تجمع طالبات مادة (محاسبة منشآت متخصصة) مع د.سحر الجبروني *جديد*

[حأقعد عالكاشير]

سألت كيف يتم الافصاح عن الودائع
وعن الاموال المقترضة
اش هيا عناصر حقوق الملكية
اش عناصر قائمة الدخل
وهل هيا متعددة المراحل ولا لأ
كيف يتم الافصاح عن الضريبة والدخل والبنود النظامية الاستثنائية
هل اقسم الموجودات والمطلوبات الى متداولة وغير متداولة

وامممممم ايوه اش هيا المعايير الاخرى اللي اقدر اعتمد عليها
بخصوص بنود القوائم المالية


كلللللللللو مكتوب في المعيار وان شاء الله تجاوبوا كويس:)

[BoBy]

شكراااا يا قمـــــــر
يعطيك العافية :-)

[حأقعد عالكاشير]

السلام عليكم يابنات كيفكم إن شاء الله كويسين
بجد ماني مصدقة اننا خلصنا خلااااااااص بس باقي نختبر النهائي
بس صراحه كان ترم خفيف وممتع وكان كلاسنا مرررة مؤدب ويفتح النفس للحضور

وماشاء الله شكلو كل البنات جوا يوم الربوع بس برضو حأكتب اش سار في المحاضرة
طبعا كملنا المنهج في ربع ساعة حتى بالوورد جات صفحة وحدة بس :)
وبعدين حددت معانا اش اللي داخل واش اللي مو داخل في الاختبار
وهو كالآآآآآآآآآىتي :
القسم النظري الأول => ولاشي داخل معانا ماعاد (النظام المحاسبي وخصائصه )و(مقومات عناصر النظام المحاسبي الين نهاية رابعا:الدليل المحاسبي)
قسم الحسابات الجارية => كله معانا ماعاد (المعالجة المحاسبية للشيكات المسحوبة على بنوك اخرى داخل المدينة "الخاص بغرفة المقاصة" )
قسم الأوراق المالية => ولاشي معانا ماعاد (بيع أوراق مالية) و ( صرف كوبونات أوراق مالية)
قسم الأوراق التجارية => العملي ولاشي معانا ماعاد (الإقراض بضمان أوراق تجارية) وطبعا في جزء الإقراض موجودة قيود خاصة بالتحصيل والرفض برضو معانا أوكي وأي نظري في ذا القسم معانا
قسم الاعتمادات المستندية => النظري ولاشي ماعاد أنواع الاعتمادات والعملي فقط فتح اعتماد مستندي بالأجل
قسم خطابات الضمان =>كااااااااامل
قسم التأمين => أوراق النظري بس النظام المحاسبي لشركات التأمين يعني الثلاث الأوراق الاخيرة بس
والعملي كلوووووووو وقالت المسألة اللي حتجي خاصة بإعادة التأمين بس طبعا هوا كلو مرتبط ببعض
قسم البترول=> كاااااااااامل

وبس ..
وسااااااامحوني إذا كان خط المحاضرات صغير ولا كان في اغلاط من هنا ولا من هنا
وإذا أنا جيت أذاكر ولقيت أغلاط حأنبهكم عليها
وإذا في أحد شايل على خاطرو مني يسامحني وأنا مسامحتكم ^^

والله يوفقنا جميعا
والسلام عليكم ورحمة الله وبركاته
كنتم مع :
كاشيرة من كلاس منشآت
جدة ,,, جامعة الملك عبد العزيز



تحيااااااااااااااااااااتي

[beebaa40]

يعطيكي العافية حبيبي
والله يجعلو في ميزان حسناتك ياقمر
وشدو حيلكم يابنات هانت مو باقي الا خير إن شاء الله
الله يسهلها ويوفقنا

[حأقعد عالكاشير]

بنات نزلت درجات الدوريات عالاوديوس

حظا موفقا :)

[حلمـ .. ~]

بنووتآت ,

اللي يدري عن " اختبــآر النهآئي " لـ منشئآت , بـ أي كلآس يقوول لنـآآآ ؟!

وله منـآ كل الششكرررر = )

[Baso0o0l]

في 420 كلاس 101 :)

[نجـــد]

حاقعد ع الكاشير الله يعطيك العافيه ياقلبي على كل شي :)

ويوفقنا يارب ويسهل علينا الفاينل ..

اممم عندي سؤالين :"$

الأول

قسم الحسابات الجارية => كله معانا ماعاد (المعالجة المحاسبية للشيكات المسحوبة على بنوك اخرى داخل المدينة "الخاص بغرفة المقاصة" )

اتذكر الاستاذه قالت الحسابات الجاريه النظري كله معانا والعملي معانا المعالجة المحاسبية للشيكات المسحوبة على بنوك خارج المدينة في الحالتين ( التحصيل والرفض) بس

في اشياء قبل بالبداية اللي هي 1/ المعالجة المحاسبية للشيكات المسحوبة على عملاء بنفس فرع البنك ..(في نفس المدينة)2/ المعالجة المحاسبية للشيكات المسحوبة على فروع البنك ..(في مدينة أخرى)


معانا هذي ؟ :(

والثاني ..

في محاضرة 13 .. نفقات تنمية الحقول والاستعداد للإنتاج..

كنت غايبه فيها وسؤالي بسيط ..

بعض المصاريف حددناها بالتساوي .. وبعضها تحددت على حسب العمق

على أي اساس تحددت وهو مو موضح بالسؤال

وبس تعبتكو معايا :(

[حأقعد عالكاشير]

هلا نجد

اسمعي ياسوكر بالنسبة لسؤالك الأول
لمن جات في قسم الحسابات الجارية والبنات كل بعد شوية يسألوها وتقول لا طبعا هذا معاكم
قمت قلت والله أحسن لنا نذاكرو كلو ماعاد اللي وضحت وبالصريح قالت انو مو جاي اللي هوا تبع المقاصة
أنا عني كذا حأذاكروا أضمن لي ^^

أما السؤال الثاني
فحكاية بالتساوي واللا بالعمق
يومتها قالت الالات حق الحفر ومصاريفها حتكون بالتساوي لانهم كلهم حيستعملوها
والباقي حسب معدل التحميل وكان في السؤال العمق اللي هيا الأقدام لانو عن جد على قد ماتعبوا في تحفيرهم واشتغلوا كل واحد ياخذ نصيبوا
بس هيا ماحتجيب الا اللي جابتو فانتي احفظي ايش اللي بالتساوي وايش اللي بمعدل التحميل

وربي يسهلك وعاااااادي لا تعب ولاحاجة :)

[نجـــد]

أنا عني كذا حأذاكروا أضمن لي ^^

شورك وهداية الله (f)

ياقلبي فديتك الله يعطيك العافيه .. رايتك بيضاا ماقصرتي :)
وماراح ننساك ان شاء الله من دعواتنا في ظهر الغيب :)

ياارب عدي الاختبارات ع خير
و سهل علينا الفقه اللي بكرا :(