بعدم الانجراف وراء رغبات أهلك أو زميلاتك لأنهم لن يذاكروا ولن يختبروا عنك ...و لكل واحد مادة محببه ويجد نفسه فيها ....
والباقي عليك .....

[وهج الروح]

بصراحه انتوا شجعتوني ادخل القسسسم ..

واكيد لابد من الاستخاره والله يسيرها لي ..


يعطيك الف عافيه على ردكم . والله يوفقكم يارب ..

[ام سجو]

استخيري وتوكلي على الله ...لكن التوكل بمعنى سوى اقصى مايمكنك فعله لازم يكون مستواك مايقل عن الثالث اهلي نفسك خدي دورات في معاهد ...وادا ماتقدري اقرئي واسمعي قصص اطفال وشوفي قناة سي ان ان بدون موسيقى الله يبارك لك واحفظي كلمات كثيير خلي عندك لسته وكل يوم احفضي من خمس الى عشر كلمات...وربي يوفقك بصراااحه القسم ماهو سهل ولاهو مستحيل ..وانت الصادق يااخ عبدالله فعلا القسم ماهو صعب بس قسمنا صعبوووه بزياده اللا مارحم الله