بنات الكيمياء الحيوي ممكن مساعدة ...

[لولي الامورة]

السلام عليكم ...
كيفكم .. ان شاءالله تكونو بخير .
انا دحين خلصت السنة التحضيرية و ابغى ادخل كيمياء حيوي ..
وابغى منكم تقولو لي اش انزل من مواد في اول ترم لان صراحة ماني عارفة انزل ايه ؟؟
و الله لايهينكم كمان ابغى اعرف افضل الدكاترة الي يعطوو المواد وبكون شاكره لكم .
تسلمووو ...

[سحر الوجدان]

وعليكم السلام..
هلا فيكي بيننا..^_^
شوفي انا الترم الأول..اخذت طبعا" كيميا حيوي اول مادة في التخصص
مع الدكنورة اعتماد حويت..الحرمة قمة في الأخلاق وتعاملها معنا جدا" رائع..واسئلتها تحتاج فهم وتكون غالبا" اختياري
وصلي.واحياانا" كانت تحط اسئله مقالية سهلة جوابها كلمة ورد غطاها.. وتراعي اهم شي ظروف البنات.
ومعمل المادة حلو..اخذتو مع استاذة سحر وسمر طيبين واسئلتهم اختياري.
_________واخذت كمان احياء 202 كان حلو مع الدكتورة سهيلة قاري..وبرضو كانت اخلاق..وتفهم واسئلتها اختياري وصلي.
المعمل شوي تقيل بس مع استاذة نهى وسوزان كان ممتع
____________وكيمياء 202 مع نبيله..المنهج مافيلو شي صعب بس الله يهديها ما كانت تفهم وشرحها مش ولابد فكان اعتمادي على نفسي.>>>صرت اكنسل المحاضرات^_^
.عشان كذا خذي الماده مع ايمان يمدحوها..واهم شي تسوي مراجعة اغلب الأسلة تكون منها..وطبعا" الأسئلة موحده
والمعمل اخذتو مع امل السديري..ونحا. برضو طيبين والأسئلة موحده..المعمل يحتاج شغل كثير ودقة وكنا مجموعات.
_______معمل كمياء 281 معمل جدا" ممتع وسهل..يعنى خذيه عشان توسعي صدرك^_^ وخذيه مع استاذة نحا..يناسو عليها معطية المعمل جو.
__________معمل احياء 281 هوة ممل بس يمشي حالو في النهاية هوة بساعة يعنى اخلصي منو افضل وبعدين في مادة الخلية كان
تقريبا" معملها يشبه هذا المعمل فراح ينفعك لو اخذتيها. وعلى فكرة خذيه اما مع هند او ديما السديري..يناسو عليهم.
_________واخذت كمان ثقافة مستوى اول..الأسئلة فيه موحدة .وبس هذا كان جدولي..
الجدول كان حلو وما بيلو شي وكنت ارجع كل يوم الساعة 2 او وحدة حسب مته اخلص المعمل واحيان كنت 12
ويوم واحد كنت اخرج 3 ودوامي يبدء من 8..
شوفي هية المواد كثيرة ومتعبة بس الى كان مهون الوضع انو الحمد لله كانو دكاترتي كويسن و حبوبين.
اتمني اكون افدتك
دمتي كما تحبي
^_^

[لولي الامورة]

مشكوره حبيبتي
والله يوفقك و تجيبي الفل مارك في كل المواد ...
و تسلمي على مساعدتك ليا ياقمررر ....

[الوفاء الحقيقي]

مآشآء الله مآقصرت سحر الوجدآن وإنتي كمآن لمآتتخصصي كيميآء حيوي حينزلوآ لكـ الخطة في صفحتكـ في الأوديس وأمشي عليهـآ وربك بيعين..

[وفاء جدة]

وعليكم السلام ورحمة الله وبركاته...
انا اخذت /
كيمياء حيوي عام مع امينة بس سمعت انها ماراح تكون موجودة السنة الجاية...
كيمياء 202 مع ايمان زكريا...هيا احسن وحدة تعطي هالمادة وتساعد في الدرجات..
معمل احياء 281 صحيح ممل لكن تقدرين تمشين فيه...
معمل كيمياء 281 مرة مممتتتتتتع وحلوووو ...
عربي1...
ثقافة 1...

بصراحة احس اني كنت مثقلة بالجدول خصوصا انه اول ترم لكن الحمدلله عديته...
وبالتوفيق يارب

[لولي الامورة]

مشكورة وفاء جدة و ماقصرتي ...
الله يعطيك العافية ...
و بالتوفيق للجميع ياااارب ...

[روان ال مسعود]

سؤال العربي ايش تدرسو فيه يعني قواعد اعراب وكذا ولا كيف

[الوفاء الحقيقي]

العربي مرة سهل لآتشيلي همه وأسئلته كلهـآ إختيآري عربي 1: نحو بس مو إعرآب يعني علآمته وأسئلة عنه وسهلة كلهآ مبتدأ وفعل وفآعل وزي كيذآ ,, عربي 2: عن الأدب المقآل و..ألخ وبرضه سهلة وإختيآري مرررة لآتشيلي هم العربي وربكـ يسهله لكـ..}