انتبهوا ياعاااالم : عشان يستمر العطاء بالمنتدى ادخلو هنا

[ALMJAZF]

ياجماعة الخير كيف تبون يستمر العطاء وكل واحد يستثقل يكتب مايفيد غيره بس يبي يشيل ويمشي .

أولا / كل واحد يمر بتجربه او يتيسر له شيء ف يشاركه مع اخوانه وحتى لو معلومه بسيطه .

والشيء الثاني / كل واحد يسوي ملخص او يحل اسأله او يلقى اسأله ف برضه يشارك به .

والشيء الثالث / حقين الدورات التأهيليه يحاولو يستلخصو من الدكاتره المحذوف ويجي ينشره .

ليش الدفعات الجديده ما تسابق على فعل الخير .

والله اني مانلت الاستشاره ولفتت الانتباه الا لأني كنت افيد اكثر مما استفيد وادور الاجر بس .

ياناس انا الحين ماني قاعد اكتب الا منقهر من الاهمال والخمول اللي بالاعضاء .

انا ماني قاعد افضفض عشان تقولو ( والله صح المنتدى سار فاشل لازم نبطل نضيع وقتنا عليه ) لا والف لا المنتدى ذا ما وجد لنا يالاعضاء الا للفايده العلميه ووالله انكم تقدرو اول ماتقوموه انكم ترفعو معدلاتكم للامتياز وامتياز بمرتبة الشرف مثلنا ومثل الكثير من الاعضاء بالدفعات السابقة .

والكلام ذا والله ما معي منه فايده ممكن الفايده الماديه تكون للمشرفين والمدراء اما انا كلامي من باب ابي تفيدو وتستفيدو .



وما ابي ردود على كلامي سلبيه ابي ايجابيات ووعود وبرضه ان كان عدد المشاهدات اكثر من الردود ف والله انكم ما معاكم فلاح بالطريقه ذي // الكل بس يبي يستفيد ويشرد
/// ترا الردود الحلوه للاعضاء المميزين تخليهم يتألقو وبرضه اذا جاء رد اليم لواحد لأول مره يكتب راح يتحمس ويبدأ يكون عضو منتج ومثمر

وبالتوفيق للجميع بحياتكم العلميه والعمليه

[ALMJAZF]

Up للفائده

[رد الجميل]

توالت أجيال على هذا الصرح بذلوا له الوقت و الجهد حتى ءآتت ثمارها

أخي مجازف أنت أحد تلك الأسماء اللتي سطّرت أناملها الكثير حباً للخير

لا حرمك الله الأجر و أسال الله أن ينفع بك

[نجم الرياض]

نعم كلامك سليم اخوي مجازف
يعني المشكله حتى بعض الاعضاء ماعنده وقت يفيد نفسه يبي كل شي ع الجاهز
وهذا الشي غلط بعد التوكل ع الله لازم الواحد يعبر نفسه شوي ويحاول ايضا يفيد الاخرين
عشان يلقى المأمول ....

[Ent 8albi]

كلام جدا جميل أخ مجازف

وصدقني طرى في بالي أكتب مثل موضوعك وان اختلفت الكلمات لكن المعنى والهدف واحد

ومثل ماطرى لي ف أكيد انه طرى لاشخاص وانت كفيت ووفيت بطرحك هذا الموضوع

وأتمنى نلقى الحل المناسب لجعل عدد الردود نصف عدد المشاهدات > ام الطموح ههههه

جزاك الله خير عزيزي فيك الخير والجميع كذلك فيهم الخير

وأتمنى تفاعل الاعضاء مع الموضوع

[محمدالصغير]

كلام جميل

[fofo239]

ما قصرت أخوي المجازف

كلامك في الصميم

ولكن الحال عكس كلامك

فالمنتدى يحتضر

وإدارة المنتدى يجب عليها البحث في تطويره وتفعيله

[ALMJAZF]

المشاركة الأصلية كتبت بواسطة رد الجميل توالت أجيال على هذا الصرح بذلوا له الوقت و الجهد حتى ءآتت ثمارها أخي مجازف أنت أحد تلك الأسماء اللتي سطّرت أناملها الكثير حباً للخير لا حرمك الله الأجر و أسال الله أن ينفع بك

تاج راسي ياعسل والله شفت ردك من وقتها لاني يجيني ايميل اول بأول لكن ما حبيت ارد الا لمن يوص للموضوع صدى وينتبه له اكبر عدد ويضيع بصفحات المندى وارجع ارد وارجعه اول موضوع ويشرفني مرورك وردك الكريم مثل صاحبه كريم بأخلاقك وبحلى لسانك الله يوفقك

[ALMJAZF]

المشاركة الأصلية كتبت بواسطة نجم الرياض نعم كلامك سليم اخوي مجازف يعني المشكله حتى بعض الاعضاء ماعنده وقت يفيد نفسه يبي كل شي ع الجاهز وهذا الشي غلط بعد التوكل ع الله لازم الواحد يعبر نفسه شوي ويحاول ايضا يفيد الاخرين عشان يلقى المأمول ....

صدقت ياصاحبي نجم انت اسم على مسمى نجم ساطع وردك برضه كان ساطع بس وين الليي نتبه والله العالم مجلي الله لا يبلانا وباالتوفيق

[ALMJAZF]

المشاركة الأصلية كتبت بواسطة ent 8albi كلام جدا جميل أخ مجازف وصدقني طرى في بالي أكتب مثل موضوعك وان اختلفت الكلمات لكن المعنى والهدف واحد ومثل ماطرى لي ف أكيد انه طرى لاشخاص وانت كفيت ووفيت بطرحك هذا الموضوع وأتمنى نلقى الحل المناسب لجعل عدد الردود نصف عدد المشاهدات > ام الطموح ههههه جزاك الله خير عزيزي فيك الخير والجميع كذلك فيهم الخير وأتمنى تفاعل الاعضاء مع الموضوع

ولو ياعسل

احنا مكملين لبعض واللي تعايش مع اعضاء المنتدى زيي انا والشباب القداما بيعرف روح الفريق والله يوفق الجميع