التحويل من أنتساب إلى أنتظام ..!!

[نقاء]

السلام عليكم ورحمة الله وبركاتهــ

صباح / مساء ,, الخير ياوجية الخيـــر

كل عام وأنتم بخير وصحة وسلامــة ياااارب , تقبل الله صيامكم وقيامكم وصالح أعمالكم

/

ندخل في الموضوع ..!!

أنا حابة أحول إنتظام وقدمت طلب التحويل من الأوديس ,

وروحت الجامعة بالتحديد عمادة القبول والتسجيل سئلتهم : أكتفي بالتحويل عن طريق الأوديس

ولا لازم أراجع من عندكم

قالت لي بس عن طريق الأوديس

أنا ما صرت أثق في كلمة أكتفي بالنت

لأنه قبل أختبرت أختبار بديل قالوا لي كله في النتــ وأكتشفت أشياء كثيرة لمن روحت بنفسي

وسئلت

المهم ..!! لا أطول عليكم

اللي حولت إنتظام الترم اللي راح ياليت لو تفيدني

كيف طريقة التحويل

ومتى ..؟؟!! هل في بداية الدراسه ولا قبل ..؟؟!!

وحابه أسئل عن المعدل المطلوب لمسارات إدارة أعمال

/

سوري على الإطالة

بالتوفيق للجميع

أختكم:zaky

[Th4m3r]

هل هذا الموضوع ينفع يكون هنا ؟
الإجابة : مدري بس حاسس إنّه أحسن في قسم الإنتساب

ما علينا
شرايك تآخذ المعلومة من الجامعة نفسها
أو إنتظري إفتاء الأعضاء ^_^

إحترآمي ..

[فروته]

ما عندي اي فكرة

ان شاء الله تلقين حد يفيدك :)

[MNMO0ONA]

زي ماقال الاخ ثامر ان شاء الله ملتقى المنتسبين بيفيدوكي اكتر من هنا لان اغلب اللي هنا مستجدين لسا

[.,.نيــــــــــــــــــــران.,.]

أنا من الناس اللي حولوا من انتساب الى انتظام
قدمنا عن طريق الاودس
وبالفعل كنا ننتظر نتيجة قبول طلب التحويل عن طريق الانترنت
وراجعنا الجامعة قبل لاتنزل النتيجة وقالولنا في النت

واللي انقبلوا اتغير التعريف في المعلومات العامة على الاودس من "انتساب جديد " الى " محول من انتساب برسوم الى انتظام"

:)

[damoo]

شوف با حلوة لا تثقي في كلامهم
انا العام طار عليا ترم بسببهم
لانو لما جيت احول قالو لي بس عن طريق النت
وقعدت استنى واستنى
ولما جيت ابغى استفسر تاني
لقيت التحويل مفتوح عن طريق العمادة تجي بنفسك
بس انا لحقت على اخر يومين
ولما حولت اعتذرت ترم تدري ليه لانو تاخرت وقفلت الشعب ما قدرت اسجل مواد في الجدول لانو ما في مكان في القاعات
الترم التاني استانفت الدراسه بس بعد ما ضيعولي ترم
اسمعي مني نصيحه
لا تثقي في كلامهم
لانو هم اصلا ما يبغوكي تحولي مو انت بتدفعي فلوس
اول ما تبدا الدراسه بلطي عندهم في العمادة لاتتأخري عشان لا تقفل عليكي الشعب
وصدقيني انا شفت معاهم ايام

[نقاء]

المشاركة الأصلية كتبت بواسطة .,.نيــــــــــــــــــــران.,. أنا من الناس اللي حولوا من انتساب الى انتظام قدمنا عن طريق الاودس وبالفعل كنا ننتظر نتيجة قبول طلب التحويل عن طريق الانترنت وراجعنا الجامعة قبل لاتنزل النتيجة وقالولنا في النت واللي انقبلوا اتغير التعريف في المعلومات العامة على الاودس من "انتساب جديد " الى " محول من انتساب برسوم الى انتظام" :)

ياهلا والله باللي ساعدتني بالتسويق وما قصرت

عساها تكون بخير

كيفك ياقلبي .. وكيف رمضان معاكي

/

ماشالله تبارك الله

الف مبروك عليك التحويل

موووفقه يااااعمري

يعطيك العافيه على الإفادة

مانحرم يااااااارب

/

أختك: zaky

[نقاء]

المشاركة الأصلية كتبت بواسطة damoo شوف با حلوة لا تثقي في كلامهم انا العام طار عليا ترم بسببهم لانو لما جيت احول قالو لي بس عن طريق النت وقعدت استنى واستنى ولما جيت ابغى استفسر تاني لقيت التحويل مفتوح عن طريق العمادة تجي بنفسك بس انا لحقت على اخر يومين ولما حولت اعتذرت ترم تدري ليه لانو تاخرت وقفلت الشعب ما قدرت اسجل مواد في الجدول لانو ما في مكان في القاعات الترم التاني استانفت الدراسه بس بعد ما ضيعولي ترم اسمعي مني نصيحه لا تثقي في كلامهم لانو هم اصلا ما يبغوكي تحولي مو انت بتدفعي فلوس اول ما تبدا الدراسه بلطي عندهم في العمادة لاتتأخري عشان لا تقفل عليكي الشعب وصدقيني انا شفت معاهم ايام

هلا والله ياقلبي

يارب تكوني بخير



/
ماشالله تبارك الله

ألف مبرووووك عليك التحويل

موفقه ياااارب

/
أي والله صح كلامك

الواحد لو ينتظرهم عزالله راح فيها

انا مقدمة طلب ع النت

وان شالله على بداية الدراسة راح ابلط في العمادة ..

/

الله يسعدك ياقلبي على الإفادة

ماااانحرم يااااااارب



/

أختك: zaky