اللقا بات يقرب من حدود المحال

[ثامر الحمدان]

اللقا بات يقرب من حدود المحال ... لازم إنك تغيبي والا انا اقطعك
وفكرة الوصل لوتنبت بارض الجبال ... واقعي ما يسقيها ولاواقعك
حبنا الأمنية أمه وابوه إحتمال ... لو كبر ما بينفعني ولا ينفعك
أعذريني أبرحل واعلن الإنفصال ... أعذريني تراني جيت باودعك
شفت فيك المحبة ضمن حلو الخصال ... وعشت معك الهوى واشوف موته معك
وقلبي اللي سكنتي إثر ماهو بخال ... زود مابه هموم أظن مايوسعك
كم تعمدت أرسم بسمتك بالجدال ... وكنت أقرا كلامك وانثرك واجمعك
وكم تمنيت أجيلك شوق ولا إنفعال ... وكثر ماكنت أخاصم كنت أنا دلعك
أذكر إنك بنيتي بالأمل لي جبال ... تقنعيني نواصل واني أطاوعك
واذكر اني أردد كل لحظة سؤال ... وش نهاية هوانا ليش ذا مقنعك
وجيت قبل الجروح وقبل ضيق المجال ... إستبق دمعتي واسد لك مدمعك
جيت مادام فينا للأمل إحتمال ... إيه توجعني الفرقا ولا توجعك
إيه بقطع عروق الوصل والإتصال ... إيه وارجوك لاتاصلك في منبعك
واطلبك تذكريني لو يطول المطال ... أذكري نمر دامه ماحدن يمنعك
أطلبك قبل ما ارحل لا تقولي تعال ... لاتنادين مجنونك وهو يسمعك
واطلبك قبل ما ارحل لا تقولي تعال ... خوفي أرحل ويبقى كل فكري معك
واطلبك قبل مارحل لاتقولي تعال ... لا تخلين قلبي بالغصب يتبعك
واطلبك قبل مارحل لاتقولي تعال ... لو تنادين بتجاهلك ما بسمعك
نظم : فهد بن صالح بن علي الحمدان

[مدااااااااااوي2010]

شكرا علي الطرح وهلا بك

جيت مادام فينا للأمل إحتمال ... إيه توجعني الفرقا ولا توجعك

[احمد ابو ليلى]

الله عليه..اتمنى لو افهم اكثر في الشعر والنقد حتى اقدر اتكلم اكثر واعرف اوجه ثانيه
لكن خليني اعطيك رأي في العموم والمضمون غيري ادرى
تسلسل خطير وتمكن..عاجبتني عاجبتني كثير..كلمات بسيطه معانيها قويه
لقيت انه وصف نفسه وشخصيته لما جمعت المعاني

[موت اهواك]

كم تعمدت أرسم بسمتك بالجدال ... وكنت أقرا كلامك وانثرك واجمعك
وكم تمنيت أجيلك شوق ولا إنفعال ... وكثر ماكنت أخاصم كنت أنا دلعك

^
^

؛؛ رآأإئعـــــة وربــــي ؛؛

؛؛ يعطيـــك آإلــف عــآفيـة أخــوي ثـآآآمر ؛؛

؛؛ شكــــرآ لــــك ؛؛

؛؛ دمـــــت ؛؛

[TURKI ALharbi]

من اولها لااخرها ابداع × ابداع
مع انى ماطيق القصيد الحزين
الا ان ذي اعجبتنى
ذوقك بالاختيار اكثر من رائع :)

[ثامر الحمدان]

الاخوة الكرام
مداوي ... احمد ابو ليلى ... موت أهواك ... تركي الحربي

أشكركم على تواجدكم الكريم
فقد إزدانت صفحتي بكم وبتواجدكم
تقبلوا تحياتي