نصائح عامة 2

[pharm.d .s]

المشاركة الأصلية كتبت بواسطة dr-nano alahdal دكتورة pharm.d.s أوافقك الرأي في أن نظام تقسيم المعدل بالتساوي من الظلم أن يطبق على سنه خامس لأنهم لم يكونو على دراية به منذ البداية ويفاجؤو به كقرار جديد لم يهيؤو له منذ البداية وأكيد لن يعجبهم لأن أكثرهم كان يطمح في رفع معدله في آخر سنه وكلهم كانو يضعون آمالهم فيها لكن أختلف معك في أن النظام نفسه ظالم والدليل على ذالك ماتفضلتي قلت (في ناس اتخرجت بامتياز وهيا عمرها ماجابت ممتاز طول حياتها بالكلية والفضل لله ثم لسنه سادس) أعتقد أن هذا من الأسباب اللتي جعلت الكلية تتخذ هذا القرار في جعل السنين متساوية دكتورة سوف أطرح عليك سؤال هل التدريب متساوي في جميع المستشفيات؟ لا هل تحصيل الدرجات والمجهود اللذي يبذله الطلاب في المستشفيات متساوي؟ لالالالالالا ياما كرفنا في الجامعي بس الشكوى لغير الله مذله دكتورة إحكمي على هذا الموقف بنفسك طالب مجد ومجتهد طول السنين الدراسية في الكلية وكان حظه أن تدريبه كان في مستشفى الجامعه وكان يبذل من الجهد الكثير وكان حريص تعلم الكثير ولكن لم يحصل على درجة عالية في هذه السنه وطالب آخر لم يتعب نفسه يوما ولم يكن مجدا فكانت درجاته بالبركة والتساهيل وكان تدريبه في مستشفى آخرى وسبحان الله حصل علىa+ رغم قلة علمه وخبرته إرتفع معدلة وكلا الطالبين تساوت معدلاتهم فهل في هذا عدل بعد هذا قدم كلا الطالبين على وظيفة المعيدية فلمن الأحقية في أن يكون في هذا المكان ؟ اولا احد النصائح الي انا قولتها حافظي على المعدل عالي عشان تختاري المستشفى الي تبغيهاااا انا اخترت الجامعي وكانت كل الخيارات مفتوحة بالله اش راح تستفيدي من الدرجات ازا كونتي ابيض في وظيفة بدون مقابله اكيد لا الكويس راح يبان والعاطل راح يبان صدقني دكتورة العدل يقول أن يأخذ كل ذي حق حقه وكل مجتهد بقدر جهده (هل يستوي اللذين يعلمون واللذن لايعلمون) فهل نساوي الطالب الصيدلي المتعلم بالطالب الآخر دكتورة عندي سؤال آخر إذا كنت مكان الطالب المجتهد وقدمتي طلب في وظيفة تتمنيها من كل قلبك ووجدتي زميلة لك مستواها أقل منك بكثيييير وأنت تعرفي مستواها جيدا وقدمت على نفس الوظيفة وقبلت هي نتيجة لإرتفاع معدلها في السنه الأخيرة هل سترضي هل سوف يكون هذا عدلا أو فيه إنصاف لك تغيير مافي انسان ما ينقهر على نفسوا بس الي ربي قاسموا ليا راح اخدوا القرارات هذا أمر وارد في أي وقت وأي مكان فهذه قوانين وضعت من قبل البشر ولا يتم إكتشاف الأخطاء الناتجة إلا بعد عدة سنوات فنزول قرارات جديدة وبشكل مستمر يدل ان هناك تطور ومحاولة تعديل أخطاء فكما يرى أكثر الناس السنه التحضيرية تعتبر تعجيزية للطلاب وانها بلا رحمة .>>>> اقسم بالله انها رحمة قدام الي شوفناه وأنا كنت أكثر المعترضين علها والمتأففين منها وكنت لاأري أي إيجابية في هذه السنه المملة لكن الصدمه أن نسبة الرسوب قلة وبشكل كبير في دفعة 09 و10 (نحن نجهل أشياء كثيرة كيف حدثت و لماذا حدثت ولمذا نحن ولمذا لم تحدث لغيرنا ولكن لابد من مرونه تجعلنا نتأقلم ونرضى وننتج ونبحث في كل شئ حدث إيجابية تجعل من الشئ اللذي حدث دافع قوي نحو الأمام يجعلنا نحمدالله أن حدث هذا الشئ لنا ليس لغيرنا لغم جهلنا عن سبب حدوثه) وشكرا

انا ما باقول انو النظام القديم مو ظلم بالعكس ظلم مية بالمية
بس تقسيم المعدل بالتساوي مو الحل لانو كمان ظلم
في سنوات من جد كانت دمار نفسي مثلا سنة اولى كانت صدمة نفسية ومعدلاتنا مرا كانت نازله من جد راح تنزل ابو ابو المعدل
انا من وجهة نظري لو سادس تزيد معدلها عن بيقية السنوات افضل ونقلل سنة اولى وسنة تانية (في الاخير هيا مواد عامة )
ولازم الكلية تعيد النظر في طريقة التقيم في سنة سادس
لازم لما نحط حل يكون جدري مو نعالج المشكلة بحلول سطحية
انا وانت وكل طلاب الكلية عارفين انو مثلا المستشفى الفلانية والفلانية تعطي الدرجات بالهبل وناس مايستحقوها
وكمان عارفين انو في مستشفيات تخسف الطلاب
طيب رئيس القسم او عميد الكلية ما يشوف حل ؟؟؟؟؟؟
على الاقل لو يكون بكل مستشفى في برسبتور يشيك على الطلاب
على فكرة انا ادربت في الجامعي ولو عاد فيا الزمن كمان راح اخد في الجامعي

[Qotaiba HBK]

المشاركة الأصلية كتبت بواسطة pharm.d .s انا ما باقول انو النظام القديم مو ظلم بالعكس ظلم مية بالمية بس تقسيم المعدل بالتساوي مو الحل لانو كمان ظلم في سنوات من جد كانت دمار نفسي مثلا سنة اولى كانت صدمة نفسية ومعدلاتنا مرا كانت نازله من جد راح تنزل ابو ابو المعدل انا من وجهة نظري لو سادس تزيد معدلها عن بيقية السنوات افضل ونقلل سنة اولى وسنة تانية (في الاخير هيا مواد عامة ) ولازم الكلية تعيد النظر في طريقة التقيم في سنة سادس لازم لما نحط حل يكون جدري مو نعالج المشكلة بحلول سطحية انا وانت وكل طلاب الكلية عارفين انو مثلا المستشفى الفلانية والفلانية تعطي الدرجات بالهبل وناس مايستحقوها وكمان عارفين انو في مستشفيات تخسف الطلاب طيب رئيس القسم او عميد الكلية ما يشوف حل ؟؟؟؟؟؟ على الاقل لو يكون بكل مستشفى في برسبتور يشيك على الطلاب على فكرة انا ادربت في الجامعي ولو عاد فيا الزمن كمان راح اخد في الجامعي [/center]

أخيراً عرفت

كنت أحسب الصيدلة زي الطب ما تدخل سنة الامتياز بالمعدل

[PEPO]

فااااااارم دي ممكن سؤال ؟
دحين كم دفعه من جامعتكم اولاد وبنات اتخخرجو فارم دي ممكن تجاوبيني .؟ *_*

[pharm.d .s]

المشاركة الأصلية كتبت بواسطة pepo فااااااارم دي ممكن سؤال ؟ دحين كم دفعه من جامعتكم اولاد وبنات اتخخرجو فارم دي ممكن تجاوبيني .؟ *_*

5 دفعات بنات و اولاد

[pharm.d .s]

المشاركة الأصلية كتبت بواسطة qotaiba hbk أخيراً عرفت كنت أحسب الصيدلة زي الطب ما تدخل سنة الامتياز بالمعدل

يا بابا لية مزعل نفسك بالعكس الشغل ممتع ويختلف 180 درجة عن الدراسة
عن نفسي في بنات كتير يبدعوا في الشغل اكتر من الدراسة

وعلى سنتكم ما اتوقع يفرق معاكم كتير لانو النسب متساوية مو زي حالتناااا

[Qotaiba HBK]

المشاركة الأصلية كتبت بواسطة pharm.d .s يا بابا لية مزعل نفسك بالعكس الشغل ممتع ويختلف 180 درجة عن الدراسة عن نفسي في بنات كتير يبدعوا في الشغل اكتر من الدراسة وعلى سنتكم ما اتوقع يفرق معاكم كتير لانو النسب متساوية مو زي حالتناااا

ههههههههههههههههه ماني مزعل نفسي ولا شيء والشغل أحلى حاجة بس حكاية الدرجات وان بعض المستشفيات ما تدي درجات شيء يخوف وكمان مع مشروح التخرج كلها عليها درجات ؟؟؟؟

[rarba]

المشاركة الأصلية كتبت بواسطة pharm.d .s يقولك اكبر منك بيوم اعرفك منك بسنة ... صدقني نظام تقسيم المعدل بالتساوي اكتر نظام ظلم الطلاب والحمدالله انو ما جا على سنتي والدليل على كلامي روحي اسالي اي بنت بسنة خامس وقولية النظام عاجبك تاني شيء في مستشفيات البنات تاخد اقل شيؤ 96 تخيل لما تجيبي بسنة معدل فوق 4ونص وعليها 30% كيف راح يكون معدلك العام وسنة خامس من اسهل السنوات وكتير بنات يجيبوا فيها امتياز في ناس اتخرجت بامتياز وهيا عمرها ما جابت ممتاز طول حياتها بالكلية والفضل لله ثم لسنة سادس بالنسبة للبايوكمستري صح القسم دا مرا كرية بس الواحد يقدر يجيب درجة انا كنت اتفرج على الفديوهات وكمان كنت احل الام سي كيو مرا تفيد

د.روان, قالت كم شي كان في بالي على حكاية انو المجتهد يتساوى مع المهمل, وانا اوافقها.
شوفي, في ناس كويسين في النظري اكتر ويبدعوا فيه (في السنين اللي فيها نظري كثير), وفي ناس كويسين في العملي اكتر, وحيبدعوا فيه(في السنين اللي فيها شغل), وبما ان السنوات معدلاتها حتتاخد بالتساوي, فانا من وجهة نظري, انه في توازن نوعا ما.
لكل قرار اعتراض, ولكل قرار -جديد كان او قديم- عيوبه :)
*الشي اللي نفسي يتعمل, انو يكون في فرق لمن الواحد يتدرب او يشتغل مثلا في الحرس الوطني(او اي شي صعب) واللي يشتغل في مستشفى سهل ويمشي , يعني مثلا يتحط في السي في حقه, ما ادري, بس نفسي انو دي الاشياء يحسبولها حساب.

Btw, biochemistry doesn't stink.. .. ..atleast not in my world

[rarba]

المشاركة الأصلية كتبت بواسطة qotaiba hbk ههههههههههههههههه ماني مزعل نفسي ولا شيء والشغل أحلى حاجة بس حكاية الدرجات وان بعض المستشفيات ما تدي درجات شيء يخوف وكمان مع مشروح التخرج كلها عليها درجات ؟؟؟؟

انا خايفة اكتر منك
لا لا, ان شاء الله تتسهل وتتيسر يا دكتور قتيبة كلها تحديات

[amiwa]

المشاركة الأصلية كتبت بواسطة rarba د.روان, قالت كم شي كان في بالي على حكاية انو المجتهد يتساوى مع المهمل, وانا اوافقها. شوفي, في ناس كويسين في النظري اكتر ويبدعوا فيه (في السنين اللي فيها نظري كثير), وفي ناس كويسين في العملي اكتر, وحيبدعوا فيه(في السنين اللي فيها شغل), وبما ان السنوات معدلاتها حتتاخد بالتساوي, فانا من وجهة نظري, انه في توازن نوعا ما. لكل قرار اعتراض, ولكل قرار -جديد كان او قديم- عيوبه :) *الشي اللي نفسي يتعمل, انو يكون في فرق لمن الواحد يتدرب او يشتغل مثلا في الحرس الوطني(او اي شي صعب) واللي يشتغل في مستشفى سهل ويمشي , يعني مثلا يتحط في السي في حقه, ما ادري, بس نفسي انو دي الاشياء يحسبولها حساب. btw, biochemistry doesn't stink.. .. ..atleast not in my world

هههههههههههههههههههههههههه حبيت اختيارك للكلمة يا اختي

[Qotaiba HBK]

المشاركة الأصلية كتبت بواسطة rarba انا خايفة اكتر منك لا لا, ان شاء الله تتسهل وتتيسر يا دكتور قتيبة كلها تحديات

i hope so