المطالبة بالترم الصيفي لطالبات الانتساب فرع السليمانية

[sma7]

لسلم عليكم ورحمه الله وبركاته


ي ليت نلاقي حل للترم الصيفي للبنات في فرع السليمانيه ضروري يفتحونه لنا مو معقول الفيصليه وطلاب السليمانيه ياخدون صيفي واحنا لا والله ظلم نبغى نخلص بسرعه ايش دا ي ليت نلاقي حل الله يخليكم لحد يطنش اللي عندوفكره ايش ممكن نسوي او نكلم مين نطالبهم انهم يفتحون لنا يرد علي لحححححد يطنش والله نبغى نخلص بسرعه واد في احد قد حاول ومارضيوا خبروني لاني ماعندي علم ادا احد طالب ترم صيفي من قبل


وشكررررا

[sma7]

ي هوه معقول ولا احد فيكم كلف نفسو ورد؟؟؟؟
ترا مو طالبه اختراع

[نواف بن فهد]

وعليكم السلام

اتوقع الترم الصيفي مفتوح للتعليم عن بعد
لان لمن ادخل على الدكتور بالصيف احصله يدرس التعليم عن بعد

وثاني شيء الترم الصيفي ماهو الزامي، يعني اذا مافي دكتور يبغى ياخذ ترم صيفي ماتقدر الجامعة تجبر دكتور على الصيفي لانها اجازته ومن حقه ياخذها

[بنت ناس وقلبي ألماس]

وعليكم السلام ورحمة الله وبركاته

ارفعوا معروض بأسمائكم إلى عميدة الكلية أو الشخص المسؤول عن الانتساب

وبإذن الله تنحل مشكلتكم

وبالتوفيق

[جريحة الزمن]

يب لو حابين نتجمع وندخل لهم ونرفع معامله

[Yasminali]

الصرحه فكره رائعه و لابديفتحو الصيفي لنا
في مننا عندهم ضروف لازم يخلصو بسرعه و اتوفع من ابسط حقوقنا كطالبات انتساب لأننا بندفع لهم و مابنكلف عليهم بالحضور و قاعات
انا معاكم بس قواولي كيف الطريقه
وياربت نطبق هده الفكره في اقرب وقت وماتكون فقط كلام .

في انتظار ردكم بخصوص الطريقه الي نرفع فيها طلب

[Yasminali]

انا اقترح نحدد يوم و وقت نتجمع فيه في الجامعه و يكون المعروض او الطلب جاهز ومطبوع فقط يحتاج الى تواقيعكم و اسمائكم و ارقامكم الجامعيه
ونقدمه لعميد الجامعه.
ايش رايكم ...

[حلم قريب]

المشاركة الأصلية كتبت بواسطة نواف بن فهد وعليكم السلام اتوقع الترم الصيفي مفتوح للتعليم عن بعد لان لمن ادخل على الدكتور بالصيف احصله يدرس التعليم عن بعد وثاني شيء الترم الصيفي ماهو الزامي، يعني اذا مافي دكتور يبغى ياخذ ترم صيفي ماتقدر الجامعة تجبر دكتور على الصيفي لانها اجازته ومن حقه ياخذها

صح الترم الصيفي مفتوح لطالبات التعليم عن بعد بس مو كل الكليات بس لكلية الأعمال برابغ أظن, فرع السليمانية مالهم ترم صيفي
يعني مثلا انا من كلية الأداب و مو مفتوح لنا

[haneen k]

ياليت لو يفتحوه يسهل علينا شوية ضغط المواد

لانو بعض الاترام ستة مواد , انا عشان اسوي خطة كويسة , ومالخبط خطة الجامعة , خليت كل ترم خمسة مواد

بس للاسف مو شايفة في تفاعل , فين الي كانوا يبغوا صيفي

[orjoin]

يارب يكون في ترم صيفي هذي السنه