كفى ظلمآ .. الظلم ظلمات يوم القيامة

[weddah]

دحين صارت مشكلتكم العلوم الطبية والصيدلة؟؟؟؟

يا جماعة مافي قسم في الكليات الطبية يقدر يستغني على الثاني
كلها تكمل بعض
الطبيب والاخصائي والصيدلي والممرض

كلهم يتشاركوا سوا عشان هدف واحد
هدف باين انكم مره نسيتوه في الكلام الكثير

دراستنا والوظايف اللي مختلفين عليها هذي كلها انسانية وخدمة للمجتمع
واللي حيفكر في الماده كثير وبرستيجه ومكانته ومين احسن ومين اقل مره غلط

يعني من جد الموضوع خرج عن حده


"قل خيرا او اصمت"
قريتها كثير في هذا الموضوع واتمنى نعمل فيها

[weddah]

ولعلمك دراستنا 5 سنوات

التحضيري بعدها 3 سنين وبعدها سنه امتياز = 5

[قصة غروب]

كلاااااامك عين العقل اختي وانا ااعتقد ان الموضوووع هذا اخذ اكثر من حقه

[mzat kau]

الجامعه خطه قديمه

وياجماعه الموضوع محطوط عليه بلوك ادا انتو المتعلمين بتقولو احسن واقل ودا مايتعب وانا اتعب

ايش نقول للجهله واللي مايعرفو شي عن اكليات الصحيه عجبا

[قصة غروب]

كلامك درر مزة ماااا ادري والله ليش الموضووع هذا موجوود اصلا
اتمنى يحذف ونرتااح من الدوشه هذي كلها

[JuStice]

.

أعتذر إن كنتُ قد انفعلت ,

ولكن لا أرضى لأحد أن يسفه أو يحقّر مجال دراستي وتخصصي

.

[قصة غروب]

لاتعليق

[mzat kau]

كوول خير ان شا لله ماحد سفهه

لكن اللي كتب الموضوع بالبدايه قال انو الصيادله زينا ومدري ايش علشان كدا بدات الدوشه دي كلها


هدو اول شي نحنا باواخر رمضان

وكل قسم لو اهميتو ولايمكن انو يكمل القسم التاني بدونو


وبعدين ع الرواتب ومدري ايش نحنا ورانا 4 سنين 4 سنيييييييييييين


ممكن يسير اي شي لا قدر الله

ممكن تزيد ممكن تنقص ممكن مانقدر نكمل دراستنا ( لاسمح الله ولاقدر الله )


يعني خلو كل شي بوقتو



وهدو ولاتكونو عداوات


وبعدين من سفه قسمك بالعكس اتحدى احد يقدر يقول انها كليه غير ضروريه او يسفهها هاديك الساعه كلنا حنفهمو وجهه نظرنا


وبعدين حتى لو قال دا راي وهوا حر فيه دي وجهات نظر وحتى يعني دا مو شي خااااص علشان الواحد يزعل علي


اتمنى تكونو فهمتوني


واحس الموضوع بدي بي ولا شي وانتهى ب .. خخخخ


ايش دا لو سمحتو لاشوف رد بعد ردي دا ؛؛؛>>>>>>>>>>> خخخخخخ وحده عصبت

[JuStice]

.

معكم حق .. أكرر اعتذاري الشديد لكل من جرحه كلامي

.

[Hiromi]

حصل خير ياجماعة وأنا آسفه كمان

نحنا مانبغى نزعل من بعض ولازم نساعد بعض حتى نرفع من شأن كليتنا