خطة أ تنآديكم <<تعآلو يآخطة ب

[StrawBerry]

السلآم عليكم ... كيف حآالكم بعد الاختبآآرآت ان شآء اللهـ يكون الكل درجآتو حلوهـ يآآرب ..
مآرح اطول عليكم .. اناا حآبهـ هنآ انزل موضوع عن خطهـ أ واهم الاشيآء فيهآ عن كل مآدهـ عشآن خطهـ ب يستفيدو لانو بجد هما سبقوونآ ونزلولنآ الموضوع ومررة شكرآ وربي يجزآكـ يآ mooon999 الف خير يآرب ..

نبدا في مادهـ مآدهـ :

الريآضيآت :
المآث اول شي اغلبوا معلومآت مكررهـ يعني تقريبا كلو اخذنا في الثآنوي مع زيآدآت بسيطة مو كثيرهـ واختلآف اللغهـ طبعآ .. بس المشكلهـ انو الكميه كبيرهـ يعني تقريبا كل الي اخذنا في الترمين في ثآلث ثآنوي معآنآ يعني في الفآينل لو مآذآكرتي اول بأول مآتقدري تخلصي وبتحوسي فيهـ ..
وحآولي انك في الدوري الاول تجمعي درجآت لان الجزئيهـ بسيطهـ وسهلهـ شآبتر 1 من 1.1 الى 1.5 يعني 5 اجزآء و كلها تقريبا معآدلات ومتراجحات وانواع الدوال والمجالات والمدى وزي كدا..واهم شي في هذي الجزئية تعرفي كيف انك تطلعي المجال والمدى اذكر اختبآر الدوري الاول جآت فقرآت كتير عن المجال والمدى (domain -Range ) ..

والدوري الثآني بيكون من 1.6 الى 3.2 تبدا تدخل معآكي الدوال المثلثيهـ (الجا والجتا ...) والنهآيآت والاتصآل وبدآيه التفآضل والاشتقآق وهذي تقريبا اصعب شي عندي في المآث بس انتي لو ركزتي مع شرح الاستآذهـ وذآكرتي اول بأول إن شاء اللهـ بتكون سهلهـ عليكي وهيا تقريبا نفس حق الثآنوي الي كنآ نآخذو ..

وفي الفاينل طبعا كلو معآكي 4 شبآتر بكل اجزآئها مآعدا الي مو معآنا في المنهج ..
واحنآ الدوريآت كآنت الحمدلله سهلهـ بس الفآينل اللهـ لايوريكم كيف كآن .. بس ان شاء الله مآيسوو فيكم زينا ...

واهم شي في الريآضيآت ركزي مع الاستاذه في المحآضره كويس وذااااااااكري اول بأول ده اهم شي .. وفي شي كمآن حآولوا تحلو الهووم ووورك اول بأول ع الموقع اون لاين ولا بتحوسوا زينآ اخر الترم ويتقفل عليكم <<زيي اتقفل عليا ومآكمملت واللهـ قهر ..
المهم هو عليه 5 درجآت بونس عليه يعني بتفيدكم .. بس احنا حسنا في البدايهـ لانو اول دفعه يجربوا فينا هذا النظآم والموقع كآن دآيمن يعلق مآيفتح وفيهـ بنآت خلصنا السمستر مسآكين والموقع مآفتح معآهم ..
وبس هذا اهم شي في المآآآث ..

الفيزيآء :
آآآخ ومآ ادراك ما الفيزياء انا عن نفسي بقولكم انا اش سويت انا في شعبتي ربي كتب علينا استآذه ماتشرح للاسف مانفهم منها شي كلو تشرح ع البوربوينت وماتكتب شي حتى المسآئل تخيلو !!!
المهم وبعدين لما طلبنا منها تغير البوربوينت وانو احنا مانفهمم اتغيرت وسرنآ نفهم شوي بس مو مرة ..
بس في استآذآت في شعب تاانيه كويسين ويشرحوا تمآم زي دكتورة لبنى ودكتورة انسجآم .. مآشآء الله البنآت الي كآنو عندهم كآنو فآهمين ...
فأنتو لو كنتو عند استآذه مآتشرح عليكم بالملخصات لانو الكتآب ماحتفهموا منو شي ابدا .. بس حآولو تترجموا السمبل بربلم والتشيك بوينت الي في كل شآبتر وتفهموهم لانو بيجيبوا منهآ في الدوريات بالذآت ...
وكمآن المربعآت الصفرا في الكتآب فيهآ تعآريف ووكلام نظري مهم ترجموا وذآآكروه ...

واالملخصآت شوفوا عندكم علي الزهراني واشرف بركآت ويوسف زويل .. والمشكله الي انا عآنيت منهآ انو كل شآبتر احد شآرحو كويس فاحترت سرت اخذ كل شآبتر واذآكرو من احد يعني من الملخص الي افهم منو ..

بس الحلو انو في اشرف بركآت في تمآرين كثير ومسآئل فيهآ افكآر جديده وجآ منها في الدوري الاول والثآني ..
والفيزياء كآن عكس المآث يعني الدوريآت كآنت صعبه وجبنا فيها العيد خاصه الدوري الثاني اما الفآينل فالحمدلله كآن مرة سهل وحلو وكآن فيه بونس كمآن ..

وبالنسبه للاختبارات فالدوري الاول كآن في شآبتر 1 ,2 ,3 فحآولو تجمعوا الدرحآت فيه لانو سهل وقلبل صح يجيبو اسئله عبيطة شويه بس حآولو تفهموا وتذآكروا اول بأول ..
والدوري الثاني كآن في شآبتر 2,3,4,5 ..
والفآينل نآس قالت كلوو ونآس قالت الاربعه الاخيرة وفي النهايه جا كلو من الاربعه الاخيره الحمدلله اصلا ماذاكرت غيرها ...
والفيزياء كمآن اغلبوا معلومآت اخذنآها في الثآنوي ومكرر بس شوي زيآدة وانجليزي طبعا .. بس ان شاء الله لو ذآكرتي اول بأول وفهمتي كويس وذآكرتي مسآئل وتمآرين كتيير ان شاء الله تفهمي وع طول تحلي وماتتعبي ...

الحآسب :

الحآسب مآده سهله وحلوة وان شاء الله درجآتكم مآتنزل فيها عن A+ ... بس عندك الفصل الاول شوي يبغالو حفظ والفصل الاخير بس البآقي كلو فهم وقرىءة وتطبيق ع الجهآز لانو كلو برامج الويندوز والوورد والاكسل والاكسس والبوربوينت ..
الدوري الاول تختبري نظري وعليه 10 درجات وعملي 25 درجه في الفصول الثلاثه الاولى وطبعا العملي بيكون بس في الويندوز والوورد وهذا اسهل شي فحاولي تجيبي الفل مآرك في هذا الاختبار ...

والدوري الثاني بيكون في الاكسل والاكسس بس نظري وعملي ..

والفآينل بيكون نظري بس في البوربوينت والفصل الي بعدو مو فاكرة اسمو بس يتكلم عن النت والايميل مررة سهل والفصل الاخير شوي طويل و يبغالو حفظ <<بس ماجا في الفاينل منو اسئله كثير الحمدلله ....

وتقسيم الدرجآت في كل دوري 35 (النظري 10 والعملي 25) وفي الدوري يجيكي 20 سؤال على كل سؤال نص <<بس طبعا مايجبروا النص
والفآينل من 30 درجه ويجيكي 40 سؤال على كل سؤال ثلاثه اربآع ...


اما اخر شي مهآرات اتصال :

ينآسو على هذي المآدة احلى واسهل مآده اخذتها مررة حلوة وتفيدك في حيآتك كتير ..
اهم شي فيها تركزي في المحآضرة اصلا غصبا عنك استاذتنا كآنت تجذبنا بشرحها ربي يسعدها ..
والله وانا اذاكر اذكر شرحهآ فبسرعه افهم ومااتعب ..
اهم شي انك تقري كل كلمة في الكتاب لانهم يجيبوا من كل شي بس لاتخافي والله مرة سهل صح الفاينل يكون طويل بس سهل اقري واحفظي التعدادات وبس ..
وان شاء الله كلكم فل مآآرك .. لانو عندنا ف الكلاس مافي وحدة نقصت عن 26 في الدوريات ..المادة سهلة وممتعه ...

وسلآمتكم ..

هذا الي قدرت اكتبوا وعفوا على التقصير واللخبطة كل مااذكر شي اكتبو .. الموضوع مو مرتب ..
بس اتمنى يآخطة ب انكم تستفيدوا ومآتغلطوا نفس اخطآءنا ....

وربي يوفقكم ويوفقنآ ويسهل علينآ ...

[بسمة ألـم]

وهـ فديت توأمي

الله يجزاك خير ياقلبي


اكيد بنستفيد من نصايحك يادكتورة


ان شا الله يارب اشوفك في يوم دكتوره قد الدنيا

ودي بسومة

[HANOoOF]

تســــــلم يدك ..

ومشـــــكوره .. ربي يسعدك ويوفقك .. ^_^

والله يعطيك العافـــــــــــيه وجزاك الله خيــــــــر ..

[بسمة ألـم]

بعدين الموضوع مرتب ومافيه لخبطة

>>قرتو 20 مره

خخخخخخخخ

ان شا الله ربنا يوفق الخطتين

[sho0ory]

يعطيكٍ الف عافيه


كتبت كل نقاطك اللي قلتيها


وان شاء الله استفيد منها


الله يوفقك وين ماكننتي ويسر لك امورك


اللهم يسر ولا تعسر

[StrawBerry]

المشاركة الأصلية كتبت بواسطة بسمة ألـم وهـ فديت توأمي الله يجزاك خير ياقلبي اكيد بنستفيد من نصايحك يادكتورة ان شا الله يارب اشوفك في يوم دكتوره قد الدنيا ودي بسومة

يسلمو بسووومتي ..
ربي لايحرمني منكـ
اميييين اللهـ يسمع منكـ ...

[StrawBerry]

المشاركة الأصلية كتبت بواسطة hanooof تســــــلم يدك .. ومشـــــكوره .. ربي يسعدك ويوفقك .. ^_^ والله يعطيك العافـــــــــــيه وجزاك الله خيــــــــر ..

اميييين حيآتو ..ويسعدك ربي كمآن ..
وان شاء الله ربي يوفقك ويسهل على الجميع يآرب ..
واتمنى الكل يستفيد ...

[StrawBerry]

المشاركة الأصلية كتبت بواسطة sho0ory يعطيكٍ الف عافيه كتبت كل نقاطك اللي قلتيها وان شاء الله استفيد منها الله يوفقك وين ماكننتي ويسر لك امورك اللهم يسر ولا تعسر

ويوفقكـ قلبو كمآن ..
واهم شي تستفيدي ودعوتكـ هذي واللهـ مررة فرحتيني ولا ابي غير دعوآآتكم حبآيبي ..
وربي يوفق الجميع ..

[AnoOosa NoOoSa]

يــــــــــديكي العافية
وموفـــقة إن شاء الله في خطتك الجــديدة

[StrawBerry]

المشاركة الأصلية كتبت بواسطة anooosa nooosa يــــــــــديكي العافية وموفـــقة إن شاء الله في خطتك الجــديدة

آمييييييييييين ويوفقكـ انتي كمآآن يآآعسسسل