استفسار بخصوص حالة او نوع الطالب ..

[MOFY]

السلام عليكم ورحمة الله ..

عندي استفسار بسيط بخصوص حالة التسجيل ..

انا في بداية الترم طبعت دراسة الحاله و وعبيت فورمة من القبول والتسجيل بخصوص نموذج طلب التخرج ووقعت عليها مشرفتنا ورجعتها لهم ,,

وحدة قالت لي انو الشغلانه ذي كلها بس عشان يغبروا الحاله للطالب من مستمر بالدراسة الى متوقع تخرجه !!

سؤالي الله يسعدكم هل كلامها صحيح والا هي لإجرائات اخرى تخص التخرج والوثيقه مع انو للحين ماتغيرت الحاله عندي مازالت مستمر بالدراسه والمفروض يكتبوا متوقع تخرجه ,

اسفه عالإطاله ومشكورين مقدمااااا

[white rose]

وعليكم السلام ورحمة الله وبركاته

يا هلا وغلا بموفي

لك وحشة وربي

بالنسبة للتغيير صحيح كلام صحبتك هيا فقط عشان تتغير حالتك بالاودس بلس + عشان يجهزو ملفك ووثيقتك في العمادة ..

وافتكر احنا برضو ما تغيرت الا قرب الاختبارات باسبوع شي كذا تاخروا فيها مرة وممكن ما تتغير حتى وتروحين تستلمين وثيقتك عادي اهم شي انك قدمتي الورقة وسويتي الاجراءات وهما براحتهم يغيرو الحالة وفيه بنت اعرفها ما تغيرت الحالة عندها واستلمت وثيقتها عادي لمن راحت يوم استلام الوثيقة ..

وما في اي اجراءات الا اجراءات يوم استلام الوثيقة وتلاقيها هنا :
★:||:★ اجراءات استلام وثيقة التخرج [ طالبات انتساب ] ★:||:★

الله يتمم لك فرحتك بتخرجك ويرزقك اعالي الدرجات دنيا واخرة

[MoLaR]

متى اقدر اغير حالتي الى متوقع تخرجه ؟
الآن لدي الساعات المكتسبة 88

[white rose]

^ ^

اخوي الطلاب ما يلزمهم اي تغيير للحالة او تقديم اي ورق فقط يوم استلام الوثيقة يروحو للشئون التعليمية بالكلية ثم العمادة لاستلام الوثيقة ..

والتغيير خاص بالطالبات فقط ..

الله يفتح عليك :-)

[MOFY]

يسعدك ربي ما نتستغني عنك وانتي لك وحشه اكثر والله
اللهم امين يارب جزاك الله خييييييير
الحمدلله ارتحت كنت شايله هم انو في شي ناقص

روحي ياشيخه الله يحقق امانيك ويطمن بالك دوما وابدااااا