Lesson 2: Using AED For Adults

[Dr.Passed]

السلام عليكم ورحمه الله وبركاته

كيف ان شالله الدرس الماضي كان حلو وبسيط..؟
دحين سرنا نعرف كيف نسوي CPR ومتى نطلب المساعده عشان ماتطلع الضحيه تستهبل علينا وتجي الاسعاف و ماتلاقي شي عرفنا متى نوقف CPR و ايش هيا الاربعه حالات هادي

عرفنا كيف ندي breaths و compressions بصوره صحيحه
الكوعين لازم يكونو سيدا مستقيمين ما نتنيهم في ال compressions

وعرفنا انو الضحيه ماتتحرك من مكانها الا لو مكانها كان ( خطر) ولازم نبعدها زي في وسط الشارع مثلا...ايضا عرفنا متى نحط الضحيه في ال recovery position الي هيا وضعيه الافاقه ...وبرضو عرفنا الاسباب حقت ال cardiac arrest في الكبار انو سببها اغلب شي ال arrhythmia الي هيا عدم الانتظام في ضربات القلب
__________________________________________________

الان ان شالله حنتكلم عن كيف نستعمل ال AED

ال AED

اختصار لي ِAutomated External Defibrilator الي هوا جهاز مانع الرجفان

هادي صوره الجهاز ( الاحمر على يمين الضحيه )

كيفيه الاستعمال ...

بس زي ما سوينا المره الي فاتت..حاقلكم على كم حاجه قبل الفيديو

* اذا كان الضحيه عليها مويه ( غالبا لمن تكون الضحيه غرقانه) لازم نمسح المويه وننشفو كويس عشان ال AED محايشتغل اذا كان في مويه او الضحيه مبلوله...لابد ننشف

* لازم نتأكد انو محد حاطط يدو وقت مايشتغل الجهاز نجي نبا ندي الشوك على الضحيه عشان مانلاقي نفسنا مسدوحين جمب الضحيه لازم نقول بصوت عالي !!!Clear

* اذا كانت الضحيه نايمه على سطح مبلول زي مثلا خرجنا من مسبح لازم نشيلو ونغير المكان ونتأكد انو ناشف زي ما قلنا

* الجهاز حيدينا التعليمات وحيقلنا بالزبط ايش نسوي
* في اجهزه AED تشتغل لحالها اول ما تنفتح و في بعضها فيها زر لازم نضغطو
* مواقع الpads وكيف نحطها حتشوفوها في الفديو + كل جهاز AED يجي نفسهم ال pads الي تجي معا مرسوم عليها رسمه تقلكم فين تلصقوها

و الان حاوريكم هنا شوفو في الصوره دي كان عشان تعرفو فين تلصق دي

الان اتفضلو اتفرجو على الفيديو

فيديو تاني

طيب ....هادي اهم الاشياء في ال aed
الجهاز حيقلنا كل حاجه ...وايش نسوي

يعني لاتقلقو الجهاز اصلا بيوجهنا ايش نعمل

______________

طبعا لسا الدوره ما خلصت...باقيلنا CPR الاطفال وباقيلنا الغصه ( choking )في الكبار و الصغار

بس شوفولي كيف دحين ال CPR و ال AED معاكم ...في شي صعب؟ مو واضح؟ في اسئله؟

اتفضلو..واذا عجبكم و حسيتو انكم استدفدتو نكمل

و السيناريوهات اخليها عليكم دي المره ...كل شخص يحط سيناريو واحنا نجاوب..لسا انا ورايا الغصه و ال CPRالاطفال و الaed قاعده اشتغل عليهم..فا اتفضلو وضيفو اسئلتكم يخصوص الدرس دا او الدرس الماضي و احنا نتساعد ونحاول نجاوب على كل الاسئله =)

[(elaf)]

ماشالله مجهوود اكثررر من راااائع

الله يعطيك العافية ... وجزاك الله خير

[كياني]

الله يعططييييييك العافييية '
الدرسسس جدا سسهل ومهم
كلو واضح بالنسبه لي ، جربت الخطوات نقلا عن الطرقق اللي ف الفيديوهات
امممم ، ماعندي سؤال ، كلو واضحح ^^

[اسرار علي]

يعطيك العافيه وربي يجعلها في موازين حسناتك ياارب افدتنا كثيررر ومجهود عظيمممممم الف شكرر

[Feras L. Kindi]

دروس رائعة صراحة ومن جدت اتحمست اكثر للكلية !!
حتى مستعد أروح اشتري العدة والـaed وأخليه معايا بالسيارة... بس ماقد شفت واحد مغمى عليه او شي من هذا القبيل ... بس شفت واحد مقتول برصاصة وفات الآوان ><"

يعطيك العافيا وبانتظار الباقي :)

[Dr.MEEM]

واا كل شي يحمس هنا
ربي يسعدك من اول انتظر اعرف الخطوات :)
درس رائع ومفيد والفيديوهات مبسطه مرا !
بس عندي سؤال
لو ماكان عندي الـ aed حعمل ال cpr عادي بدونه ؟
متى لازم استخدمه ؟

شكرا حبيبتي ماقصرتي معانا :)

[00اسماء00]

الله يسعدك يااارب ويجعله في موازين حسناتك بسسس عندي سؤال هو لما نااخذ الدوره في المستشفى كيف طبيعة العمل هل نجرب على دميه ولا على نااس بصراحه ماني عارفه كيف ؟؟

[ζ ـــږۉف الـتـ’ـمـيـــزْ]

يسعد عمرك ياشيخه

اخيراً فهمت الـ CPR

عندي كم استفسار =)

لو في AED حنتبع الخطوات اللي يقولها الجهاز ..
لكن لو كنت في حالة والجهاز لسه ماجاء حسوي الـ CPR وما اوقف لين يجي الجهاز ويعطي التعليمات صح ؟!! زي الفديوا الثاني

لو كنت في مكان غير متوفر فيه AED اسوي للمريض CPR وما اوقف لين يعطي اشاره للحياه او يكون فية تنفس ونبض واحطه في وضعية recovery position صح؟!

بس ابغى ارتب افكاري ^ـ^

[Abdullah Al-juhani]

وعليكم السلام ورحمة الله وبركاته

الدرس واضح يا دكتورة ما قصرتِ
بس عندي استفسار ..!! الآن فائدة الـ aed الأساسية هي أنها تحرك عضلة القلب عن طريق الصدمة الكهربائية
صحيح كلامي ؟

وفي إنتظار بقية الدروس وياليت يكون في بين الدروس أقل شيء يومين نستوعب فيها الموضوع ^^"
شكراً =)

[Dr.Passed]

المشاركة الأصلية كتبت بواسطة feras l. Kindi دروس رائعة صراحة ومن جدت اتحمست اكثر للكلية !! حتى مستعد أروح اشتري العدة والـaed وأخليه معايا بالسيارة... بس ماقد شفت واحد مغمى عليه او شي من هذا القبيل ... بس شفت واحد مقتول برصاصة وفات الآوان ><" يعطيك العافيا وبانتظار الباقي :)

ايوا روح اشتري و خليها في السياره احتياط والله من جد...عشان الطوارئ بس

دكتور بالنسبة للدرس الماضي انت سألت سؤال مهم اذا ماشفت اجابتو ياريت تروح تشوفها