سؤال عن الجدول للبنوتات

[maamoola]

السلام عليكم

حبايبي ياقمامير بس حابة اسالكم عن جدولي اللي ابغى اخلص منه بدل حوسة كل ترم

ايش رايكم

اقتصاديات عمل مع كوثر شغراب
اقتصاد دولي مع ايمان حسن علي
اقتصاديات نفط مع اسعد جوهر
اقتصاد اسلامي مع الطاسان
ماليه عامة مع البحطيطي

انا لسه ما اخدت تحليل اقتصاد كلي ولا تحليل كمي
تنصحوني اخدهم هدا الترم ولا عادي مايهم
وكيف الاساتذه؟

لاني ابغى اوازن بين الحفظ والفهم
بس ابغى اعرف ايش نظام المواد

الله يسعدكم ويوفقكم يارب

[يالبى قلبك]

أنا اقولك نظام هالمواد ..

اقتصاديات عمل مع كوثر شغراب



هالماده حلووه وسهله وتجيبي a+ أو a بالرأحه لو " حفظتي كوويس " لانها ماده تعتمد على الحفظ مو مشي حالك لا حفظ من قلب .. لان اسئلتها مقالي ، وهي نفس تحليل اقتصاد جزئي مع كوثر ،



اقتصاد دولي مع ايمان حسن علي

ذي الماده مع ايمان سهله ممممممرا ، بس ايمان تددقق في تصحيحها ممممممرا وتنقص ع اشياء تافهه
اقتصاديات نفط مع اسعد جوهر

هذي حفظ الماده وسهله عاديه مافيها شيء صعب ، الدكتور مره تمام واسئله اوكي ، ومررن في الدرجات
اقتصاد اسلامي مع الطاسان
حفظظ بعدد ، ومافيها شيء .. انا صراحتن مايعجبني الطاسان ابدا
ماليه عامة مع البحطيطي

أنا ماخذتها مع البحطيطي ، والمقرر يختلف

.. كلها الي بتنزليها حفظ ، يعني لو تحذفي اقتصاديات عمل وتخليها بعدين وتاخذي كمي او تحليل كلي عشان تاخذي رياضي الاترام الجايه .. كمي متطلب لـ رياضي ، وتحليل كلي متطلب بعد لـ رياضي .. ف احسن لك تخلصينه بدري أول شيء .. ،
، وعمل " اذا ماخذتي تحليل اقتصاد جزئي لاتاخذيه انصحك لانو لو اخذتيه بيكون سسهل عليك مره وتحسي انه كلام مكرر ليك

وبسس أتمنى اني افدتك ..

[Do0na]

السلام عليكم ..~

صراحهـ اختنا يالبى قلبك كفت ووفت

فعلا انا انصحكي انك تاخذين تحليل كمي وتحليل اقتصاد كلي.. لان راح تضغطين ع نفسك بعدين لان لها متطلبات

وانا جدولي زيك بس راح اخذ تحليل كمي وتحليل اقتصاد كلي واقتصاديات عمل انا اخذتها مع عفاف عايد صيفي بس انصحكي تاخذيها مع كوثر بس مو الحين لانك لاحقها عليها خذي المواد الي لها متطلبات اول


وبالتوفيق ..~

[..{ اسكــادا]

بس حبيت اقول أنه تحليل اقتصاد كلي مو متطلب لاقتصاد رياضي

ولا متطلب لأي مادة ثانية

وبس :)

[يالبى قلبك]

^^

أوكي انا معاك وعارفه أنو مو متطلب رسمي ، بس متطلب لك انتي
يعني في اشياء لازم تفهمينها في تحليل كلي عشان ماتوقف معاك في رياضي ..

[صاروخ]

هلا إختي :
انصحك تاخذين تحليل كمي مع أ/سوزان ابو العينين حلو شرحها انا اخذت معها تحليل 1 جبت معاها درجة حلوة الحمدالله
و2 اخذت مع عفاف شرحها حلو بس اسئلتها مرررة صعبة محمد يجيب في الكلاس درجة الكاملة إلا 2 أو 3
ونص الكلاس نص الدرجة
اتمنى اكون افتدك

[Do0na]

مين قال انو تحليل اقتصادي كلي مو متطلب لااقتصاد رياضي

الا متطلب وبشكل عام تحليل اقتصاد كلي وجزئي متطلب لااغلب مواد الاقتصاد

[maamoola]

ربي يسعدكم ياااااااااااااااااااااااارب
الله يوفقكم دنيا واخره

[loool]

اقتصاديات نفط مع اسعد جوهر

مرا حلوه الماده معاه وومتعه

اقتصاد اسلامي مع الطاسان

الماده هاذي زي الثقافه حسيتها وناسه وكلها كلام واسئله النهائي بس صح وخطاء

ماليه عامة مع البحطيطي

انتبهي تاخذيها مع غير البحطيطي هوا مسهلها كثيرررر وكتابها مرا كبير بس مع البحطيطي ما راح تاخذو المنهج كامل يحب يحذف

[عبق الزهور]

اقتصاد نفط نازله موب مع دكتور الترم ذاالي شفته بالجدول حقي