استفسار لجميع الطالبات عن الجدول

[آمال جده]

السلآم عليككم ورحمه الله وبركاته

كيفكم ان شاء الله بخير

بنات انا جديده ف القسم وملاحظه انو اغلب البنات منزلين من 7 مواد مو حيكون ضغط ولا كيف ؟

يعني انا ملاحظه انو عدد الساعات قليل بس برضو نفس الماده حتكون كثير

وبرضو حآبه اخذ رايكم

لو اخذت نظام التعليم / النشاط المدرسي / مقدمه السلوك / اظطرابات التواصل/ مقدمه التربيه الخاصه / المدخل العام للتربيه / تقنيات التعليم / الحاسب في التعليم


هل كذا الجدول متوازن وكويس ولابيكون ضغط عليا في الدراسه

افيدوني جزاكم الله خير لاني اول اسبوع بكون بالمستشفى بسوي عمليه

ابغى ارتب جدولي من بدري



اختكم

[بيونه الغامدي]

لا المواد مرا حلوة بس برضو الاستاذة لها دور اساسي في سهولة المادة و صعوبتها ..

[ريمووووو]

انا اشوف انك تحاولي تدخلي الثقافة لان لها متطلب
والعربي 3 ساعات بيرفع المعدل
فشوفي وش يناسبك وربي يوفقك ..

[طموح سآره]

أنا مع ريمممو ، أضيفي عربي او ثقافه

وبالتوفيق

[شيماء ,]

وعليكم السلام و رحمة الله و بركاته /

موادك كدا تمام بس احس لو تسبدلي النشاط ب الثقافه أحسن

لأن أكتر من بنت قالت تفضل تاخد النشاط صيفي لأن المنهج سهل بس طويل شويه
والله أعلم
دا اللي سمعته و لا أنا لسا ماجربت شي

و من ناحية عدد المواد :

عموماً : لاحظت أغلب البنات اللي كانوا بالمستوى الثالث إذا موكلهم يفضلوا ان المواد تكون كتيره حتى اللي أخدت 7 تلقيها ندمت انها ماخدت اكتر
و شخصياً : فضلت ما ضغط ع نفسي الترم دا
علشان أتعرف ع طبيعة المواد أكتر وكمان بسبب ظرف خاص :"(

والله يوفق الجميع