..[ شحيّت عني بشوفك صار لك مدّه ..]

[واقعية]

شحيّت عني بشوفك صار لك مدّه
واليوم صوتك بعد شحيّت به عنّي


قبل أمس لك صدّةٍ واليوم لك صدّه
زودٍ على مابي من طعون تطعنّي


إن مات شوقك فشوقي واصلٍ حدّه
وإن كنت رايق فعقبك ماضحك سنّي


أرخي لك الحبل وأنت تعوّد تشدّه
صار الجفا فنّك وصار الوفا فنّي


هذي سواياك باللي خصّك بودّه
تعيشّه في عذابك وأنت متهنّي


هذا جزا اللي هواك وجاك من جدّه
عاش يتمنى وقضى العمر متمنّي


الله حسيبك بقلبٍ صار مسودّه
والله حسيبك بحالٍ صار متدنّي


صبري قضى والليالي السود ممتدّه
العمر توّه وأشوف الهمّ زابنّي


عزّي لمن مثلي الدنيا صفت ضدّه
ربه كتب له يعيش العمر متعنّي


ياصاحبي صاحبك كفّه على خدّه
يغفي له شوّي ثم يفزّ ويونّي


يضرب بيدّه من الضيقه على يدّه
ومن الحزن يعتلي المشراف ويغنّي


ياصاحبي والدروب اليوم منسدّه
وش عاد باقي بعد ماخاب بك ظنّي


قال المثل شي منّه تستحي بدّه
بقول لك شي في صدري وغابنّي


قلبي وداعه معك واليوم قد ردّه
هاته بما فيه وخذ وداعتك منّي


مانيب ابي منك لاحاجه ولا مدّه
ابي اتصالٍ على حالك يطمنّي


من عيد لاعيد دقّ وفضلك اعدّه
يمكن لادقيت رقمي ماتعينّي

[للحلم عمر]

سلمت يداكي بصراحه مرره نايس
لاتحرمينا ابداعك

[سنفورة موت]

ياويل حالي

..جونان ياغلالاي
..وين كنتي مخبية هالابداع
ماشاءالله
ربي يسعدك ويحميك

تقلي ودي

خيتك ^_*

[واقعية]

المشاركة الأصلية كتبت بواسطة للحلم عمر سلمت يداكي بصراحه مرره نايس لاتحرمينا ابداعك

الله يسلمك غلاتي

الابداع ما اكتمل الا بتواجدك ياعسل
اسعدني كثير تواجدك
دمتي بخير ~

[واقعية]

المشاركة الأصلية كتبت بواسطة سنفورة موت ياويل حالي ..جونان ياغلالاي ..وين كنتي مخبية هالابداع ماشاءالله ربي يسعدك ويحميك تقلي ودي خيتك ^_*

ويسعدلي قلبك ياذوووق

الروعة ماتكتمل الابتواجدك اللطيف والله

كم اسعدني تواجدك العطر

دمتي بحب ^_^

[قلبي أماراتي]

واقعيه تمعنت في كل السطور حاولت أن أعرف أكثر وأكثر وصلت إلى أخر سطر وأنا في حالة دهشة بروعة بوحك وطريقة أسلوبك الراقي رائعة كلماتك وشامخة بخفايا معانيها كنت هنا أشرب من نبع حرفك الصافي سلمت أناملك عزيزتي دمت ودام إبداعك تستحقين التقييم

[واقعية]

المشاركة الأصلية كتبت بواسطة قلبي أماراتي واقعيه تمعنت في كل السطور حاولت أن أعرف أكثر وأكثر وصلت إلى أخر سطر وأنا في حالة دهشة بروعة بوحك وطريقة أسلوبك الراقي رائعة كلماتك وشامخة بخفايا معانيها كنت هنا أشرب من نبع حرفك الصافي سلمت أناملك عزيزتي دمت ودام إبداعك تستحقين التقييم

تسلميلي غلاتي والله اخجلتيني بإطرائك ياذووووق

والرقي وروعة الاسلوب والله انتي منبعها

اسعدني كثير تواجدك الراقي لاتحرمينا منه ياعسل

دمتي لمن تحبين ^_^