عندي أسئلة عن ماجستير الاقتصاد ( أرجو التفاعل ) ^_^

[اقتصادي لغوي]

والله يا سيدة مولا لو حصلك تاخذي دكتوراة في أمريكا أو أكندا مثلا لا تفوتيها

ممكن أسألك سؤال لو سمحتي .. انتي أيش تخصصك في البكالريوس ؟

وكمان بصراحة يا استاذة مولا الأوادم المبتعثين اللي سألتهم عن الماستر اللي بمشروع بحث هل هوا مقبول في أمريكا وكذا مقدر أقولك انهم متخصصين في الاقتصاد

لكنهم ناس يظهرلي عندهم خبرة في موضوع ماستر المشروع البحثي بشكل عام ( قصدي في جميع التخصصات ) ونسبة قبوله في الجامعات الأمريكية لأني سألت في تجمع مبتعثي الدكتوراة هذي السنة 2013 اللي في موقع مبتعث

بس برضو راح اتواصل مع بعض الجامعات الأمريكية بنفسي وأتأكد من الموضوع هذا عشان أطمن

لكن بالنسبة لزميلاتك ( مع كامل احترامي ليهم ) .. أيش مصدر معلوماتهم ؟ ^_^

وكمان عندي سؤال تاني لو تكرمتي ...

لو افترضنا اني انقبلت في ماستر الاقتصاد .. وفكرت آخذ مثلا في الترم الأول :

1- نظرية جزئية و2- نظرية كلية 3- رياضي 4- تحليل اسلامي ... مجموع الساعات ( الوحدات ) = 12 ساعة ( وحدة )

وفي الترم الثاني :

5- قياسي 6- نظريات نقدية 7- مؤسسات وساطة 8- مناهج بحث ... المجموع = 12 ساعة

وفي الترم الثالث :

9- صناعي 10- اداري 11- دراسات جدوى 12- تقييم مشروعات ... المجموع = 12

وفي الترم الرابع :

13- حضري 14- اقليمي *- مشروع بحث ... المجموع = 9 ساعات ... مجموع الساعات الكلي = 45 ساعة

فهل فيه شيء مثلا يمنعني اسوي خطتي ع الشكل هذا من حيث اختيار المواد وعددها في الترم الواحد ؟

قصدي هل فيه جدول محدد لجميع الطلاب كل ترم .. ولا المجال مفتوح تماما لكل طالب يعمل اللي يريحو ويناسبو ؟؟

أخيرا مدري ليش حاطين في الخطة 11 حقل بينما المتاح هوا 5 حقول فقط ..

قصدي ليه ما يحدثو صفحة القسم كل ترم ويقولو مثلا المتاح هذا الترم كذا وكذا زي ما تسوي الجامعات اللي بره :(

وكمان عندي اختبار قدرات الجامعيين يوم الثلاثاء دعواتك

* وللفائدة هذي صفحة أمريكية فيها جامعات تقدم بعض برامج ماستر أودكتوراة ما تشترط الـ GRE .. ومن خلالها يقدر الواحد يبحث عن كتير من التخصصات المتنوعة

http://ainsleydiduca.com/grad-school...re-gre/#Public