بنات مكة المنتظمين في جامعة الملك عبد العزيز"المواصلات"

[naa5la]

السلام عليكم ورحمة الله وبركاته ..

الحمد لله انقبلت في الجامعة في السليمانية وكل شي تمام بس جات حكاية المواصلات
كثـــــــير قالو عن شركة ابو سرهد , اتصلت عليهم ..سعرهم جـــــــــــــدا جـــدا مبالغ فيه
الترم بـ3000 !! يعني السنة بـ ستة الاف
سعرهم بقيمة الدراسة في بعض جامعات المملكة انتساب !!!

فياليت اللي تعرف شركة ثانية او اي طريقة ثانية مجربتها تساعدني ربي يسعدكم ..

[ĴusŦĪce ♣]

انتي من مكة ليه تروحو مواصلات؟

ماتقدروا تاخذوا سكن بالجامعة ؟

[naa5la]

ايوا ياسكره انا من مكة بس لسع تحضيري يعني ماجربت شي
بدور ومالقيت الا ابو سرهد
يسعدك ربنا لو عرفتي اي شي عن دا الموضوع افيديني

[naa5la]

وع حكاية السكن .. ما اتوقع القى مكان
غير عن انه اهلي مو متقبلين فكرة السكن .. بحكم ان مكة قريبة لجدة وساكنين بأول خط مكة والجامعة بداية جدة ..

[ĴusŦĪce ♣]

هي قريبة بس المشوار ساعتين ..يوميا 4 ساعات بذا الطريق !

مره تعب

ربي يساعدكم ويساعدني

باذن الله ببحث وابلغكم ابشري حبيبتي

ان شاء الله غيري بعد يفيدك

[Super Linux]

^^

ياشيخه اما الي ساعتين انا 3 سنوات اداوم من مكه لجامعة عزوز اذا محاضرتي تبدء الساعه 9 احرك من مكه 8 او 8.15 واوصل ع المحاضره عادي جدا

مره مره مش مشوار بس انتي يمكن ساكنه ف شمال جده وتجي لمكه عشان الحرم فلمن تحسبي مشوار الشمال وزحمة حرم مكه تطلع عليك ساعتين

اصلن الي ساكنين ف شمال جده مشوارهم للجامعه ابعد من مكه عشان الزحمه

نخله انا من الزاهر واوصل بدري تخيلي فمابالك وانتي ع الخط يعني يمكن ف الاسكان ولا الستين ولا النزهه ولا الرصيفه ..ياشيخه نص ساعه وانتي ف الجامعه ان شاء الله

بس حتتعبي أول سنه عشان انتي سنه تحضيريه اتوقع مره كرف من 8 الين 3 العصر الداوم وماتقدري تعدلي جدولك :(

لكن اذا تخصصتي خلاص مره حماس حترتاحي كثيررر

وإن شاء الله يفيدوك البنات ف المواصلات

[soseTaa]

شوفي هذا الموضوع في ثاني صفحة وحدة حاطة رقم باص من مكة لجدة
http://www.skaau.com/vb/showthread.php?t=457755

[ĴusŦĪce ♣]

اخ لينكوس

انا ما افتي من عندي.

ابشركم زرت مكة وكنت اسافر لجدة منها بعض المرات واحسب الوقت

لا اعلم يمكن انت تسكن بأطراف مكة ما احفظ ضواحيها جيدا

ويمكن السائق يمشي مسرع

لكني حسبتها بأكثر من سفرة 100% ساعتين

حتى منطقيا ما راح ينشئوا قطار يصل بين مكة وجده ويختصر الوقت

اذا كانت اصلا المسافه بينهم بالسياره نص ساعه !

واتمنى لنخله التيسير

[Super Linux]

المشاركة الأصلية كتبت بواسطة ĴusŦĪce ♣ اخ لينكوس انا ما افتي من عندي. ابشركم زرت مكة وكنت اسافر لجدة منها بعض المرات واحسب الوقت لا اعلم يمكن انت تسكن بأطراف مكة ما احفظ ضواحيها جيدا ويمكن السائق يمشي مسرع لكني حسبتها بأكثر من سفرة 100% ساعتين حتى منطقيا ما راح ينشئوا قطار يصل بين مكة وجده ويختصر الوقت اذا كانت اصلا المسافه بينهم بالسياره نص ساعه ! واتمنى لنخله التيسير

صحيح بارك الله فيك . ومحد قالك انك تفتي من عندك ..

بس احنا نتكلم عن مشوار الجامعه ..ليه لان الجامعه ف طرف جده ماتدخل ف الزحمه والاشارات عرفتي شلون

والله انا يوميا من مكه لجده وعارف الوقت 100% وكمان انا مااسكن في أطراف مكه ف وسطها والله وزحمة الحي + الاشارات وفوق هذا كلو مشوار جده ياخذ اقل من ساعه 45 دقيقه

وامشي 120

اصحابي الي ف شمال جده لو محاضرتهم الساعه 9 ..يخرجو من البيت 7.45 ..بينما انا الي من مكه 8 او 8.15 ^_^

بس معليش يعني ..ساعتين مره مره مره كثيير والله لو اني امشي 60 ماياخذ معي مشوار مكه وجده ساعتين ..

اصلن لو نجي علميا من مكه لجده 45 كيلو خلينا نقول 60 كيلو او 70 .. تخيلي المدينه 450 كيلو وناخذها ف 4 ساعات وعليها..يعني كل 100 كيلو ف ساعه ..فمابالك بجده 45 أكيد بتكون نص ساعه

وانا اسف جدا ..

بالتوفيق للجميع

[Mirinoxd]

ساعتين مرة مبالغ فيها
ونص ساعه برضو نادراً تصير
انا ساكنة في النوارية ورحت للجامعه ثلاث مرات وحسبت الوقت ساعه بالتمام واكون عند الجامعة
طبعا النوارية شمال مكة والجامعة جنوب جدة فأحس اقرب شي للجامعه هو من شمال مكة
أنا اطلع من طريق الجموم
وهو ف النهاية ع حسب السرعه وحسب اذا كان زحمة ولالا