وظائف شاغرة للمعيدات في كلية الاقتصاد المنزلي بجدة

[السعودية]

عزيزتي لو شهادة بكالوريوس اعتقد يقبلونك

و لازم تروحين تقدمين

بالتوفيق

[هناء26]

ياريت الله يسعدكم تقولولي فين اروح بالزبط

اروح الجامعه قسم البنات ولا ارسل احد لقسم الرجال

لاني من مكه وما اعرف احد هناك

ولاعمري دخلت الجامعه

وبروح يوم الثلاثاء ان شاءالله

الله يجزاكم خير

[محبة رضا الرحمن]

بسم الله الرحمن الرحيم
السلام عليكم ورحمة الله وبركاته

بنات بدي اسال ما هو الفرق بين اقتصاد تربوي و اقتصاد تخصص تغذية
اليوم رحت جدة وقالتلي لازم اقتصاد تربوي
يعني اقتصاد تخصص تغذية مهم طالبين

[السعودية]

هناء 26

روحي قسم البنات و ادخلي من بوابة غربية 2 الي عند البنك

و اسالي بنات الامن يدلونك قريب من هناك

الله يوفقك

محبة رضا الرحمن

ايوه فيه فرق هذاك كلها مواد تربوية بينما التغذية لا

و للاسف مش طالبين تغذية و لا فنون

بالتوفيق

[نسكافة]

مرحبا للجميع
انا رحت امس الاثنين وقدمت
بس قسمي اقتصاد منزلي وتربية فنية وقالت لي مدري يقبلوكي والا لا
عشان قسمي انا مو فاهمة هما ايش محتاجين بالظبط والله احترت
قالت احط اوراقك في الاقتصاد المنزلي التربوي قلت طيب
بس اخاف بعد التعب هذا كله تطلعلنا حكاية الواسطة ويروح تعبنا في الهواء
بس الشهادة لله كان تعاملهم ذوق والكل متعاون والكل يساعدك يعني انا من مكة والاخوات اللى مهم عارفين اول ما يوصلوا الجامعة يسألوا ويلاقوا اللى يدلهم بدون ما يشيلوا هم