مادة meng 130(أساسيات ورش)

[Eng:da7moon]

شباب بليييييييز الي يعرف شي عن دي الماده فا مايبخل علينا

[فااارس]

المادة فيها جزء نظري و جزء عملى

النظرى مع رئيس القسم الدكتور سعد الدوسري و يتكلم عن طرق التصنيع المختلفة و هي مادة ممتعة

و العملى راح تشوف مع التقنيين و تشتغل بعد في بعض الماكينات مثل المخرطه و التفريز و غيره


هذا باختصار شديد جداً

و اي استفسار... موجودين

[Eng:da7moon]

ثاكس اخويه بس حبيت اسألك دحين تعتبر من المواد السهله ولا الصعبه شعان محتار انزل معاها ماث 203 ولا لا وفي سؤال تاني لو سمحت دحين المعمل الموجود عندي في الجدول وقتو مرره مو عاجبني هل يعني بالامكان اغيرو من عند الدكتور ولا كيف

[المهندس هاني]

مادة سهلة جدا وهي مقدمة في الصناعة متل الطرق والحدادة والجودة واشياء كثيرة نسيتها لاني درستها من زمان

لها قسمان : قسم نظري يدرسه رئيس قسم الانتاج الدكتور سعد الدوسري وهو عبارة عن ملف بور بوينت تاخذه من نادي الانتاج او اذا تبغى عندي نسخه من الملف اقدر ارسله لك,ودرجات النظري اهم شي الحضور تم يوجد اختبار نهائي على الجزء النظري , على ايامنا اعطانا الدكتور 50 سؤال الاختبار النهائي ما يطلع من الخمسين سؤال

اما القسم الثاني وهو الجزء العملي وهو الاهم لان الحضور عليه درجات ويوجد له اختبارين فقط تكون على فهمك للمعامل
والمعامل موجودة في الورش الي في مبنى ب , ومن المعامل الخراطة , التفريز, سبك المعادن , اللحام, وغيرها

هذا اهم شئ في المادة وهي من المواد الي تجيب فيها على الاقل 85 اذا اهتميت بالمادة

تحياتي

[Eng:da7moon]

ثانكس اخوي هاني

[فااارس]

أعتقد المهندس هاني كفى و وفى


و إذا شايف في شئ ثاني تحب تسأل عنه

تفضل اخوي

لا يردك الا الكيبورد:)

[المهندس هاني]

بالنسبة للمعامل ترى مو الي في الجدول يكون معملك لانه راح ينزلون جدول باسماء طلاب الورش وموعد كل معمل مع اسم التجربة
ممكن الاحد او الاثنين او الثلاثاء على ما اعتقد
واحتمال انك تغير الموعد مرة وحدة اذكر واحد غير الموعد عشان مباراة الاتحاد في كاس العالم ( والله فلة )

[Eng:da7moon]

مرره تمام انا شايل هم المعمل عشان موعدو مرره متأخر الله يجزاكم الف خير اخواني فارس وهاني كفيتوا ووفيتوا

[Eng:da7moon]

شكرا لكم اخواني فارس وهاني على افادتكم لي

[فااارس]

العفو أخوي كلنا زملاء بعض

و الشكر الحقيقي للمهندس هاني