استفسار !

[Quiet_00]

السلام عليكم

حابه أسال عن التحويل من فرع لفرع

انا بداية السنة قدمت معاملة تحويل لانو صعب عليا الفيصلية

قالت لي الاستاذة نادية انو اعتذر ترم وتحولني هيا ع طول او اخد ترم الفيصلية واحول ! حابه اتأكد من كلامها صحيح ؟؟

وماجابت سيرة معدل ولاحاجة

وكيف حيكون التحويل الكتروني ولا كمان معاملة ومرمطة ؟ :(


أخر سؤال أنا اتخصصت عربي وحابه أغير ع الترم التاني علم نفس أقدر أغيرو ادا جبت معدل عالي ان شاء الله ؟؟

وشككرآ مقدما

[مروة عبدالرحمن]

بالنسبة للجزء الأول من السؤال فما أقدر أفيدك

أما بخصوص تحويل القسم انصحك تأخدي المواد العامة المشتركة بين القسمين
زي الشباب وقيم المواطنة والفكر الفلسفي وغيرهم من المواد العامة

أنا كنت زيك لغة عربية وبعدها حولت علم اجتماع
ربنا يوفقك. :)

[Quiet_00]

المشاركة الأصلية كتبت بواسطة مروة عبدالرحمن بالنسبة للجزء الأول من السؤال فما أقدر أفيدك أما بخصوص تحويل القسم انصحك تأخدي المواد العامة المشتركة بين القسمين زي الشباب وقيم المواطنة والفكر الفلسفي وغيرهم من المواد العامة أنا كنت زيك لغة عربية وبعدها حولت علم اجتماع ربنا يوفقك. :)

يعطيك العافيه حبيبي

بصراحة انا ع طول اتخصصت وكمان قالوا لي المواد الحرة قفلت

:( اقدر أعدل بكرة لو رحت لهم؟؟

[مروة عبدالرحمن]

المواد العامة غير الحرة ،
العامة يعني لازم كل الأقسام لي تحت كليتك يدرسوها وهيا فرض عليهم
والحرة هيا اختيارية تدرسي أي مادتين إنتي تحبيها من أي قسم تبغيه


أنا أقولك خدي العامة لأنك كدا كدا حتحولي قسمك ، فحوليه وأنتي مستفيدة
لو أخذتي دحين المواد العامة حيعادلوها لكي وتحولي قسمك ولا يضيع عليكي ترم. لأنو المواد العامة مشتركة بين كل الأقسام إلي في كلية الآداب
إا لو أخذتي مواد من تخصصك زي النحو والأدب والبلاغة فماراح تستفيدي منها لأنها مو مشتركة بين اللغة العربية وعلم النفس


إدا عندك أي سؤال أنا حاضرة

[حايسه ب الجامعه]

لا تسمعي كلام ناديه وتعتذي نصيحيه سوتها بصديقتي وبعدين سحبت عليها خدي دا الترم ب الفيصليه وارفعي معدلك والترم الجاي كلنا نحول ان شاء الله والمعامله تتم يدويا من عند ناديه وادا حطتك ب السليمانيه تحولي من كلييه الاداب بمبني الجوهره