تجربتي مع الهيئة السعودية للتخصصات الصحية

[غريب03]

بسم الله الرحمن الرحيم

السلام عليكم ورحمة الله وبركاته ..

عدت لكم بعد انقطاع عام .. لنقل ماحدث لي مع هيئة التخصصات السعودية ، وليستفيد البعض من التجربة

بحمد لله وفضله حصلت على تصنيف على درجة أخصائي

وأشرح لكم معاناتي والخطوات التي قمت بها للحصول على التصنيف


أولاً / تخرجت وأنا على رأس العمل وتعينت مع الثبيت على وظيفة مساعد إداري مركز صحي تابع لوزارة التعليم العالي

وبعد أن حصلت على المؤهل قمت بزيارة فرع الهيئة وقال لي الموظف أنت امام خياريين أما أن تصنف على شهادة مساعد اخصائي أو بعد مزاولة للعمل بعد سنة تنصف على فئة أخصائي
قلت مادام الدعوة كذا وأنا ماراح أستفيد من الشهادة إلا بعد سنة من خدمتي ، وعشان مايتم أقتطاع مبلغ مني مرتين راح أرجع لكم بعد سنة أن شاء الله

وبعد مرور عام ..

رجعت لنفس الشخص وبعد ماعبيت استمارة وتزويده بالأوراق المطلوبة ، عطاني خطاب توجيه للتقييم بأحد المستشفيات وبعد أسبوع رجعت له

وهنا صارت الصاعقة تم اصدار تصنيف على فئة مساعد ، ورفضت استلامه

ودخلت معهم في متاهة وأخذ وعطاء ، وقال هذا من اللجنة المركزية في الرياض هذا الكلام في شهر رجب
ومن حسن المصادفة صار عندي دروة بمعهد الادارة في الرياض

وأخذت كامل الأوراق وأروح لهم بحي السفارات

ومن مكتب الأمين لمكتب المدير لمكتب المنسق وما أحصل أحد يقابلني أو يفيد

وأرجع تحت وأخذ رقم كأني بأقدم من جديد عندهم في الاستقبال ويقول الموظف تصنف على فئة اخصائي
قلت له تلعبون علينا أنتم نفس الاوراق أنا مقدمها في الفرع وصنفتوني مساعد ، وقال عطني سجلك اشيك في النظام
قال المشكلة موظف الفرع ماوضح أن عندك خبرة ولا حط ملاحظة ، أرجع للفرع وقدم اعتراض

قلت طيب أنا عندك قدم للفرع والفرع يرسلها لك ، لا تطول الشغله خذها أنت وخلص الموضوع رفض قال لازم الفرع الي في نطاق عملك أو سكنك الي قدمت فيه الطلب

رجعت للفرع وقلت لهم نفس الكلام قال الموظف انا وضحت لهم على ملاحظتين ورفض الاعتماد المركزي
يظهر أنهم يبون تاخذ أول مساعد وبعد سنة تجي وتاخذ اخصائي ، قلت له صايرين ساهر على غفلة
قلت طيب هذا اعتراضي أرفع فيه طلب ..
أخذ الطلب شهرين متابعة بحجج أن النظام عطلان ، ومره ماوصل شئ ، ومره الناس اجازات
وطفشت منهم وأرجع لمدير الفرع بصورة خطاب صادر من الهيئة للتخصات الصحية أخذته من المنتدى مع شكري لهم يفيد بتصنيف الشهادة على فئة مساعد بعد التخرج واخصائي بعد سنة خبرة
وشافني معصب واجرى اتصالات وتحقق من المشكلة ، وطلع بس يبون تعريف من جهة العمل باني موظف وأمارس نفس مهام التخصص
وانحلت المشكلة في اخر يوم عمل في رمضان ، وأخذوا مني 300 ريال تعديل قرار تصنيف ، وقبلها 860 ريال يعني خسرنا في ذا البطاقة مدت صلاحيتها 3 سنوات 890 ريال


هذا ماتم والحمد لله ،، وأطمن الأخوة الدارسين أن الشهادة معتمدة ، مع تمنياتي للجميع التوفيق والنجاج

[حسن المالكي]

الله يوفقك والحمدللة على السلامة


افهم من كذاا انك تنصحنا اننا نتجنب القروشة حقتهم ونعدل مساعد وبعد عام نعدل اخصائي

بس بسألك الي على راس العمل هل يحتاج اختبار شىء ؟

او بس مشهد من العمل انة يمارس العمل الصحي الاداري , او يبون مشهد خبرة ادارية لفترة معينة ؟

وش تنصحني فية بالضبط لاني محتاج الرخصة وابغي اعرف عن الاختبار وما الى ذلك علما باني مساعد صحي وعلى راس العمل

[غريب03]

المشاركة الأصلية كتبت بواسطة حسن المالكي الله يوفقك والحمدللة على السلامة افهم من كذاا انك تنصحنا اننا نتجنب القروشة حقتهم ونعدل مساعد وبعد عام نعدل اخصائي بس بسألك الي على راس العمل هل يحتاج اختبار شىء ؟ او بس مشهد من العمل انة يمارس العمل الصحي الاداري , او يبون مشهد خبرة ادارية لفترة معينة ؟ وش تنصحني فية بالضبط لاني محتاج الرخصة وابغي اعرف عن الاختبار وما الى ذلك علما باني مساعد صحي وعلى راس العمل

الله يسلمك
مافي اختبار في تقييم في إحدى المستشفيات استمارة يوقع لك عليها اثنين اخصائيين في ادارة المستشفيات انك جلست عندهم من 3 الى7أيام ، وإذا تعرف لك أحد وأنت واقف تاخذها معك
هل عملك بيعطيك خطاب أو تعريف أنك تمارس عمل إداري ، هنا المحك مع التوقيع على خطاب التزكية
ويكون سنة بعد التخرج اذا تبي تصنف على فئة اخصائي أو أول ماتتخرج تاخذ الشهادة وتروح لهم ويعطونك مساعد اخصائي
مع تمنياتي لك بالتوفيق

[بقايا أنسان]

اخوي ممكن تعطينا نصحيتك

انا تخرجي الترم الجاي وغير موظفه

اصنف مبدئيا على مساعد او اتدرب سنه واقدم على تصنيف اخصائي

ومبروك التصنيف والحمدلله انتهت معاناتك

[شبيه الريح 10]

انا موظف بقطاع حكومي ولست بالصحه وخريج بالصيفي

هل اقدر اتدرب بمستشفى لمده سنه ويكون تصنيفي على اخصائي

[ااابو يزيد]

نفس سؤال الاخوان

وعندي سؤال اخر

بالنسبه للذي ليس موظف بالصحه

هل يستلم بطاقة مساعد ام لازم تدريب وقروشه

[غريب03]

المشاركة الأصلية كتبت بواسطة بقايا أنسان اخوي ممكن تعطينا نصحيتك انا تخرجي الترم الجاي وغير موظفه اصنف مبدئيا على مساعد او اتدرب سنه واقدم على تصنيف اخصائي ومبروك التصنيف والحمدلله انتهت معاناتك

الله يبارك فيك ويوفقك للنجاح والعمل إن شاء الله

أنا أفضل زيارة أقرب فرع للهيئة لك وتستفسرين لأن كل واحد جالس يفتي من راسه ولايدري أيش النظام واذا رفع الاوراق للرياض تغير الكلام

بالنسبة لوضعك أنا أفضل تاخذين مساعد في الأول ، أما قصة التدريب سنة ويعطونك عليها أخصائي ماادري اذا النظام يسمح بذلك أو لا ، أو لازم تكوني على راس العمل .

[غريب03]

المشاركة الأصلية كتبت بواسطة شبيه الريح 10 انا موظف بقطاع حكومي ولست بالصحه وخريج بالصيفي هل اقدر اتدرب بمستشفى لمده سنه ويكون تصنيفي على اخصائي

القطاع الي تعمل فيه ما فيه مركز صحي سواء كان عسكري أو تابع لأحد الوزارات الي تأمن لموظفيها العلاج !!؟
سألتك هالسؤال بقصد تنقل هناك وتمارس في المنشأة الصحية العمل أفضل لك

قصة التدريب وتصنف اخصائي ، تستفسر من فرع الهيئة أفضل

[غريب03]

المشاركة الأصلية كتبت بواسطة ااابو يزيد نفس سؤال الاخوان وعندي سؤال اخر بالنسبه للذي ليس موظف بالصحه هل يستلم بطاقة مساعد ام لازم تدريب وقروشه

الهيئة ليس لهم علاقة بوظيفتك
اذا كنت غير موظف يكتب في بطاقتك لايعمل

وتقدر تاخذ مساعد

[شبيه الريح 10]

المشاركة الأصلية كتبت بواسطة غريب03 القطاع الي تعمل فيه ما فيه مركز صحي سواء كان عسكري أو تابع لأحد الوزارات الي تأمن لموظفيها العلاج !!؟ سألتك هالسؤال بقصد تنقل هناك وتمارس في المنشأة الصحية العمل أفضل لك قصة التدريب وتصنف اخصائي ، تستفسر من فرع الهيئة أفضل

صحيح

يوجد اداره عامه للخدمات الطبيه وانا عسكري

اذا عندك خلفيه هل اعادل بالكادر الصحي او لا

وكل الشكر