الخطوة التالية

[Sailor of the Dreams]

السلام عليكم ورحمة الله
الحمدالله جدولي نزل والموضوع باين من عنوانه الجدول نزل طيب وبعدين ؟؟؟ ايش الخطوة الثانية ؟الحذف والاضافة ؟ طيب واسماء الكتب نزلت او لا وحابة كمان تنصحوني باسماء الدكتورات
ولكم جزيل الشكر ...

">

[ام حمدان]

وعليكم السلام ورحمة الله وبركاته

هلا عزيزتي


وي وي وي
ايش دخل الادب عندك
الظاهر بدا التخريف في الاودس ><

احذفيه على طول لانه عاجل او اجل بيحذفونه من جدولك


جدولك الباقي كويس

بس لو تقدري تغيري القراءه لشعبه 1 يكون افضل لان اتوقع مس الاء المحمدي افضل من شادن

وتصير عندك 5 مواد
ان كنتي حابه تضيفي ماده سادسه كمان ممن تضيفي ماده حره بس بعد ماتظهر قائمة الحذف والاضافه الاسبوع الجاي إن شاء الله
وان كنتي تشوفي ان وقتك يادوب يسمح ب5 مواد فاكتفي بها وشدي حيلك فيهم وربي يكتبلك التفوق فيهم كلهم

[Chanel]

مرحبا يا عسل
حابة اسألك كيف نزل جدولك سددتي ولا عندك اعفاء ؟
انا معفيه وما نزلي الجدول عشان كذا حابة اتأكد منك قبل اراسلهم
وصحيح زي ماقالت ام حمدان مادة مقدمة في الأدب لها متطلبات مستحيل يخلونها لك :)

[ام حمدان]

^
بينزلك لاتستعجلي

تقريبا من اليوم الي سددوا من قبل وعندهم اعفاء نزلت جداولهم

انتظري وبينزلك إن شاء الله

موفقين

[Chanel]

المشاركة الأصلية كتبت بواسطة ام حمدان ^ بينزلك لاتستعجلي تقريبا من اليوم الي سددوا من قبل وعندهم اعفاء نزلت جداولهم انتظري وبينزلك إن شاء الله موفقين

لا يا عسل مو مستعجلة بس استغربت انه نزلت الجداول قبل السبت

[nour al3mr]

وعليكم السلام ورحمة الله و بركـآته

ماشاء الله مستعجلين على رزقك ويبغوك تدرسي الأدب

والله توحف

أحذفيها ياقمـــر لما تنزل الأيقونة و ربي يوفقك بباقي الموآد لانها ميسرة = )

[النجاح اسمي]

ام حمدان الله يسعدك ليش تضيف ماده حره مو المواد الحره قلنا نخليها المستويات بعد الثالث والرابع

وبعدين مو الافضل ناخذ ست مواد ؟؟؟؟ ليش قلتيلها خمس >>> اخ بدت تتشتت

نور لاهنتي سؤال كيف جدولها غريب وين مقدمه في الطبيعه وقيم الشباب

ومدري ايش المواد الاجباريه الجديده وينها ؟؟؟؟ ولا حذفتها واضافت العربي ومقددمه في الادب ؟؟

[nour al3mr]

^

ياعسل لا تتشتتي

كل طالبة لها الاحقية بتعديل جدولها حسب وضعها

مواد التخصص مهم تكون موجودة الثلاثة البيسك [قراءة/ كتابة / آورال]

بقية المواد لها الحرية عربي - ثقآفة - حرة - الموآد الجديدة

لأنه إذا تبغى الطالبة ترفع معدلها ما يفضل تآخذ 6 مواد وتضغط حالها

و تقدر تآخذ مواد حرة سهلة تخفف عليها

فكلا وفق طاقته ينظم الجدول = )

و المواد الجديدة عندك بالخطة الدراسية بالاودس مكتوب اسمها و رمزها ..

[ام حمدان]

المشاركة الأصلية كتبت بواسطة النجاح اسمي ام حمدان الله يسعدك ليش تضيف ماده حره مو المواد الحره قلنا نخليها المستويات بعد الثالث والرابع وبعدين مو الافضل ناخذ ست مواد ؟؟؟؟ ليش قلتيلها خمس >>> اخ بدت تتشتت نور لاهنتي سؤال كيف جدولها غريب وين مقدمه في الطبيعه وقيم الشباب ومدري ايش المواد الاجباريه الجديده وينها ؟؟؟؟ ولا حذفتها واضافت العربي ومقددمه في الادب ؟؟

هههه
اجابتك نور الغاليه

ياعسل
قلتلها خذي حره لانه المواد العامه الجديده ماحد يعرف عنها شي للان وحتى رموزها مانزلت عندنا للان

ولان البعض متخوف من المواد الجديده مع انها ماتخوف طالما كلها عربيه
فقلتلها خذي حره لان باعاده المواد الحره تكون مواد سبق ودرسوها الطلبه فتقدر تلقى من يفيدها عنها

وسواء اخذت حره او عامه ماتفرق كثير وسبق وقلت للبنات هالشي في موضوع الاخت شوزن

لان في النهايه كلهم انتي مجبره تدرسيهم الفرق فقط في الترتيب


وعن حكايه 5 او 6 مواد
كل وحده وطاقتها وظروفها مو الكل يقدر يتفرغ ل6 مواد
فانتي لاتقارني نفسك باحد واختاري الشي الي يناسب ظروفك ووقتك وقدراتك
إن شاء الله فهمتي علي ياعسل

موفقين

[النجاح اسمي]

ام حمدان ونور الله يسعدكم يااااااااااااااااارب وجعل ربي الابتسامه ماتفارق عيونكم