استفسار هام عن كلية الحاسبات لاهل الخبرة

[az0o0zi]

السلام عليكم ورحمة الله وبركاته

اعزائي طلاب كلية الحاسبات انا انقبلت في الكلية في فرع الشمال (عسفان)
وبما اني انقبلت في كلية الحاسبات
ابغى اسالكم هل كلية الحاسبات لها مستقبل جيد من ناحية توفر الوظائف والدخل الممتاز؟
علما بان لدي فرصة للقبول في تدرج بترو رابغ
فايهما افضل من ناحية الدخل؟
ولو كنت مكاني ايش تسوي تروح بترو رابغ ولا تكمل في كلية الحاسبات؟
ختاما اتمنى لكم التوفيق والنجاح وان يحقق الله لكم امانيكم
وشكرااا

[shu3a3]

صراحه ما اقدر احكم ايت افضل خلي الجواب لناس عندهم خلفيه اوسع مني
صراحه كليه الحاسبات تعتبر من افضل الكليات في جامعه الملك عبدالعزيز بعد الطب والهندسه
و مدخولها المادي جيد جدا جدا جدا
ناس كثير قالولي
انو اول راتب كان 8500
و طبعا تفرق من شركه ل شركه ومن بنك لبنك
بس المعترف فيه انو رواتبها عاليه نسبيا
استخير والله يكتبلك الخير إن شاء الله

[az0o0zi]

يعطيك العافية اختي حمستيني للحاسب
وننتظر الرد من الاخرين

[محتاج لها]

عزيزي لــن ينفعكـ إلا أمر واحد فقط

وهو صلاة الاستخارة

استخر ربكـ

هذا إلي أقدر أقوله

وبالتوفيق ,,,

[gentle man]

بالنسبة لكلية الحاسبات فـ لها مستقبل باهر بإذن الله وخلي في بالك الأرزاق بيد الله

ياما خريجين طب وهندسة ما حصلو وظائف ومو شي غريب دا شي متعارف عليه =)

عموما كلية الحاسبات فتحت اقسام جديده ولسا ولا دفعه ما اتخرجت منها وهيا الـ it والـ is

تتوقع ليش فتحوها ؟؟ بالتأكيد عشان محتاجين هذا المجال ومطلوب ..


اما بالنسبة لبترورابغ فما انصحك فيها نهائيا بالنسبة لوضعك وليس للكل
هيا حلوه وممتازه .. لكن بالنسبة لك افضل كمل جامعه افضل 100000000 مره

وحتكون افضل بترورابغ لـ اللي ما حصل جامعه بدل ما يقعد عاطل ..

اولا الجامعه افضل انت راح تتخرج ومعاك شهادة بكالوريوس في الحاسبات
بترورابغ ما عندك اي شهاده راح تدرس سنتين ويعطوك خبره فقط مو شهاده
وحتكرف كرف وحيكون راتبك حلو لكن مو ع قد الكرف اللي تكرفو : )


اما اذا انت مره منتا حابب تدرس وعارف انك مراح تمشي (مع اني اتوقع انك راح تبدع بما انك اتخصصت الشي اللي انتا تبغاه وعديت التحضيري)
فـ ادخل بترورابغ ولا تضيع الاتنين من يدك
وبعدها ممكن تدرس انتساب وتاخد الشهاده



هذا رأيي ويحتمل الخطأ


داعيا ربي ان يوفقك لكل خير وان يسهل لك طريقك

ولا تنسى ماهو اهم من ذلك كله صلاة الإستخاره

[az0o0zi]

مشكورين محتاج لها, جنتل مان
والله يوفقكم

[][DANTE][]

بالنسبة للوظايف كلية الحاسبات وظايفها مضمونة

واكبر شركة هي الخطوط السعودية تبغا شهادة بكلوريس نظم معلومات والراتب 9000 ريال هذا غير البدلات

واذا تبغا تتأكد ادخل موقع الخطوط وروح للوظايف


وفي غيرها كثير , في اليوم الارشادي عطونا دليل الطالب للبكلرويس وكان مكتوب فيه انواع الوظايف كثييره



هذا كل شي عندي

[gentle man]

المشاركة الأصلية كتبت بواسطة ][dante][ بالنسبة للوظايف كلية الحاسبات وظايفها مضمونة واكبر شركة هي الخطوط السعودية تبغا شهادة بكلوريس نظم معلومات والراتب 9000 ريال هذا غير البدلات هذا كل شي عندي

اسسدحلنا الرابط

[az0o0zi]

مشكور دانتي
بس لو عندك صورة لدليل الطالب ياليت لو تعطينا
وبالنسبة لموقع الخطوط نبغى الرابط