للمستجدين والمستجدات, كل ما تحتاجون معرفته عن السنة الأولى + معلومات أخرى*

[bafa18]

up up up up up

[M7mmd.Y]

^

الخطة اللي منزلينها متوازنة, واي تبديل رح يسبب بزيادة الكرف عندك في الترم الثاني .. هو كذا تمام

عندك في اول ترم مشروع في meng102 والمادة نفسها سهله لما تدرب عليها كويس في البيت

ومادة ie200 هي اصلا بحث

الترم الثاني عندك مشروع في الاقتصاد الهندسي, ولا تغرك كلمة " مشروع " كله ممكن 4 صفحات

وتستخدم بعض القوانين اللي اخذتها في المادة, يعني تجيب فكرة مشروع زي مطعم وكم الدخل حقه... وتقوم تسوي حسابات

زي في المادة نفسها ... بس

الخطة متوازنة لكن يبغالها تشد حيلك عشان الترم الأول الماث 202 والـ EE201 يبغالك فيها تدريب كثير في البيت

ومادة البحث زي ما قلت سوي شغلك اول بأول

الترم الثاني هو اللي فيه ضغط, الفيزياء 202 ومعملها بياخذو وقت منك وتجي الـ IE201 خصوصا

في آخر اسابيع تاخذ وقتك كله, فلازم تكون مخلص مذاكرتك اول بأول لأن في النهاية مارح تلاقي وقت

الماث 203 سهلة بس طوييييييلة وقوانينها كثير, طبعا مو زي الفيزياء لكنها برضو طويلة, اما المنهج لا تخاف سهل مرة

نزلها عند السيد أو نواب, الاثنين تمام

الماث 202 عند عبدالله القثمي اذا كان لسه يدرس او حامد السلمي,

IE201 احمد زكريا والنقيطي وريحان مررة تمام ... ريحان يكرفك صح ويكرهك عمرك لكن ما يقصر

معاك في الأخير

IE200 انتا وحظك, المعامل ما تفرق, نفسه في العربي, اما الثقافة زي ما قلت في الموضوع

نزلها عند الدكتور محمد عايض عسيري .. رح تدعيلي

البرمجة سمعت فيه دكتور اسمه او جزء من اسمه سويدان .. الطلاب يمدحوه

لأن بقية الدكاترة فيها يكرهوك في المادة من طريقة الشرح

الاقتصاد نزلها عند وائل حسين, الحركان كويس لكنه كرّيف, وائل متساهل مع الطلاب ويدف

في الأخير الفيزياء, اذا الانجليزي عندك تمام نزلها عند الدكتور صبغة الله الكاظمي, احسن واحد في قسم الفيزياء

ولو تبغا عربي, فيه واحد جديد اسمه الشهري اعتقد الطلاب في الصيفي يقولو كويس

اما المعمل حقها فـ انتا وحظك , لكن كلهم كويسين, وخصوصا الجفري, كرييف لكنه طيب ويبغا مصلحة الطلاب ويساعد

شد حيلك لأن الكرف دحين متوزع مزبوط على الترمين

بالتوفيق لك

[Dark-Soul]

^^^^^

ما شاء الله عليكم اخوي محمد

كنت مسوي مستند نص اجمع فيه نصايح الطلاب وأفضل المدرسين والجداول

لكن ردك الله يجزاك خير يغنيني عن كل هذا

انا بمشي على كلامك وان شاء الله تتيسر الامور لي ولك

بس عندي ملاحظه وقت تسجيل المواد هل يطلع لي اسم الدكتور

لأن الفتره اللي فاتت وذحين قفلوا التسجيل كان ما في غير مدرس واحد تقريبا لك ماده

انا ما نزلت ولا ماده كنت خايف انشب عند واحد ما يعرف يشرح


وكيف تتوقع ساعات الدوام حقتي تكون ؟

وإذا كان عندك ترتيب حلو ممكن تقلي عليه ؟

وهل اقدر اشوف الشعب ذحين ؟

عشان ازبط لي دوام حلو يصير اول ما يفتح الاودس أسجل

وجزاك الله الف خير اخوي محمد

[M7mmd.Y]

المشاركة الأصلية كتبت بواسطة dark-soul ما شاء الله عليكم اخوي محمد كنت مسوي مستند نص اجمع فيه نصايح الطلاب وأفضل المدرسين والجداول لكن ردك الله يجزاك خير يغنيني عن كل هذا انا بمشي على كلامك وان شاء الله تتيسر الامور لي ولك

وياك يارب, الله يسهل لك امرك

بس عندي ملاحظه وقت تسجيل المواد هل يطلع لي اسم الدكتور لأن الفتره اللي فاتت وذحين قفلوا التسجيل كان ما في غير مدرس واحد تقريبا لك ماده انا ما نزلت ولا ماده كنت خايف انشب عند واحد ما يعرف يشرح

وقت التسجيل بيطلع لك اسماء الدكاترة + المباني والقاعات, ممكن دحين ما تكون موجودة

واصلا حتى لو حاولت تنزل الاودس كله مشاكل وما بتنزل كل المواد معاك

هم فاتحين التسجيل الآن, جرب اذا لقيت دكاترة وشعب كويسة سجلها

وكيف تتوقع ساعات الدوام حقتي تكون ؟ وإذا كان عندك ترتيب حلو ممكن تقلي عليه ؟ وهل اقدر اشوف الشعب ذحين ؟ عشان ازبط لي دوام حلو يصير اول ما يفتح الاودس أسجل وجزاك الله الف خير اخوي محمد

خلي الرسم يوم السبت, ومعمل الفيزياء مثلا يوم الاثنين

يصير كذا خلصت من مادتين في الجدول, بقيلك اربعة: ماث - ماتلاب - بحث - عربي

ممكن تحط الماث ايام smw سبت واثنين وربوع لو تبغا والبحث اجباري في هذي الايام

يصير يوم السبت عندك الرسم والماث وبحث

الاثنين عندك معمل فيزياء وماث وبحث

الربوع تداوم بس للماث والبحث .. زي كدا كنت انا مسوي مخفف يوم الربوع

والاحد والثلوث يكون الماتلاب والعربي .. بيكون دوامك سهل وخفيف

ممكن بالطريقة هذي يكون عندك بريك ابو ساعة يوم الاثنين .. بس ممكن تزبط الجدول

انه مافي بريكات

التسجيل مفتوح دحين, لو ما رضي يسجل معاك, اكتب في ورقة الشعب اللي تبغاها وارقامها المرجعية

يصير يوم ما يفتح كل شي يكون عندك

وتلحق مكان

بالتوفيق

[Dark-Soul]

اخوي ايش الفرق بين مغلق وغير متاح التسجيل

انا لقيت حق الرياضيات زنقور TU T

خلاص لقيت حامد smw
بس مكتوب على كل الشعب غير متاح التسجيل

وكيف اخلي الجدول اذا كان مافي سبت اثنين ربوع بالنسبه للماث ؟

والسويدان حق البرمجه مكتوب مغلق

ايش الفرق بين غير متاح ومغلق

وشكرا لك اخوي محمد

توي كنت بضيف البحث لكن لاحظت مشكله شوف حامد السلمي وقته كيف
MWS 11:00 AM-12:20 PM حامد ح. عفنان السلمى (P)
والبحث smw 10:00-11:50
وفي وحده ثانيه الساعه 8 بس ما ابيها
كيف تجي كذا ساعتين البحث

[M7mmd.Y]

المشاركة الأصلية كتبت بواسطة Dark-Soul اخوي ايش الفرق بين مغلق وغير متاح التسجيل انا لقيت حق الرياضيات زنقور TU T خلاص لقيت حامد smw بس مكتوب على كل الشعب غير متاح التسجيل وكيف اخلي الجدول اذا كان مافي سبت اثنين ربوع بالنسبه للماث ؟ والسويدان حق البرمجه مكتوب مغلق ايش الفرق بين غير متاح ومغلق وشكرا لك اخوي محمد توي كنت بضيف البحث لكن لاحظت مشكله شوف حامد السلمي وقته كيف MWS 11:00 AM-12:20 PM حامد ح. عفنان السلمى (P) والبحث smw 10:00-11:50 وفي وحده ثانيه الساعه 8 بس ما ابيها كيف تجي كذا ساعتين البحث

ما اعرف السبب تحديداً لكن ممكن مغلق يقصدو ما رح يفتحو الشعبة الا لما تتفلل الشعب الثانية

وممكن تكون فُل, واما غير متاح التسجيل فكلنا زيك, انا ما نزلت الا مادة واحد بس

والباقي غير متاح ..

فيه ماث smw ؟؟ تقصد كيف بيكون الجدول لو تبغا الماث احد وثلوث؟

البحث ساعتين مافيها, بتضطر تضيف البحث من 8 لين 10 وبعدين بريك ساعة وتروح الماث

موضوع البريكات ام ساعة هذي بتتعود عليها لو تبغا دكاترة كويسين, اما لو اي شعب

بتلاقي الساعة 10 , ولو مافي انتظر لما يبدأ الحذف والاضافة رسميا

لو كاتبينلك البحث ساعة واحدة فهذا غلط من عندهم ورح يتعدل, البحث ساعتين smw

بالتوفيق لك

[M7mmd.Y]

الجدول لسه فيه شوية فراغات بس مو مشكلة تقريباً نصف ساعة ما رح تفرق

معمل الفيزياء ما اعرف اذا كان فيه الصباح لأنو انا معملي كان يبدأ الساعة 11

انتا زبط جدولك وبس سجل في المادة في الاودس, واول يوم دوام اطبع الجدول حقك وروح كلية العلوم

الدور الأرضي اسأل على معامل الفيزياء, لما تدخل المعمل اعطي جدولك للفني

بيشوف جدولك ويعطيك اوقات واختار اللي يناسبك.. ولو مثلا صارت ومافيه الا وقت واحد اللي فاضي فيه

يشوفو كم طالب زيك ويفكو شعبة جديدة لكم, يعني الفيزياء ما تاخذ وقتها من الاودس اصلا

اقترح عليك انك تخلي المعمل يوم الأحد بعد الماث لأنه 3 ساعات بعدها يجيك معمل البرمجة

يعني تداوم اول اليوم للبرمجة النظري, بعدين تروح الماث, بعدين تروح معمل الفيزياء وبعدها تروح معمل البرمجة

يكون جدولك مرتب لهذا اليوم

الله يوفقك

[hayaalsh]

الله يديك العافية وتتخرج ب a+
بس يا ريت لو تقولنا اسماء الكتب المطلوبة لهذه المواد ومن اي مكتبة نجيبها:
Ee201
Ie200
Meng102
Math202 سمعت انو نفس كتاب التحضيري؟؟

[M7mmd.Y]

المشاركة الأصلية كتبت بواسطة hayaalsh الله يديك العافية وتتخرج ب a+ بس يا ريت لو تقولنا اسماء الكتب المطلوبة لهذه المواد ومن اي مكتبة نجيبها: Ee201 Ie200 Meng102 Math202 سمعت انو نفس كتاب التحضيري؟؟

ويعافيكِ يارب

* البرمجة ee201 كتابها اسمو

INTRODUCTION TO MATLAB 7 FOR ENGINEERS

ممكن يكون فيه اصدار جديد للكتاب, لكن هوا هذا

* البحث IE200

الكتاب زي ما ذكرت في الموضوع اسمو Face To Face

وكل سنة ينزلو اصدار جديد منو في مكتبة الشقري اللي في الجامعة

* الرسم الهندسي Meng102

كتاب فيه تمارين كثير, كبير اوراقه من نوع A3, بيعطوكم هوا في المحاضرة نفسها إن شاء الله

ولو ما اعطوكم رح يقولولكم من فين تشتروه, لأن نظامنا احنا الأولاد اننا نشتريه منهم

* الماث هذا الكتاب اللي احنا ماشيين عليه

Thomas Calculus 11th Edition

لو مو نفسو اللي عندك, هذا الـ ebook منه على الميديا فاير

http://www.mediafire.com/view/?9vdo5651sznv6qv

لو تبغي الـ solution تبعه ارفعلك هوا, لأن حجمه كبير شوية

بالتوفيق اختي

[M7mmd.Y]

مادة الماتلاب ee201 موجود عندي ebook من كتابه

ارفعه لكم؟