( الوقت من دونك ملل )

[TURKI ALharbi]

حبيتها حيل جدا :)


وشلون بتحمل غيابك عـن العيـن
واللحظة في فرقاك عـام أعتبرهـا

حتى عقارب ساعتي وقتهـا شيـن
أحسب ثواني غيبتـك وانتظرهـا

واللهفة والأشواق مثـل الشياطيـن
بالليـل تشقينـي ذبحنـي سهرهـا

والقلب ينشد عن جميـع العناوين
والعين من فرقاك باعـت نظرهـا

والليل يسأل عنك يا صاحبي وين؟
باين نجوم الليـل غايـب قمرهـا

كم نسمةٍ عييّـت تهـل ورياحيـن
والورد والأشجار ذبلـت ثمرهـا!

حتى المدينة رملها اتحوّل إلـطيـن
تبكي أراضيها على اللـي هجرهـا

الكون لولا مسكنك فيـه تدريـن ؟
كانت تبرت دنيتـي مـن بشرهـا

والحزن في تقويـم سبعـة وألفيـن
اليوم يشكي لـي ويبكـي شهرهـا

متى أشوفك بالأحـد وإلا الأثنيـن
شوفي مواعيدك عطينـي خبرهـا

بالله يـا يوميـن لأجلـي تعديـن
كل شي حولي ينتظر مـا عذرهـا

الهيل والنعنـاع والتمـر والتيـن
وأركان هذا البيـت محـدٍ عبرهـا

وحدي أنا في شرفة البيت مسكيـن
أقـرا قوافيهـا وأقلّـب صورهـا

أناظر الشبـاك روحـي بروحيـن
أنسـام تسقينـي بقايـا عطرهـا

وأقول للنجمـات كنـتِ تغاريـن
مني أنـا والغاليـة مـن قدرهـا

كنتِ تعرفينـا لوحـدك تشوفيـن
في بحر أحضاني جدايـل شعرهـا

كنتِ تغـاري مننـا لكـن الحيـن
الموج في بحرك يفجِّـر صخرهـا

بس أسمعيني واسكتـي لا تماريـن
باكر تعود الغايبـة مـن سفرهـا

أرجوك يا كل الغـلا لـي ترديـن
روحي تنادي قلبك اللـي أسرهـا

أتذكر انك كنـتِ لأجلـي تصفيـن
كلمات وأشعـار تساقـط مطرهـا

لكن أنـا بهديـك منـي براكيـن
تحرق أحاسيسك لهايـب جمرهـا

مضمونها كلمات ما بيـن قوسيـن
( الوقت من دونك ملل ) بأختصرها

[رحيل الذكرى]

كلماااااااااات توصف غياب الاحباب
ومشاعر صادقه نابعه من قلب عاشق
وعبارات جميله واحساس اجمل

اخي الفاضل

دائما تتميز باختيارك
والاروع ذوقك الرفيع
يعطيك العافيه

تقبل مروري

[girl.k.s.a]

القصيدة ألييييييمة كلمآت مرآ قوية وحلوة
في الصمييييم ...
يعطيك ألف عآفية تركي مبدع دوماً وأبداً
تستآهل أحلى تقييم وشكككر ..

[samya]

رائعة لابعد حد منجد آلييييييمه :(
آحترت آختار آي بيت ,كل واحد آحلى من الثاني
بس هدا اكتر شي عجبني

واللهفة والأشواق مثـل الشياطيـن
بالليـل تشقينـي ذبحنـي سهرهـا

شكرا تركي

[مدااااااااااوي2010]

شكرا علي الاختيار

[عـالي مستواه]

حبيتها أنا أكثر

لا تتحدى.. وتقول أنت أكثر ،،،

الله يسعدك على إمتاعنا بها ،،،

[TURKI ALharbi]

مرسي لكم كلكم ع المرور والشكر والتقييم
حمر عليكم واحد واحد بعد كم يوم

[Joda Majed]

المشاركة الأصلية كتبت بواسطة turki alharbi أرجوك يا كل الغـلا لـي ترديـن روحي تنادي قلبك اللـي أسرهـا أتذكر انك كنـتِ لأجلـي تصفيـن كلمات وأشعـار تساقـط مطرهـا لكن أنـا بهديـك منـي براكيـن تحرق أحاسيسك لهايـب جمرهـا

آبدآآآآع ،، شي يجنن وآللهِ

كل بيت آحلى من آلي قبله بس ذي مآقآومت آقتبستهآ وسيفتهآ بآلجهآز

يعطيك آلعآفيه تركي ع آلذوق بآلأآختيآر ^^

[هنآدي العتيبي]

طرح رآئع جدآ..
وإختيآر مميـــز وجميل..

يعطيك آلف عآفيه تركي...
لك ودي..^_^

[منى عمرين]