محتاج رأي يساعدني على الأختيار للصيفي

[tooowwwt]

السَّلاَمُ عَلَيكم وَرَحْمَةُ اللهِ وَبَرَكَاتُهُ



أخوني في قسم الــ IT

بما انه التسجيل بدأ للترم الصيفي

وبما أنه أول ترم صيفي بالنسبة ليا

كنت ناوي أنزل 9 ساعات ولكن مرشدي الأكاديمي ( د. عمرو شرف ) نصحني انها كثير عليا لأنه في الصيف الوقت ضعف الوقت العادي و طبعاً لمعرفته بظروفي ومشاغلي

على العموم قررت أنزل مادتين ان شاء الله

ولكن مرره محتار ايش أنزل بالضبط

فمحتاج مساعدتكم مشكورين

انا هذا الترم منزل

210 Stat ( إحصاء)

401 (ثقافة )

cpcs 222 تراكيب متقطعة

cpcs204 تراكيب بيانات

IS 101 مهارات تنمية تفكير( مادة حره )


*انا أفكر أنزل مادة 210 د. محمد خميس هل تنفع المادة للصيف؟؟؟؟؟؟

* أنا قسمي IT

* سبق وأخذت مادة الفلك الحره


# سؤال اخير كيف أعرف الشعب والدكاتره ومتى يبدأ الترم الصيفي ؟؟

[IT dancing doll]

انتا بتسال عن مواد حره والا تخصص؟؟...انا طالبه بس باظن منهاجنا وحده بس موادك انا كلها اخذتها....

[tooowwwt]

طيب تمام انت في المستوى السادس مثلي
انا متأخر شويه يعني خلصت إلى الآن 61 ساعة
فأبغى مواد تخصص فأول مادة ان شاء الله بدي أنزلها هيا 210 د. محمد خميس أعتقد انه يدرس البنات كمان
بدي أعرف لو سمحتي كيف شرحو وكيف المادة وهل تنفع للصيف لأني لو أخذتها راح تفتحلي مواد كثير للترم القادم ان شاء الله
وأبغى بجانبها مادة ثانية كويسه وخفيفه من التخصص

[IT dancing doll]

بصراحه ماقدر احكم لك على الماده احنا ماخذنا فيها غير اقل من النص بسبب ظروف التيتشر وغير كذا الماده المفروض يكون معملها اسيمبلي كمانا ماخذنا بس الجزيئه اللي اخذناها سهله وممتعه ودكتوره دعاء الله يسعدها خلتها اسهل...
وبالنسبه للدكتور احنا دفعة 07 ماعمره درسنا...بس لما سالت يقولوا شرحه حلوه
وحاجه تانيه انا انصحك بمادة تخصص 2 احسن لك تاخذ 2 تخصص صيف بسرعه يعدي والحره خليها متنفس لك في الاترام الجايه لانها حتكون ضغط
الماده التانيه 250 مع ماجد ششتاوي مره عسل شرح ودرجات واسئله وكله والماده معاه ماهي دسمه مره كأنها حره
اتمنى اكون افدتك وسوري طولت
ع فكره تعال تعال ليش يوم انك اي تي ماشرفت في الموضوع الي كتبته وسالت هناك والاماعجبك <<زعلت خلاص
:(

[tooowwwt]

أكيد ان شاء الله المادتين راح تكون تخصص

ان شاء الله الأولى
COMPUTER ARCHITECTURE CPIT 210 د.محمد خميس

والثاني راح انزل إن شاء الله إليِّ قلتيه
SYSTEM ANALYSIS & DESIGN CPIT 250


والله معليش ما انتبهت لموضوعك إلا بعد ما سويت موضوعي ورديتي عليه يلا بالمره موضوع بإسمي
وكمان عشان أسألتي كثير وأنا عارف انك حتجي هنا وما تقصري


IT dancing doll شكراً كتير كتير ..و كتير ليكِ

باقي
# سؤال اخير كيف أعرف الشعب والدكاتره ومتى يبدأ الترم الصيفي ؟؟
لأني رحت على الــOdUs الترم الصيفي وما حصلت شعب
أخاف أقدم الطلب على مواد معينه وفي النهاية ما تدرس المواد وما ينزلي ترم صيفي ...الله يستر بــــــــس

[IT dancing doll]

والله ماعرف انا ماعمري اخدت صيفي بس اسال مشرفك...يما انه اول صيفي لنا...وع فكره لاتحط مواد براسك ميبي فعلا ماتنزل صيفي يعني عشان لاتتذمر بعدين خليها لوقتها...
واكيد حيكون في اودس بس يمكن عشان التسجيل مابدا <<من عندها بس تتوقع
ترى ماحرضى غير ازا شرفت في موضوعنا وتبحبح باسئلتك زي ماتبغى هيا صفحة حوار قدك خلاص فتحت موضوع باسمك ع قولتك...
وسوري طولت في الرد<<في سابع نومه

[IT for ever]

هلا والله اخوي ...منور القسم<<^^


اممم بصراحه انا فعلت عضويتي لما قرأت موضوعك حتى اقدر اكتب رد

مادة تحليل النظم انا اخذها الترم هذا ترى حلوه واللي محليها زياده الدكتور ماجد الله يسعده دنيا واخره نزلها وانت مغمض عيونك لكن تأكد انوه الدكتور نفسه هو اللي يدرسها وماده بنيان الحاسب <<210 اوكي ....والدكتور محمد خميس مره ممتاز في الشرح بس نصيحتي لك خليها بعد الصيف لانو الماده ثقيله شوي ويبيلها فهم اكثر و260 مبنيه عليها

نزل في الصيف ماده الششتاوي ومعاه 204 <<data structure

عند د/شهاب او د/رضاء سلامه


بتوفيق يارب

[IT dancing doll]

المشاركة الأصلية كتبت بواسطة it for ever هلا والله اخوي ...منور القسم<<^^ اممم بصراحه انا فعلت عضويتي لما قرأت موضوعك حتى اقدر اكتب رد مادة تحليل النظم انا اخذها الترم هذا ترى حلوه واللي محليها زياده الدكتور ماجد الله يسعده دنيا واخره نزلها وانت مغمض عيونك لكن تأكد انوه الدكتور نفسه هو اللي يدرسها وماده بنيان الحاسب <<210 اوكي ....والدكتور محمد خميس مره ممتاز في الشرح بس نصيحتي لك خليها بعد الصيف لانو الماده ثقيله شوي ويبيلها فهم اكثر و260 مبنيه عليها نزل في الصيف ماده الششتاوي ومعاه 204 <<data structure عند د/شهاب او د/رضاء سلامه بتوفيق يارب

انتا مابتقرا.... بيقول لك دا الترم بيدرس داتا ستركشر
بعدين هوا متاخر ويبغى يمشي دي 210 متطلب يعنيالله يعينه يضغط نفسه وياخذها

[IT for ever]

^
^
^

سوري مانتبهت...لانو انا اخذت 222 في ترم وال204 الترم اللي بعده المهم خلاص نزل ماده الدكتور محمد بدوي <<اداره مشاريع اهون من 210 وعلى فكره 210 تفتح 260 بس الداتا استركشر هي اللي تفتح ماده البرهمنتوشي<<285 والشيشتاوي <<250

انا اشوف كذا ممكن اللي درستكم الكورس كانت خفيفه عليكم شوي انا اقوله هذا الكلام من واقع تجربه شخصيه الماده ماتنفع تنأخذ كروته والصيفي كلنا نعرف انوه كروته في كروته

[tooowwwt]

المشاركة الأصلية كتبت بواسطة IT for ever هلا والله اخوي ...منور القسم<<^^ اممم بصراحه انا فعلت عضويتي لما قرأت موضوعك حتى اقدر اكتب رد

مره كتير عليا تفعيل عضويتك عشان موضوعي
شكراً جزيلاً لك على حرصك لمساعدتي

وبعد,,,


والله انا اتلخبط بعد ردودكم على العموم انا فكرت كثير ويبغالي أفكر زيادة عشان كمان أوزن المواد إلي آخذها بعد الصيف ان شاء الله
يعني مو بس أخذ المواد السهله في الصيف ويبقالي بعد الصيف الدسم كله
فلازم آخذ ماده مليانه شويتين وماده سهله
أظن انه ضروري آخذ مادة 210 عشان الــOPERATING SYSTEMS 260
تنفكلي وعشان أصير تقريباً ماشي على الخطة
وكمان معاها مادة إلي هيا زي ما قالت dolly
cpit 250

وعلى كدا ان شاء الله بعد الصيف يكون عندي:
1- cpit 240 database
2- cpit 260 O.S
3- cpit285 GRAPHICS
4- يا انه مادة اختيارية أو مقدمة ادارة حقت البديوي
5- مادة حره آخر( 3 ساعات من المواد اإختيارية)

وعلى كدا الله يعين مواد تخصص كتير وانا مره خايف من الــO.S

منتظر رأيكم

IT for ever, dolly كل شكري وتقديري على مساعدتكم وتشريفكم لموضوعي