ايش تنصحوني اختار احياءعام ولا احياء دقيقه

[روان ال مسعود]

سلااام

بليززز قولولي رايكم لاحد يقول انتي ورغبتك انتو لو مكاني ايش حاتختارو

لاني خايفه اختار دقيقة ويفتحو قسم دقيقة واورط او انهم مايفتحو

[SOMAH SWEET]

up(*_*)

[sarona sweet]

بالنسبة ليا أنا أخترت أحياء دقيقة وحطيته ثاني رغبة بعد البايو كمستري وممكن يكون الرغبة الاولى لأنه قريب للطب
وإن شاء الله نكون صحبات إذا ربي أراد نختار نفس القسم

[روان ال مسعود]

إن شاء الله يارب

[R-Kh]

حكون صريحة معاكم
لاني كنت زيكم مترددة بين الاحياء والكيمياء الحيوي
الكيمياء حيوي دراستنا انجلش
والاحياء دراستهم عربي
من ناحية السهودلة هما اسهل ، بس دا ما يعني انو الحيوي صعب ، حتى الحيوي سهل بس يبغالوا تشدي حيلك
//
من ناحية المستقبل الوظيفي
كل الاحياء والكيمياء الحيوي ما بتعترف فيهم وزارة الصحة
عشان دراستنا نظرية اكتر من انها عملية
فـ الفرصة متساوية للاتنين ، برغم اني البعض يشوف انه الحيوي لهم فرصة اكبر
بحكم انه عندهم مصطلحات طبية عشان دراستهم بالانجلش
//
عن نفسي لما رحت اتدربت
اتدربت في مختبر قسم الكيمياء الحيوي
وكمان المختبر قسم الاحياء الدقيقة
الحيوي كنا نشتغل على الدم ، ونحلل الدم ونشوف هل الشخص عنده مثلا ارتفاع كولسترول ، غازات الدم كيف وضعها ،انزيمات الكبد .... الخ
كانت التحاليل جدا ممتعه ومن خلال التحليل للشخص تعرفي لو عنده مثلا مرض في القلب او او او ... اللي هيا التشخصيات المبدئية والدكتور طبعا يشخص الحالة
اما الاحياء الدقيقة كانت تجينا عينة من بول شخص او بلغم او سوائل الجسم
ونحطها في طبق ونزرع العينة عشان نشوف اي نمو بكتيري و كدا يعني
//
فـ عن نفسي حسيت البايوكمستري ممتع ليا اكتر
للاننا مو بندرس كيمياء بحته
بندرس التغيرات الكيميائية في جسم الانسان
هضم المواد ، تفاعل الجسم ، تغيرات الجسم ..... الخ
ومايل للتخصصات الطيبة لاننا بندرس امراض كتير و اسباب الامراض من ناحية الهضم .... الخ
مثال لو الجسم ما هضم الجلوكوز (السكر ) ايش يحصل لو ارتفع تركيز السكر ايش يحصل
والهرمونات ايش تعمل وكل هرمون وعمله ولو زارد ايش الامراض ولو نقص ايش الامراض ... الخ
...
انا ما عندي خلفية كافية عن الاحياء الدقيية بحكم انها مو تخصصي
بس اني اخدت كورس احياء دقيقة لانو موجود بخطة قسمي
فـ ماعندي معلومات كافية
..
لكن اي معلومات عن الحيوي ممكن افيدكم
وممكن تشوفوا دي المواضيع
http://www.skaau.com/vb/showthread.php?t=48406
http://www.skaau.com/vb/showthread.php?t=89142
...
اي معلومات كمان او اي سؤال اتفضلوا
..

[روان ال مسعود]

مشكووورة وربي وفيتي وكفيتي