مدخل توجيه وارشاد

[نبراس الروح]

السلام عليكم

بنات مين عندو دي الماده
الصراحه مو عارفه اش اكتب مره متلخبط ومو عارفه اش اسوي
اول مره تمر علي ماده بدا الشكل دش كلام مو طبيعي وكل الكلام متشابهه
موعارفه كيف اذكرها من وين ابدا والمشكله قبلها بيوم عندي شخصيه
انصحوني وش اسوي كرهت الدارسه من دي الماده مادري اش يفكرو عقولنا وكمان بعد هادا كلو لاتعتمدو ع الشرايح ناقص نحفظ رقم الصفحه

بليز احد يحط ملخص معتمد نماذج اسئله اي شي يساعدني ع دي الماده وربي شكلي بجيب العيد بسبب دي الماده ...

اتمنا التوفيق للجميع

[بتعلم]

امٌال لو أخذتي توجيه وإرشاد 2 ايش حتسوين ..؟
توجيه وإرشاد مدخلو والماده الأساسيه
فلسفه وكلام عبيط ومن غير التعداد اللي يجيب المرض
<< السمستر اللي فات أخذت المدخل والله لايوريك معاناتي
السنترا مافتح عندي وماعندي تأشير وإشتريت الكتاب الغلط لانو بالعقل الناس تاخذ الكتاب أخر طبعه كانت اظن 2012وبعدين قالولي لا رجعو لطبعة 2005 !! وأرجع أشتريه وقبل الإختبار تقريباً ب أقل من إسبوع حنت عليا وحده الله يسعدها ونزلت لي التأشير وأذاكر وانا ع أعصابي خايفه من الوقت وفعلاً دخلت الإختبار وأنا ماخلصت الماده وكانت أسوأ ماده.. كل درجاتي الحمدلله كانت فوق ال90 إلا هيا جبت فيها 82
طبعن أقولك هذا الكلام عشان أهون عليك مو يقولون من شاف مصيبه غيرو هانت عليه مصيبتو
وهذا الترم اخذت 2 وبرضو نفس الحكايه ماده بصراحه كئيبه تجيب الملل والهم

والله يسهلها عليك وينور بصيرتك إستهدي بالله وسمي وأبدئي من أول فصل
وإن شاالله الوقت يكفيكِ بس شدي حيلك وفالك ++ يارب (100)

[نبراس الروح]

تسلمي

بس بلاك ماهونتي علي ):
طيب كيف كانت الاسئله سهله ولا صعبه

ومدخل 2 مره صعب؟؟؟؟
مدخل مشكلتها كثثثثثثير بشكل )؛

[نبراس الروح]

بليز احد يعرف المكتبه تبيع ملخص بلاش بخل يابنات ممكن اي معلومه منكم تفيدني


وهل ملخص الي نزل قود مان يوفي بالغرض

تكفوون ياناس مالي غيركم من بعد الله

[نقاء}~]

شووفي ي عسل استهدي بالله انا عن نفسي ذاكرت من السلايدات وهي كثيررره مرره انتي مع مين انا استاذه رضيه..

[نبراس الروح]

انا كمان رضيه
كثيييير مره مره وكمان الي يقهر يقولو لاتعتمدو من اللسلايدات

[العليا طموحي]

حاولي تهدي شوي

الهدوء اول خطوة في طريق انك تحصلي درجات عالية

عندي مدخل بعد كم يوم , بجتهد و الله كريم :)

اتمنى التوفيق للجميع