طالبات نظم معلومات محاسبية مع د. آما ل عوض يدخلوا هنا شويتين

[حأقعد عالكاشير]

^
^

هوا دا الكلام الصح
انا وصحبتي بكرة حنسنتر قدام مكتب الدكتورة سلوى من بدددددري
الين ماتجي ونفتح معاها الموضوع مرة ثانية عشان تشوف لنا حل

الله يوفق الجميع :)

[توووbearooيتي]

لـي بـآاكـ ,,,,,

[وضحى مارسيلو]

انا والله اقول اللي شمت ريحه a تحمد ربها قسم بالله لو تاخذون مثلي
مع شريفه لاتطلع عيووونكم من كثر الدش والهرج الواجد انتوا متخيلين انها تحط
صح وخطا م التصحيح وجابت رسمتين في الاختبار مع الشرح بالتفصيل
وتخيلوووو تعبووون لها الورقه شرج وكلام واخرتها بدون اي مقدمات تنقصين
بسهوووووووله وتقوول

ماعليش انا اسفه هو صح انت ممليالي الورقه بس ماقبتيش المضمون
<<الله واكبر عليك يامفتريه

وابشركم جبت معها 77 وكنت متوقه ذا الشي اذا بكل دووري 5 درجات انقص
كيف ابي اجيب درجه ..

لانه بجد اليوم كنت مع صديقتي عند امال كانت بتراجع مثلكم وورتنا الدرجات
الاغلب فوووق 90 الحمدلله خير وبركه ...

[LAYAN89]

لحووول اليوم ماقدرت اروح للدكتورة امال لان تأخرت بالإختبار

مالي إلآ أروح الأربعاء

[LAYAN89]

حأقعد ع الكاشير إنتوا متى رايحين؟! عشان الأفضل نكون اكثر من 3

بروح معاكم

[صمت الدنيا]

الحمد الله والشكر ,,

بس احنا مااخدنا مع شريفة نظم لانو عارفين اسلوبها يكفي المراجعه اضطرينا ناخد معهاا ونقصنا فيه بما يكفي ,,

لماا تنقصي تقصير مني يعني هي جابت شي من المنهج وانا ما حليته بيكوون الغلط مني ,,
لكن لما تجي تذاكري الدوري الثاني ويجيكي 11 فقره من الدوري الاول وتنقصي عليه مو ظلم ؟؟
د.شريفة مستحيل تحدد وتجيب غيره ومشينا لها هالحركه ,,
بس تنقصك كمان ع الواجبات لا دي زودتها ,,
انا لو بجمع درجات اللي نقصتها بالدوري الثاني و اللي نقصته بالواجبات بيطلعلي فوق 5 درجات يعني معدل يفرق

اوكي انا عارفه مستحيل بهالجامعه اخد حق لي بعد ما تنزل الدرجه بالاودس ومجربه هالشي بس مو معناته نسكت لهاا هادا راي اناا

[حأقعد عالكاشير]

بناااااااااااااااات يفوتكم اش صار اليوم

طبعا رحنا اترزعنا انا وصحبتي قدام مكتب د. سلوى من 8 وحضرتها ما جاااات
وفجأة من بين الضباب تطل علينا الحرمة المنشودة آمال عوض ونروح جررررررري وراها المكتب
كنا انا وصحبتي وبنتين معانا

وإليكم ما حصل :

أول شي قلنا لها احنا مصدومين وليش كذا ومن ذا الكلام قالت لنا هوا كل شويا وحدة تجي تقول انا مصدومة ترى درجاتكم حلووووة أوي
حتى د. سلوى سوتلي مسائلة ليش البنات درجاتهم عالية عندك << طبعا اووووم الخريش شكلها تواسي نفسها

المهم قلنالها عالواجبات قامت قالت لنا مااساويكم بالبنات اللي سلموا 8 و7 واجبات
قلنالها طب انتي اصلا مديتنا 6 بس اش دخلنا اذا هما سلموا زيادة
المهم لمن قفلت معاها طلعت عندها روح الصعايدة وقالت انا مش من الزبالة ولا من الشارع انا واخده ماجستير ودكتوراه واترقيت وصرت استاذ مشارك العشرة دي تقييمي انا احطو على كيفي ومحد يحاسبني فيه أقفلو عالموضوع درجة وحدة ماني معدلة وترى انا مسكت واجب واجب وفي بنات عندهم خطوات الحل خطأ ومن ذا الكلام

المهم سكتنا عن الواجبات فتحنالها سيرة النهائي
قلنالها هاتي نماذج الاجابة نبا نشوف فين اغلاطنا لانها قبلها ورتنا تفصيل درجاتنا اتاريها خاسفتنا في النهائي خسفة بنت كلب يعني البنت تبكي تقولها انا اخذت 32 وانا حالة ليييش انا متاكدة حليت
المهم طلعت نماذجنا ونموذج الاجابة الصحيح

وبقدرة قاااادر الاختبار كان نموذجين ألف وباء فجأة وياللهول نموذج الاجابة واحد كيف تجي الله اعلم
المهم بدأت تراجع معانا والله يابنات فقرات احنا متأكدين من حلها حتى مانذكر انو شكينا فيها ابدا
تطلع خطأ حتى في المسائل مظللة اجابة وفجأة كلللللنا نقولها اجابة ثانية قمت قلتلها طب اعطينا اي ورقة كان فيها الاسئلة نشوف اش هيا دي الفقرات قاااااااااااااامت طلعت طيران عبد القادر فوق راصنا وزعقت ونتشت الاوراق وقالت خلاص انتو نرفزتوني مو لازم تراجعو ووالله ولا وحدة ما حأعدلها

يعني الهرجة باينة كأنها إيش هيا مظللة نموذج الاجابات خطأ (هذا تفسيري بروحي ودماغي الكونانية ^^ )

المهم فتحنالها سيرة الدوري الثاني قامت قالت سكتو سكتو ودحين جايين تتكلمو ماني معدلة خلااااص

وحلفت قالت انا اوريكم الشعب الجاية اللي حأختبرهم قصدها اللي في المواد الثانية اعلى وحدة حأديها 85 واللي حتجيب اعلى من كذا حأديها 85 ولا وحدة حتشم ريحة الممتاز والممتاز المرتفع << والله حرام عليها

المهم اااااخر شي قالت لنا بكرة تعالوا انا حكون موجودة تعالوا شوفوا نموذج الاجابة وورقة الاسئلة

يعني مااااانكر صح تعصب بس ترجع ياقلبي عليها تخلينا نشوف اللي نبغاه
بس ابا اشوف اش النهاية حتعدل ولا لأ

لانو بجد حاااالفين لها لنجيب كل الواسطات اللي عندنا في الجامعة ونوريها كيف شغل الحضارم والجداوية والمكاوية كيف << اتحمممممست :)
والله من حرتي على صحباتي قاعدة استهبل عندكم اعذرووووني

ولي لقاء بأهم الانباء وجديدها غدا بعد مانشوف طلتها البهية


بالتوفيق جميعا ودعواتكم

[LAYAN89]

<< إمممم على إني ماأحب شغل الواسطات بس شكلي كذا راح أشغل الواسطة اللي عندي الي تخليها تطير من مكانها

والمشكلة ياعيني على نفسي ان الترم الجاي فيه مادة راح اخذها معاها منشآت :( ولاأدري اذا تنزل المادة مع غيرها

انا ابغى درجة وحدة عالأقل بس ترفعني للأي بلس :( ياهووه هذا من حقي

عندي اختبار الربوع لكن مادري اذا بكرى بأقدر أجي آو لا

طيب حددت لكم وقت بكرى متى نجيها؟

[مشاعر]

تيب كويس انكم قدرتو تشدوا معاها
ومعليه مالها أي حق تخسف في الدرجات من عقلها
أنا درجتي مزفته على عينها ماني فاهمة من فين جاية وباقي درجة وأطلع على التقدير الي بعدو .والله مارفعتني
وانا متأكدة من الحل
حسبي الله عليها أنا يمكن يوم الربوع أروح عند الدكتورة سلوى
ولا والله مافي الا الواسطة
والله لاتندم على اليوم الي حطت رجلها فيه في مطار جدة

مشاعر

[مشاعر]

ليان
مو لازم تاخدي معاها المنشآت
في الدكتورة سحر تدي المادة , وترى زي العسل أحسن من آمال بمليون مرة وملخصها مرتب
وتديك حقك لاتزود ولا تنقص

مشاعر