ارجو منكم ان تفيدوني يا طالبات قسم اللغات الاوربية

[W.Ahmed]

السلام عليكم ورحمة الله وبركاته

انا طالبة سنة تحضيرية مسار اداري

امنية حياتي ان اتخصص قسم لغات اوربية باذن الله

اختبرت اختبار تحديد المستوى في بداية السنة و نتيجة الاختبار لفل 4

والحمدلله درست لفل 4 في اول ترم و درجتي 93

بس جدا خايفة انو ما انقبل لا سمح الله في القسم


سؤالي هوا ايش الشروط المطلوبة للقبول في القسم للبنات ؟
كم المعدل المطلوب و الدرجات للتخصص في فرع (( السلمانية )) ؟

ارجو من الي اتخصصو العام انكم تفيدوني وتطمنوني :((

والله يوفقكم يارب ويحقق امانيكم

[9code]

وعليكم السلام
حبيبي الي اعرفو انو فيه اختبار لدخول القسم روحي اسئلي سكرتارية القسم عن وقت التسجيل فيه .. الي اعرفو انو تكتبي فيه مقال عن موضوع محدد يعطوكي هوا , التفاصيل يفيديك فيها أحد غيري بما اني ما اختبرتو لأني زيك دخلت على لفل 4 واخذت فوق 95 ف ما كان يحتاج اختبر *ما ادري اذا هدا النظام لسا ماشي او انو الكل لازم يختبر*
بس صحباتي اختبرو وهما داخلين كانو على لفل 3 وعدو ف ماتشيلي هم , ان شاء الله بتعديه بالراحة
وترا أول ترم ف التخصص يمكن تكون درجاتك مو قد كذا , لأن من الي اعرفوا انو الاستاذات يكونو شديدات عالجدد ف التصحيح والاسئلة
طبعا أهم شي قبل ماتشوفي المواد الي وقتها يناسبك لازم تشوفي الاستاذة كويسة أو لآ
وبالتوفيق , بس حبيت أطمنك لكن لاتنسي تشيكي عن وقت التسجيل ف القسم من دحين

[W.Ahmed]

شكرا ياقلبي الله يسعدك عالرد طمنتيني
بس حابة اسالك انتي في ايت فرع؟لانو انا ابا السليمانية وخايفة مايكون فيها اختبار
والاختبار يكون التسجيل من دحين؟
والله يوفقك ف دراستك يارب ويحققلك الي تتمنيه

[W.Ahmed]

وكمان بسالك قسم الترجمة موجود او بس لغة؟

[9code]

المشاركة الأصلية كتبت بواسطة w.ahmed شكرا ياقلبي الله يسعدك عالرد طمنتيني بس حابة اسالك انتي في ايت فرع؟لانو انا ابا السليمانية وخايفة مايكون فيها اختبار والاختبار يكون التسجيل من دحين؟ والله يوفقك ف دراستك يارب ويحققلك الي تتمنيه

أنا في فرع السليمانية كمان ومتأكدة أنو فيه اختبار والي اعرف انو يكون بداية السنة اذا انقبلتي في كلية الاداب بس التسجيل مو متأكدة ادا من على نهاية التحضيري بعد ماتنقبلي في الكلية
أو على بداية السنة الجديدة في التخصص
* ولا مافي ترجمة , هوا التخصص فيه مواد لغويات ومواد أدب وفيه مادة وحده للترجمة بس الي هي مقدمة في الترجمة (شيكي على خطة القسم عشان تشوفي ايش المواد)
آمين يآرب وياكي كمان ان شاء الله واذا تبغي تسألي عن أي شي ثاني لا تترددي , بالتوفيق