بخصوص القروبات

[آذار]

لوسمحتو ممكن نعمل قروب خطه ب
بس خاصه للبنات
اتمنى تفتحو بسرعه
نبغى نفيد بعض

[لَتينْ ~]

بالتوفيق :)


..

[بكرى أحلى]

حلووو .. نخلي هالموضوع للقروب خطه ب
بالتوفيق يارب

[آذار]

لو سمحتو اذا موافقين الاداره على دا التجمع
بليز يغيرون العنوان ويثبتو للبنات بس
وحبيت اسأل متى اختبار الاحصاء مع استاذه سلوى عبدالعاطي

[بكرى أحلى]

الاختبارات كلها موحده للشعب

والاحصاء اليوم الاختبار ان شاء الله ولمدة 24 ساعه فقط
يعني بكرى يتقفل على حسب وقت نزول الجدول

والله يوفقنا ويسهل لنا يارب

[آذار]

هلا غلاتي
انتي عارفه الاستاذه قالت الاختبار بيقفل الساعه 9باليل اليوم
حسبي الله عليها لو تعمل عناد
استاذاتي ثنتين مصريات مره جننونا وربي
وحده حقت انجليزي والتانيه حقت الاحصاء
انتي معايا بالشعب اليوم الساعه 4 في محاضره مع استاذه لينا عبدالرحمن الله يسعدها دنيا واخره
تعرفي واجب الانجليزي الاستاذه خلتو 24ساعه وانا جهازي كان خربان مو راضيه تقبل ايه عذر طيب انا جديده على النظام احسو معقد وربي

[بكرى أحلى]

لا عمري انتي سامعه وفاهمه غلط راح تضعه اليوم ان شاء الله الساعه 9 مساء ^_^ وتأكدي لانه اغلب الشعب قالوا ينزل الاختبار الساعه 9 مساء ان شاء الله !!

شوفي ياقلبي هم حاطين هالمواعيد محدده كذا عشان ينتظمون بأوقات ويصححون على طول مو ينتظرون البنات لما يرسلوا الواجب وخاصة اوقات الاختبارات لانه اختباراتنا يوم ايه ويوم لا فهم خلوه يوم 24 ساعه عشان ماتتصادف اختباراتنا في المواد مع بعضها وحنا نتشتت

رب كل ضرة نافعه ^_*

والحل الافضل لك انك تضبطي النت وتشتركي بمودم وشبكه تكون سرعته تمام ومافيه مشاكل كثيره

وبالنسبه لأستاذتك لا عيوني انا مو معاك مع هالاستاذه

وبالتوفيق يارب ♥_♥

[آذار]

جزاك الله خير اختي دحين افتح اودس موراضي يفتح معايا
يعني الاختبار يبدا 9 باليل اليوم
انا احسبه ينتهي 9 باليل الاستاذه رسلت قالت اخر موعد لاستلام الاختبار 9 باليل
والله وانا اختك اني حست بهالنظام قلق طول الوقت

[بكرى أحلى]

قصدك ايميس ^_*

ياقلبي امكن قصدها يتقفل 9 مساء غدا مو اليوم

والله يعينك ويعيننا يارب
وبالتوفيق يارب

♥_♥

[آذار]

بنات متى وقت اختبار مهارت الاتصال
هوا بكره الاثنين بس متى بأيه ساعه حينزل