InstagramTwitterSnapChat


 
وصف

العودة   منتديات سكاو > الملتقيات الجامعية > ملتقى السنة التحضيرية > ملتقى المسار العلمي إنتظام > منتدى الملخصات والمواضيع المميزة
   
   


منتدى الملخصات والمواضيع المميزة قسم خاص يتم نقل المواضيع المميزة و الملخصات والملفات المهمه الخاصة بملتقى المسار العلمي انتظام

كل ما يتعلق بالسنة التحضيرية + تجربتي

منتدى الملخصات والمواضيع المميزة

إضافة رد
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 28-05-2016, 04:30 PM

المليحة المليحة غير متواجد حالياً

جامعي

 
تاريخ التسجيل: Jun 2015
الكلية: كلية الهندسة
نوع الدراسة: إنتظام
البلد: جــــدة
الجنس: أنثى
المشاركات: 105
افتراضي كل ما يتعلق بالسنة التحضيرية + تجربتي


بسم الله الرحمن الرحيم
السلام عليكم ورحمة الله وبركاته ، حتكلم عن تجربتي في السنة التحضيرية المسار العلمي لأنه كثير استفدت من تجارب الي سبقوني وحابة أفيد زي ما استفدت، الموضوع حيكون طويل فمو لازم تقرأوه كله مرة وحدة ، حبيت يكون الموضوع أكثر من تجربة مع مواد لأن الجامعة أكبر من أن تكون تتعلق فقط بالمواد والمعدل -بالرغم من أهميتها طبعًا-.
حتكلم عن أهمية التحضيري – مصطلحات مهمة – تجربتي – المعدل والنسبة الموزونة - نصائح
أهمية التحضيري :
طبعًا كثير ناس شايفة إن التحضيري مجرد تعب سنة زيادة ومن هذا الكلام ، لكن أول المتضررين –برأيي- حيكون احنا . ليش ؟ الجامعة وطريقة دراستها وجوها العام غييير عن المدرسة ولازم سنة الواحد فيها يتهيأ للجامعة ويبدأ يعرف كيف يقسم وقته وكيف يذاكر والمواد سهلة مو الهدف منها التعجيز بقد ما إنها تحط الطلبة بجو الجامعة + في ناس كثير مو عارفة إش تتخصص، فالتحضيري يقربكم أكثر من الكليات حتى تتعرفوا عليها وحتى الناس الي حاطة في بالها تخصص معين نسبة كبيرة منهم تغير رأيها وتختار تخصص ثاني وفيه عينة تثبت على الي في بالها وتتأكد منه أكثر وأكثر وأتوقع يكون في سنة تحضيري أحسن من إن الواحد يتخصص شيء ما يناسبه ويضيع عمره بالتحويل من كلية لكلية + التعليم الإنجليزي في معظم المدارس مش ولا بد والكليات العلمية دراستها إنجلش فلازم يكون في سنة عشان يزيد الطالب مستواه في اللغة بحيث ينحط في مستواه المناسب وكل ما كان مستواه أقل درس أكثر عشان يطور لغته فمو ذنب الجامعة أو الطالب يكون مستوى تعليم الإنجلش بالمدارس مش ولا بد فلازم من هذي السنة ، أخيرًا إذا ما في تحضيري حيكون دخول التخصصات حسب الموزونة (ثانوي وقدرات وتحصيلي) وإحنا عارفين إن 50% في جامعتنا على الثانوي يعني نسبة كبيرة ، وعارفين إن صعوبة المدارس تختلف بعضها الي يعتمد على ملخصات وبعضها الي من الجلدة للجلدة فالطريقة العادلة هي إنهم كلهم ينحطوا تحت الظروف

ممكن تفكروا إنه أقول هذا الكلام عشان خلصت ، الصراحة هذا رأيي من قبل ما ابدأ. طبعًا فكرة إنه لسا قدامك سنة ع التخصص صعب شوية الواحد يتقبلها لكن الواحد لو فكر بعقلانية حيعرف إنه إيجابياتها أكثر من سلبياتها وحتتأكدوا من كلامي لما تخلصوا إن شاء الله ..
ونصيحة صغيرة طالما إنه كذا ولا كذا حتدرسوا هالسنة شوفوا إيجابياتها واقنعوا نفسكم فيها،ليش؟ لأن لو قعدتوا طول السنة تتحلطموا ما حتستفيدوا ، لازم تكونوا إيجابيين لأن هذا الشيء يؤثر على مستواكم حتى !
شوفوا الفيديو هذا ، معد من قِبل الجامعة يتكلم عن الفرق بين المسار العلمي والمسار الإداري الإنساني – التسكين – اختبار تحديد المستوى والمرافق الجامعية ، يعني يعطيكم صورة عامة عن التحضيري


مصطلحات مهمة
- Odus plus أودس بلس هو عبارة عن موقع في النت تدخلوا له عن طريق رقمكم الجامعي الي راح يعطوكم إياه الجامعة ورقمكم السري ،فيه تلاقوا جدولكم ودرجاتكم ومنه تسووا التسكين وتطلع نتائج التسكين خلاله وأشياء ثانية ولكن هذه أهمها

- MyKau تطبيق على الجوال منه تتواصلوا مع أستاذاتكم وهما يتواصلوا معاكم إذا انلغت المحاضرة أو تحدد مكان ووقت الاختبار ، أيضًا يجيكم فيه تنبيه إذا نزلت الدرجات بالأودس وطبعًا تدخلوا له عن طريق الرقم الجامعي ورقمكم السري

- Blackboard البلاك بورد موقع إلكتروني فيه ينزلوا الأستاذات السلايدات الي تذاكروا منها (االسلايدات=شرائح عرض البور بوينت) والتست بانك والوورك شيت وأيضًا بعض الأحيان تنزل الدرجات فيه (خاصة الدوري) ويكون من خلاله تقدروا تختبروا نفسكم اختبار تجريبي قبل الاختبار الفعلي طبعًا ما عليه درجات ومو لازم لكن يُفضل تختبروه لأنه يجي منه..أيضًا يتطلب الدخول إليه الرقم الجامعي والرقم السري

- التسكين يعني اختيار الكليات ويكون نهاية الترم الثاني

- شهادة التفوق هي شهادة يحصل عليها الي يجيب في الترمين 4 ونص أو أعلى

- مكافأة التفوق هي مكافأة للي يجيب 4 ونص أو أعلى في الترمين ومقدارها 1000 ريال

- الموازي هو يعني تكون الدراسة مسائية تقريبًا تبدأ محاضراتهم بعد 11 وتكون بدون مكافأة طبعًا خلال التحضيري فقط وإذا تخصصوا خلاص يستلموا المكافأة

- خطة أ ، يعني الترم الأول عندها رياضيات-فيزياء-حاسب-مهارات اتصال والترم الثاني أحياء-كيمياء-إحصاء وأما الإنجليزي فحسب المستوى

- خطة ب العكس الترم الأول كيمياء-أحياء-إحصاء والثاني رياضيات-حاسب-فيزياء-اتصال والإنجليزي برضو حسب المستوى
طبعًا اختيار الخطتين مو بيدكم وما في أفضلية لخطة ع الثانية مجرد توزيع للطالبات

- Syllabus مخطط المادة ، فيه كل درس إش التمارين والجزئيات الي معاكم وإش واجب كل درس وجزئية كل اختبار وينزل ع البلاك بورد . ولكن تأكدوا من أستاذاتكم بخصوص جزئية الاختبارات لأن أحيانًا يصير فيها تغيير بسيط وغالبًا حيبلغوكم

- البونس يعني درجات زيادة يعني مثلاً الدوري يكون من 30 ولكن يحطوا 33 سؤال يعني عندكم 3 أسئلة زيادة كبونس

- الكيرف آب يعني زيادة درجات للدفعة بس مو عن طريق إنه يزودا أسئلة إنما يكون من عندهم (خاصة إذا فيه رسوب كثير )وغالبًا يكون 5 درجات وتنضاف الزيادة نهاية السنة وخاصة لو كان في رسوب كثير

- السلايدات يعني عروض البور تنزل على البلاك وممكن تعتبروها مصدركم الأساسي في بعض المواد

 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 28-05-2016, 04:37 PM   #2

المليحة

جامعي

 
تاريخ التسجيل: Jun 2015
كلية: كلية الهندسة
نوع الدراسة: إنتظام
البلد: جــــدة
الجنس: أنثى
المشاركات: 105
افتراضي رد: كل ما يتعلق بالسنة التحضيرية + تجربتي

تجربتي
بداية مواد التحضيري جزئية منها أخذناها بالثانوي ، طبعًا المواد بالإنجلش ما عدا الحاسب والاتصال ولكن شرح الأستاذات بالعربي مجرد المصطلحات يقولوها بالإنجلش ومع الوقت حتعرفوها من كثر ما تسمعوها والاختبارات كذلك بالإنجلش ولكن جدًااا واضح أبدًا لا تخافوا من هذي الناحية فيه ناس دخلت مستوى أول إنجلش وجابت درجات عالية في الاختبارات

الرياضيات
ما فيها سلايدات . فيه ناس اشترت الكتاب ولكن أنا حملت الكتاب وطبعت الشباتر(الفصول) الي معانا بس ، لأن الكتاب كبير ومو كله معانا .. للأسف ضيعت رابط تحميل الكتاب ولكن أنا أخذته من زميلتي الي أستاذتهم أرسلت لهم الرابط فاسألوا الي تعرفوهم إذا عندهم الرابط + سمعت فيه مكاتب فيها الجزئية الي معانا بس مصورة.

بداية الدراسة راح تاخذوا 3 appendixes (ملحقات) فيها أشياء سهلة ولكن جدًا مهمة زي قوانين الأسس وكتابة المعادلة باستخدام ميل ونقطة والدوال المثلثية ، أول اثنين مو داخل في الاختبار والثالث كان داخل فعشان كذا بعض البنات طنشوا الملحقين الأولى مع إن الأستاذات يحرّصوا عليه خاصة للي أساسهم مو قوي هذي فرصتهم يقووا الأساسيات السهلة بس المهمة والي لازم يتمكنوا منها حتى يستخدموها بعدين

أسئلة الواجب محددة في syllabus ، والمصدر الثاني غير الكتاب هو الوورك شوب تلاقوه في موقع منسقة المادة، احنا منسقتنا كانت ليلى الحربي فإذا هيا نفسها حتكون منسقتكم حتلاقوه في موقعها (يعني اكتبوا اسمها بقوقل وحتلاقوا موقعها )، الوورك شوب عبارة عن أسئلة ويجي منها في الاختبار .
طريقة المذاكرة : ضروري الحضوور طبعًا أحيانًا يعطوا الأستاذات طرق حل مختصرة وينبهوا على أخطاء البنات الشائعة ولما ترجعي البيت ارجعي حلي التمارين الي حليتوها وبعدين حلي الواجب (الواجب محد يفتش عليه ولكنه جدًا مهم لأنه الرياضيات سرها كثرة الحل وصعب تحلي كل الواجبات مرة وحدة ليلة الاختبار) .. وآخر حاجة لخصي الي تعلمتيه على شكل خرائط مفاهيمية واكتبي القوانين على جنب ، يعني يكون مرجع لك وقت الاختبار .. ما حياخذ الموضوع من وقتك كثير ولكن حتستفيدي بعدين لما يجي الاختبار تكون الأسئلة محلولة والدروس ملخصة + لو واجهتك مشكلة بجزئية تكوني قد سألتي عنها وعرفت الجواب .. ولا تنسوا الوورك شوب بالنسبة لي كنت أحب أحله قبل الاختبار بيوم أو يومين كمراجعة ولكن المهم إنه ما تروحوا الاختبار بدون ما تحلوه
طيب لو فيه جزئية ما فهمتها إش أسوي ؟؟ بكل بساطة شوفوا اليوتيوب يعني اكتبوا اسم الجزئية في اليوتيوب وحتطلع شروحات رائعة وأنصح شخصيًا بهذي القناة

https://www.youtube.com/channel/UCFe...Bc54qtBsIJGRZQ

وطبعًا في بروفسور راائع عندنا بالجامعة يشرح جزئية كل دروي في حوالي ساعة فينفع للناس الي ما كانت تهتم وراح يثبت المعلومة للي ذاكر، غير كذا كان دائمًا يحط اسئلة كنماذج في الاختبار في هاشتاق دفعتنا ، هو البروفسور حمزة أبو جبل وفعلاً غني عن التعريف والكل يعرف مقاطعه هذا حسابه بتويتر @profhabujabal

المادة فيها بونس 3 درجات في الدوري الأول و 3 درجات في الدروي الثاني و 5 أتوقع أو 4 في النهائي ومعرف إذا أعطونا كيرف ولا لا ، البونس شيء ثابت لكن الكيرف آب حسب الدفعة وكمية الرسوب

الفيزياء
فيه ناس اشتروا الجزئية المصورة الي معانا من الكتاب وفيه ناس ع السلايدات، أنا حملت السلايدات من البلاك. والتست بانك مصدرك الثاني بالإضافة إلى نماذج الأسئلة لأنه يتكرر منها كثير

طريقة المذاكرة كذلك الحضور مهم كأي مادة وترجعي البيت اقري السلايدات وحلي التمارين ولخصي ولو ما فهمتي حاجة استعيني باليوتيوب وخاصة قناة crash course يعني اكتبي اسم الجزئية بعدين crash course ،، قبل الاختبار بفترة حلي التست بانك ، التست بانك محطوط الجواب النهائي بس عشان كذا حلي قبله بفترة عشان لو ما عرفتِ سؤال يمديك تسألي عنه ، التست بانك تلاقوه في البلاك بورد .. ونماذج الأسئلة مهمممة ويجيبوا منها وأحيانًا نفس السؤال، كذا دكتورة محطية هذي النماذج في موقعها، شادية باز وسميرة القحطاني .. والمادة طريقة البونس فيها نفس الرياضيات .. ممكن تستعينوا بهذا الموضوع لطرق حل التست بانك

http://www.skaau.com/vb/showthread.php?t=803592

الحاسب
زي ما ذكرت بالعربي الحضور مهم خاصة بجزئية العملي عشان تجربي بنفسك وتشوفي .. اختباراتها عملي ونظري وكان الي داخل في الدوري معد يدخل بالنهائي .. من المواد السهلة جدًا هي والاتصال

مهارات الاتصال
مادة تنضمن فيها 100 بكل سهولة . ما في إلا دوري ونهائي الدوري30 درجة والنهائي 40 والثلاثين الباقية تتقسم على شوية أشياء تطلبها الأستاذة زي تسووا برزنتيشن(عرض) – سيرة ذاتية ووو .. راح يقولوا لكم التفاصيل وحتلاقوا هنا في سكاو نماذج ممكن تستفيدوا منها (بس انتبهوا تسووا نسخ لصق وتتفاجئي في وحدة مسوية نفسس حقك بالزبط )

الكيمياء
سلايدات وتست بانك .. فيه سلايدات نهى الوزان أو ليلى الحربي أنا أخذت حق نهى لأنه دكتورتي كانت تشرح عليها . نفس الفكرة في الرياضيات والفيزياء ارجعي اقري سلايداتك وحلي التمارين الي حليتوها ولخصي الدرس ولو حاجة ما فهمتوها ما في أحسن من هذي القناة .. يشرح بطريقة سهلة وممتعة

https://www.youtube.com/user/tdewitt451

كان فه بونس 5 درجات ع الحضور والغياب ينضاف في النهاية ع الدرجة الي جبتيها من 100

الإحصاء
الاعتماد الأساسي ع الكتاب فيا إما تشتروه أو تشتروا الجزئية الي معانا مصورة من المكتبات الي حولين الجامعة. المادة جدًا سهلة ولما كان درس ما أفهمه مع أستاذتي أحضره عند أستاذة ثانية ولكن هالشيء نادر لأنه المادة سهلة ولكن لا تهملوها .. مصدرك الثاني الوورك شيت حليه قبل الاختبار بفترة لأنه بس محطوط الجواب النهائي فحليه عشان يمديك تسألي عن الجزئية الي ما عرفتيها ، ونفس الفكرة مع كل المواد العلمية لازم ترجعي تقري درسك وتحلي التمارين وتلخصي ، المداة فيه 2 بونس في النهائي وأعطونا كيرف آب 5 درجات

الأحياء
المادة الي أبدًا لا تؤجلوا مذاكرتها والي راح تتفاجئوا من سهولة اختبارها . ممكن تشوفوا كمية الحفظ فيها كبير وتشوفوا الشيء هذا ممل لكن بكل بساطة شوفوا مقاطع crash course على الجزئية الي تذاكروها لأنه يستخدم انيمشن وصور تخليكم تفهموا قبل ما تحفظوا . يعني بدل ما تحفطوا أطوار انقسام الخلية شوفوها أولا كانيمشن وبعدين ارجعوا احفظوها حيسهل الموضوع كثير ! .. وطبعًا كأي مادة علمية لازم التلخيص وكانت الدكتورة نجود الحربي تعطي طالباتها أسئلة هووم وورك قبل الاختبار محلولة فشيكوا عليها يجي منها أحيانًا .. تلاقوا طالباتها أكيد ينزلوها في هاشتاق دفعتكم #تحضيري_17 .. المادة فيه 3 بونس دوري 1 ، 3 بونس دوري2 ، 4 بونس نهائي ونفس فكرة الحاسب الداخل في الدوري ما راح يدخل في النهائي

• الأحياء والرياضيات والإحصاء والفيزياء هي المواد الي كان ينزل فيها اختبار تجريبي قبل الاختبار
• فيه شيء اسمه الموقع التفاعلي وهو عبارة عن أسئلة على كل فصل كانت دكتورتنا الكيمياء تقول الي تقدر تحله حتقدر تحل الاختبار بسهولة(لأنه مستواه أعلى شوي من الاختبار) ، شخصيًا استخدمته في الكيمياء والإحصاء بس . http://sciences.kau.edu.sa/Pages-Int...ing-sites.aspx ما أعتقد إنه من المصادر الأساسية والمهمة لكن لو كان عندكم وقت اطلعوا عليه

الإنجليزي
نظام المادة مختلف شوية . (فيها مستويات) ، تكلمت عن نظامها وعن كيف ممكن تعادلوا المادة (تحذفوها) عن طريق الآيلتس في http://www.skaau.com/vb/showthread.php?t=814834


المعدل والنسبة الموزونة والتسكين
إذا شفتوا الفيديو حتشوفوا إنه المعدل ماشي معاكم من التحضيري .. ولكن اختيار الكليات يعتمد على حسب النسبة الموزونة .. هذا الموضوع تكلم عن هذي الجزئية بشكل واضح

http://skaau.com/vb/showthread.php?t=801352

استفيدوا من الطريقة المذكورة .. وتأكدوا بخصوص إش المطلوب كنسبة خاصة لأن هذي السنة غردت كلية الحاسبات إنه تقبل 80 ع الأقل إنجليزي 104 (المستوى الرابع) و75 ع الأقل في الرياضيات

 

المليحة غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 28-05-2016, 04:42 PM   #3

المليحة

جامعي

 
تاريخ التسجيل: Jun 2015
كلية: كلية الهندسة
نوع الدراسة: إنتظام
البلد: جــــدة
الجنس: أنثى
المشاركات: 105
افتراضي رد: كل ما يتعلق بالسنة التحضيرية + تجربتي


نصائح
الحضور لا تتهاونوا فيه لأنه لو كثرتوا غياب تاخذوا حرمان وفيه ناس فعليًا أخذت حرمان وتاخذ المادة صيفي وهالشيء يأثر ع المعدل والنسبة بشكل كبير يعني حتى لو جابت في الصيفي 100 ما حيكون زي الي جابتها من أول مرة .

لا تراكموا المواد هي سهلة بس برضو لا تراكموها خاصة العلمية. خذوا ساعة ساعتين باليوم ارجعوا حلوا الي حليتوه ولخصوه ، ترتاحوا كثير فترة الاختبارات يكون كله محلول وملخص أحسن بكثير من إنه تدوروا لسا ليلة الاختبار ع طريقة حل مسألة ولا تبحثوا ع جزئية ما فهمتوها .نقرتين لعرض الصورة في صفحة مستقلة

إنتوا في الجامعة مو بس عشان الدراسة ! محتاجين تكتسبوا مهارات وهذي المهارات ما تكتسب إلا عن طريق الممارسة بس قبل لازم تعرفوها ! عشان كذا انصح إنكم تحضروا الدروات الي تسويها الجامعة فيها دورات كثير شوفوا الموضوع الي يناسبكم والوقت الي تنعرض فيه عن طريق حساب kau_active في الانستقرام ، أيضًا في مواقع تعطي دورات أونلاين مجانًا زي رواق وإدراك . من الدورات الي أخذتها والي كثيير استفدت منها دورة كانت محاور النجاح الستة أخذتها عن طريق إدراك كثير استفدت كيف أنظم وقتي كيف يكون لي رؤية وكيف أحقق أهدافي وأشياء كثير غيرتني للأحسن الحمد لله أيضًا دروة في الجامعة (كيف تكونين مشروعك الصغيرة) كثير مفيدة كانت نقرتين لعرض الصورة في صفحة مستقلة الدورات تبين أشياء ممكن عمرنا ما درسناها ولا راح ندرسها في مناهجنا فعشان كذا أنصح بالدروات داخل وخارج الجامعة نقرتين لعرض الصورة في صفحة مستقلة

في عندنا في الجامعة مكتبة مركزية ، تقدروا تقرأوا فيها وكمان فيه أماكن مخصصة للمذاكرة هناك ، تنفع خاصة للي عندهم بريكات طويلة، وع ذكر القراءة في كتاب رائع ومشهور اسمه 10 أمور تمنيت معرفتها قبل دخولي الجامعة ، جميل نقرتين لعرض الصورة في صفحة مستقلة

حتسمعوا كلام سلبي كثير أبشركم وإنه الاختبارات صعبة وتعجيزية وإنه ذاكروا كثير وما استفادوا وو .. قد يكون أحد الأسباب ببساطة "طريقة المذاكرة" للأسف في ناس كثيرة ما عندها هذي المهارة ، المذاكرة مو يعني إنه افتح ع الدرس الأول واقرأ سطر سطر وإذا وصلت لمسألة حليتها وهكذا لآخر الجزئية ! حتى تلخيصاتكم المفترض تحتوي على أهم النقاط الرئيسية بطريقة مرتبة وبألوان مو نسخ لصق الكتاب .. دائمًا يقولوا ادرس بذكاء وليس بجهد ، كيف ؟ شوفوا هذا الفيديو يشرح أهم 9 طرق علمية للمذاكرة الفعالة



طبقوها وإن شاء الله بتسهل عليكم المذاكرة ، (لازم تشوفوا الفيديو)
بالمناسبة هذي القناة
https://www.youtube.com/channel/UCG-...VnIGXYEBQvmBAQ تتعلق بأشياء تهم أي طالب جامعي (طرق المذاكرة-التخلص من التوتر في الاختبارات-كيف تستيقظ مبكرًا-كيف تصبح شخص قارئ والخ) لو حبيتوا اطلعوا عليها نقرتين لعرض الصورة في صفحة مستقلة

إنتوا الدفعة 17 وصار لكم هاشتاق بتويتر #تحضيري_17 ، دفعتنا الحمد لله كانت متعاونة في هاشتاقنا يعني الي يلخص يصور ملخصه والي يسأل يلقى الجواب وكانت في ناس تغرد بأشياء إيجابية نكون فعلاً محتاجين نقراها .. فأفيدوا واستفيدوا مع دفعتكم نقرتين لعرض الصورة في صفحة مستقلة

حاولوا تعرفوا إش التخصص الي يناسبكم قبل فترة التسكين بفترة ، كيف تعرفوا رغبتكم ؟ النت مليان مقاطع ومواضيع تجاوبكم ممكن تشوفوها :)

مرة ثانية السنة مو صعبة وفي كثيييييير جابوا 5 من 5 وإنتوا كمان حتجيبوها إن شاء الله توكلوا على ربكم قبل كل شيء ونظموا وقتكم و ولا تقعدوا تشيلوا هم الاختبارات اللي لسا جاية ولا هم التسكين والتخصص ثقوا بأنفسكم وعيشوا اللحظة

 

المليحة غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 28-05-2016, 07:36 PM   #4

azzxc11

جامعي

 
تاريخ التسجيل: May 2016
كلية: أخرى
نوع الدراسة: ثانوي
البلد: الدمام
الجنس: ذكر
المشاركات: 1
افتراضي رد: كل ما يتعلق بالسنة التحضيرية + تجربتي

يعطيك العافية أختي بالنسبة لكلية إدارة الأعمال الدراسة في التخصص بالإنجليزي أو بالعربي؟ وهل كانت شروط القبول في الكلية مرتفعة؟

 

azzxc11 غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-05-2016, 01:08 PM   #5

المليحة

جامعي

 
تاريخ التسجيل: Jun 2015
كلية: كلية الهندسة
نوع الدراسة: إنتظام
البلد: جــــدة
الجنس: أنثى
المشاركات: 105
افتراضي رد: كل ما يتعلق بالسنة التحضيرية + تجربتي

والله للأسف ما عندي أجوبة لأسئلتك ، هذا رابط كلية الاقتصاد والإدارة تقدر تسأل هناك .. http://www.skaau.com/vb/forumdisplay.php?f=24

 

المليحة غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-05-2016, 01:10 PM   #6

المليحة

جامعي

 
تاريخ التسجيل: Jun 2015
كلية: كلية الهندسة
نوع الدراسة: إنتظام
البلد: جــــدة
الجنس: أنثى
المشاركات: 105
افتراضي رد: كل ما يتعلق بالسنة التحضيرية + تجربتي

+ نسيت أقول
الاختبارات عبارة عن دوريين ونهائي وكلها إلكتروني وكلها اختيارات (ما في مقالي يعني) ..
( نظام الاختبارات لمادة اللغة الإنجليزية طبعًا مختلف ولكن للأسف ما أعرف كيف النظام في هذي المادة بالنسبة للاختبارات )

نقرتين لعرض الصورة في صفحة مستقلة

 

المليحة غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 04-06-2016, 11:32 AM   #7

بنت ناس وقلبي ألماس

الصورة الرمزية بنت ناس وقلبي ألماس

 
تاريخ التسجيل: Jan 2011
كلية: كلية الاقتصاد والادارة
التخصص: "~M.I.S~"
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 12,485
افتراضي رد: كل ما يتعلق بالسنة التحضيرية + تجربتي

الله يعطيك العافية

ما شاء الله تبارك الله موضوع متكامل ورائع

بارك الله فيك

 

 

.......
"سبحان الله و بحمده, سبحان الله العظيم"

"اللهم أعني على ذكرك وشكرك وحسن عبادتك"
...
عندما نعيش لنسعد الآخرين،

يرزقنا الله بآخرين ليُسعدونا،

فابحث عن العطاء لا الأخذ !!!

فكلما أعطيت كلما أخذت دون أن تطلب




...
~ّ مواضيع قد تهمك ّ~











.......

 

بنت ناس وقلبي ألماس غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 06-06-2016, 09:27 PM   #8

المليحة

جامعي

 
تاريخ التسجيل: Jun 2015
كلية: كلية الهندسة
نوع الدراسة: إنتظام
البلد: جــــدة
الجنس: أنثى
المشاركات: 105
افتراضي رد: كل ما يتعلق بالسنة التحضيرية + تجربتي

شكرً على التثبيت ، نقرتين لعرض الصورة في صفحة مستقلة

 

المليحة غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 07-06-2016, 06:07 PM   #9

المليحة

جامعي

 
تاريخ التسجيل: Jun 2015
كلية: كلية الهندسة
نوع الدراسة: إنتظام
البلد: جــــدة
الجنس: أنثى
المشاركات: 105
افتراضي رد: كل ما يتعلق بالسنة التحضيرية + تجربتي

بالنسبة لمادة الإحصاء ففي كل أسبوع يكون سكشن يعني حل تمارين الشابتر (الفصل).. كل أسبوع يمسكوا فصل ويحلوه .. فإنتوا حلوا في البيت واحضروا السكشن مع الأستاذة .. طبعًا في الأسبوع الواحد حيكون جزئية سكشن الأحد هي نفسها الاثنين وهي نفسها طوال الأسبوع يعني إنتوا احضروا مرة كل أسبوع في اليوم الي يناسبكم مع الأستاذة التي تناسبكم ، وراح يحددوا لكم طبعًا الأماكن والأوقات في البلاك وإنتوا شوفوا الي يناسبكم .. جدًا مهمممممم سكشن الإحصاء لأنه أصلا عبارة عن أسئلة الواجب المحددة في syllabus

آسفة نسيت هذي النقطة ، نقرتين لعرض الصورة في صفحة مستقلة

 

المليحة غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 26-06-2016, 08:22 PM   #10

المليحة

جامعي

 
تاريخ التسجيل: Jun 2015
كلية: كلية الهندسة
نوع الدراسة: إنتظام
البلد: جــــدة
الجنس: أنثى
المشاركات: 105
افتراضي رد: كل ما يتعلق بالسنة التحضيرية + تجربتي

نزلت نتائج تسكين دفعتنا دفعة 16 .. خذوا صورة (تقريبية) عن النسب لأنها طبعًا تختلف من سنة لسنة حسب شطارة الدفعة وبالنسبة لدفعتي (بنات علمي) فنسبنا ما شاء الله ارتفعت عن العام نقرتين لعرض الصورة في صفحة مستقلة
هنا نسب الأولاد علمي وأدبي
https://twitter.com/skaau_com/status/746066371033849856

هنا البنات علمي وأدبي
https://twitter.com/skaau_com/status/746065572144775168

 

المليحة غير متواجد حالياً   رد مع اقتباس
 

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 01:40 AM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023