سؤالين بخصوص الجدول

[Nada90]

السلام عليكم
كيفكم يابنات وكيف الاجازة معاكم ؟؟؟
حبيت بس اسألكم سؤالين ...
1- اللي ماتبغى تدرس صيفي لازم تقدم اعتذار واللا لا ؟؟؟
لأنو انفتح عندى الحذف والاضافة حق الصيفي وماسجلت لأنى ماابغاه .. ودحين موجودة خانة الجدول
الدراسي وفااااضي ..
كده انا ف امان واللا في مشكلة ؟؟؟

2- انا ابغى ارتب جدولى بيني وبين نفسي عشان لما يفتح الحذف والاضافة بعد العيد اكون جاهزة
طيب لما اروح عند قائمة الشعب الدراسية اختار اي سنة ؟؟؟
2010 الترم الاول .. صح كده واللا ؟؟؟؟

وشكرررررررررررا ..

[مياسة العود]

وعليكم السلام

الكل فتح عندهم خانة الحذف والاضاف

لا تخافي انتي بأمان لأنك أساسا ما سجلتي مواد

المشاركة الأصلية كتبت بواسطة nada90 طيب لما اروح عند قائمة الشعب الدراسية اختار اي سنة ؟؟؟ 2010 الترم الاول .. صح كده واللا ؟؟؟؟

بالنسبة للشعب تروحي سنة 2011

الترم الأول

وبالتوفيق

[~..candy..~]

بالنسبه للحذف والاضافه عادي كلنا تطلعنا الخانه ومو لازم تسوي اعتذار
اما الجدول تفتحي 2011 الترم الاول بس لسى مانزلت اسماء الدكتورات

[وتر الإحساآآس]

وعليكم السلاآآم ورحمة الله وبركاآآتهـ

الحمد الله بخيراآآت كيفك انت ندو؟!

عاآآدي الحذف والإضافة للصيفي يطلع للكل =)

والله يعين على الجداول :/

هو متى حيفتح الحذف والإضافة بالضبط؟!

[~..candy..~]

تقريبا قبل الدوام باسبوع

[saud altayari]

طيب احنا الطلاب ما نزل لنا شي من الحذف والاضافه اصلا مانزل عندنا قائمة الرغبات الى اللحين ماادري ايش مصير :(

[LazoOord]

^^^

اصبروا وصابروا

ما راح تنزل التخصصات ولا شي

لحد ما يخلص الصيفي

وتنزل كول الدرجات

تفتح لكم الخانات

[goga]

انا عندي استفسار .. انا تخصصي احياء والسمستر الي راح طلعت روحي لحد ما سويت جدولي
لانو من النت كان ما يرضى لا يحذف ولا يضيف ..سؤالي لو صار لي كدا كمان السمستر دا
ايش اعمل ؟؟~~

وسؤال تاني انا تخصصي احياء وابغا اخد مادة وراثة و مادة علم بيئة..كيف المواد يعني تعتبر صعبة جدا
ولا مستواها جيد ..ومين افضل استاذات اقدر اخد عندهم المواد دي ؟؟ ~
ياريت الي اخدوها يفيدوووني بليز ر^^

[Nada90]

جزاكم الله الف خير على ردودكم ..
وان شاء الله ربي يسهل لنا الجداول..
goga اتمنى البنات يفيدوكى اكتر منى ...