(ههه)عـشـم ابـلـيـس بالـجــنّــه

[الملك الحزين]

بسم الله الرحمن الرحيم


للشعر مقصد وشعـري راح منّـي للعشيـق
وللشعر معنى كبيرٍ ما يعرفـه جاهـلٍ فنّـه
الهم جاني للصباح وقمت اصيّـح للصديـق
وآقول يا بنت القبايل من عذابي نردف الونّـه
ياغاليه من ظلم وقتي كل ليل وهـي تضيـق
تضيق في وجه الشجاع اللي شقاه مخيبٍ ظنّه
وياغذابي من عذابك يانعـا وجهـي غريـق
في بحر كله غموضٍ والمصايب جاتني منّـه
وش لي بحبٍ كل ليله من همومه في حريـق
مصفاك جرّعني العذاب وربعكم ما حمّسو بنّه
الحب ورماح الليالي كوّنـو ضـدي فريـق
صبرت وللصبر حدٍ وظهري جـاااه ماحنّـه
واليوم بنهي مهرجان الحب في نص الطريق
ونهجر الشعر المبكي واقطعه من انسه وجنّه
ما ظنتي حبك وحبي هي دوى الجرح العميق
والفراق افضل طريق لشاعرٍ ماقرّبـك منّـه



صدقتوا





لا والذي خلا ابن آدم له زفير وله شهيق
= عادني ذيب الحروف اللي فقضها من صغر سنّه
دوون حبك يا شقاي نسل سيفٍ له بريق
= مصنعه عند الهنود وصاحبه لك تسألي عنّه
لو يكون الحرب دونك من الخليج الي المضيق
= لآكون شرّاي الحروب برمح موتٍ قاتلٍ سنّه
القلب عيّا ما يتوووب وما عرف غيرك رفيق
= والعيون تهل دمعٍ قبل حبك كانت تكنّه
ياااورد يسحر من يشوفه كيف ينعاااف الرحيق
= الا لبنتٍ من سحاها صوتها مصحووب بالغنّه
ادري ان الحب قاهر وادري انحن مانطيق
= الفراق اللي جعلنا كل واحد داخله حنّه
اصبري والفااارج الله لازم الا يستفيق
= الزمن من نومه اللي ما يبينا نلتقي كنّه
ولا تغرّك كلمة العذال في حبٍ عريق
= يمكن بساعة خيانه ينقلوا لك انّه 00 وانّه
قلبي بقلبك يالاصيله يربطه عهدٍ وثيق
= وان كان تبغينه يخونه (.ههه.) عشم ابليس بالجنّه

وسلامتكم

[مشاعر حائره]

السلام عليكم ورحمة الله وبركاته

واليوم بنهي مهرجان الحب في نص الطريق
ونهجر الشعر المبكي واقطعه من انسه وجنّه
ما ظنتي حبك وحبي هي دوى الجرح العميق
والفراق افضل طريق لشاعرٍ ماقرّبـك منّـه



ــــــــــــــــــــــــــــــــــــ

ولا تغرّك كلمة العذال في حبٍ عريق
= يمكن بساعة خيانه ينقلوا لك انّه 00 وانّه
قلبي بقلبك يالاصيله يربطه عهدٍ وثيق
= وان كان تبغينه يخونه (.ههه.) عشم ابليس بالجنّه

ـــــــــــــــــــــــــ



تبي الصراحه


حرام كلمة رائعه لابياتك


صح لسانك ويسلم عقلك


كلمات تفووووووووق الروعه

يستحق التثبيت


تحياتييييي

[الملك الحزين]

وعليكم السلام ورحمة الله وبركاته
صح بدنك مشاعر

ويسلم ربي عقلك

ومشكور على المرور

هذا اكثر شي اقدر اقوله