افادة ضروريه بخصوص اكمال الدراسه للانتساب والتعليم

[basemameer]

اخواني
حابب استفسر منكم لو تكرمتوا
اللي عنده خبر اكيد يجاوبني بارك الله فيكم
اش الافضل مابين شهادة الانتساب والتعليم عن بعد بغض النظر عن التخصص
اذا كان الهدف منها هوا اكمال دراسات عليا
الناس كلامهم كثير في الموضوع دا والواحد سار مو عارف مين الصح ومين الغلط
اللي يقول التعليم عن بعد افضل وتنقبل بسرعه في مفاضلات اكمال الماجستير
واللي يقول العكس انو الانتساب التقليدي هوا المعتمد وموثوق اكتر وتنقبل بيه اسرع في اكمال الماجستير
طبعا هما بيقيسوا على اكمال الماجستير في جامعة الملك عبد العزيز او غيرها من الجامعات السعوديه الحكوميه او الخاصه
فابغا اعرف هل الموضوع فيه فرق بين الشهادتين في اكمال الدراسات العليا سواء في الملك عبدالعزيز او غيرها
لاني حاليا ادرس تعليم عن بعد والحمدلله ماشي كويس ومعدلي فوق ال4 وسرت مني عارف اكمل تعليم عن بعد ولا احول انتساب افضل
وهدفي الوحيد من الدراسه هو اكمال الماجستير باذن الله فور التخرج
لاني اساسا موظف بشهادة سابقه وما احتاج لا ترقيه ولا غيره
افيدونا جزاكم الله خير

[basemameer]

انتظر الاجابه

[basemameer]

يا اخوان ننتظر الاجابه من اللي عندهم علم بالموضوع