يا جماعة مين يعرف احد يساعد في واجبات ال ie 202

[dre]

السلام عليكم

بالله يا شباب اللي يعرف احد يساعد او يحل واجبات ال ie 202
يقولي او يعطيني رقمه , واللي يعرف حيكون سوا فيا خير كبير وربي يجعلها في ميزان حسناته

سلام

[المهندس هاني]

اذا لقيت صعوبة في حل الاكسل تقدر تشوف اي شعبة ثانية وتاخذ الحل

[dre]

المهندس هاني
يعطيك الف عافيه على مرورك عزيزي

لكن المشكله الدكتور يدقق
وغير كدا انا حسافر الاجازه دي وحضرتو طالب assignment يتسلم
من كل طالب (لوحده) بعد الجازه فورا .. وانا خلقه مني فاهم المسأله
والله مضغوط مع باقي المواد .. والماده دي مقرفه

فياريت احد يسااعدنا يا جماعة
والله مافي وقت
والدكاتره ما ترحم

فا اللي يعرف احد يقولنا
سلام

[dre]

والله حتنكب اول يوم

[مالك معاذ]

عيب يواد

انت مهندس ولا تظبط وضعك وترتب امورك واعمالك

منظر غير جميل ابدا انك تدور على شئ جاهز وتنسبه لنفسك قدام الدكتور

[adel2008.boy]

كل عام وانتم بخير
يقولو في واحد اسمه : يعقوب ,, سوداني له مكتبه في مجمع المكاتب اللي امام الكليه
وعلى فكره مكتبته اللي موجود فيها اسمها : "المركز العربي ... "
واتمنى للك التوفيق!! لكن اخوووي من افضل دكتور بيساااعد الطلاب في الدرجاات
ويسهل الماده ؟؟؟

وتقبلواتحيااتي

[dre]

مالك معاذ
ما اقدر اقولك غير شكرا على مرورك
لكن اسمحلي اقولك ادا منت فاهم الموضوع قل
خير وافيدني او اصمت ولا ترد على الموضوع

انا في الاجازه جدا منكوب .. منزل ساعات كتير
وورايا ترليون حاجه لازم اقدمها زقاعد اشتغل عليها
وطول عمري احل واقدم شغلي وبنفسي

لكن الماده اللكيعه دي مني فاضيلها
قدمت جميع الواجبات السابقه بنفسي
لكن هذا الواجب ما فهمتو عشان كدا حبيت احد
يفيدني ... يا ليت تفهم شويا الوضع
ولا تقعد تسويلي فيها التقي واحنا الفشله

ادا عارف نفسك ما تقدر تفيد
لا تدخل تسويلي فيها وتطلع

ويا ليت تعدل اسلوبك في الكلام
ولما اكون ولدك ولا صاحبك قولي يواد
اعوذو بالله بس

[dre]

الاخ عادل
انا كمان سمعت عنه
بس ما كنت اعرف مكانه
من جد يعطيك الف عافيه على الافاده
وراح اتاكد بنفسي

وبالنسبة لسؤالك
اعتقد انه الدكتور اللي انا عندو
لانو كل الناس تمدح فيه , اسمه ادا مني ملخبط حسن عبدالباري او عبدالباقي
طبعا دا بخصوص المستوى التاني .. المستوى الاول الدكتور القليطي

هادي الناس اللي تفهم

[adel2008.boy]

صباح الخير

اخوي اتمنى لك التوفيق في موادك كلها لكن ممكن الترم الجاي
انزل دي الماده فمحتاج منك مساعدة عن المادة :
اولا اسم دكتورك اللي تقولي انه ممتاز ؟؟ اتأكد الله يخليك من الاسم
ثانيا كيف المادة هل هي سهل تحصل فيها على A ؟؟
واخيرااا اتمنى لك التوفيق وانك تحصل على درجة كاملةفي المادة وانك تحصل على درجة
Exeed في واجبك !!

وتقبل تحيااتي