جامعتنا الموقرة

[nona-5]

السلام عليكم ورحمة الله وبركاته
حأتكلم بخصوص تفعيل بطاقة المكافئات بالنسبة للطالبات. في فرع الشرفية علقت الإدارة إعلان يوضح إنو تفعيل البطاقة حيكون في بنك سامبا في شارع الأمير سلطان ولمدة أسبوع واحد فقط . ولمن رحت فرع شارع الأمير سلطان الموظفة قالتلي الإدارة غلطت وكتبت إنو في شارع الأمير سلطان وطلع في حي المحمدية !!! رحت لفرع المحمدية وصلت 10:30 ولقيت الزحمة واصلة لبرا البنك دخلت وشوفت زحمة ماقد شوفت زيها في حياتي لدرجة إني ما قدرت أتحرك من مكاني البنات هما إللي كانوا يقدموني قدام ويرجعوني ورا وكل البنات كانوا نفس حالتي. والجو كان حر وكتمة ومن كتر الكتمة في بنت داخت . لمن مديرة الفرع شافت الزحمة الشديدة وإنو في بنت دايخه خافت وقالت ما نبغاكم تسببوا لنا وفيات في البنك وجلست تقول خلاص أرجعو بيوتكم السيستم قفل وما يستقبل أكترمن 200 رقم سري وفوق في 200 طالبه وما حأستقبل أكتر منهم . طبعا في بنات كتير سابو محاضراتهم وخرجوا وفي بنات جايين من مكة وفي بنات راحوا لأكترمن فرع ورموهم على فروع تانيه. وجلست المديرة تصرخ وتزعق بأعلى صوتها ولمن شافت إنو محد جالس بيخرج قالت أنا حأدخل السيكيورتي عشان يطردكم برا وفضلت تهدد بالسيكيورتي تلاته مرات . بعدها بدأو البنات يخرجو ويخفوا بس لسه كان باقي بنات مارضيو يطلعو فجلست تسكتهم وتقولهم روحو فرع الجامعة الرئيسي وفعلوها من هناك والتفعيل لمدة شهر لكن جونا طالبات وقالولنا إنهم راحو فرع الجامعة الرئيسي والفرع قلهم روحو للمحمدية . أنا جلست أستنى لمن 12 عشان أشوف الـ 200 طالبة إللي مجلستهم فوق وفي النهاية ما نزلو غير 10 طالبات بس . طبعا أنا طلعت بابا من دوامو وضيعت ساعتين تقريبا ع الفاضي وفي النهاية رجعت البيت. لكن في حاجه غريبه سارت . وحده من صديقاتي راحت بعدي وقالتلها الموظفة إنو في 500 طالبة جالسين يفعلولهم بطاقاتهم !!! صديقتي شافت بنت نازلة من فوق فسألتها قالتلها كم في طالبة فوق ؟؟ البنت قالتها محد فوق المكان فاضي !!!!!!!!!!!!
السؤال إيش مصلحة المديرة إنها تطردنا وتضيع علينا دوامنا وتكدب علينا وفي النهاية تقولنا إنهم ما اتوقعوا تجيهم أكتر من 200 طالبة ؟؟؟
بالله هادا كلام يدخل في عقل إنسان ؟يعني معقولة بنك كبير زي سامبا طاقتو الإستيعابية 200 طالبة فقط ؟
والأسوأ من هادا قلنا للمديرة خلينا نفعل البطاقة من أي فرع من فروع سامبا قالت بالحرف الواحد ممنوع النظام ما يسمح !!!!
إلى متى هادا التسيب والإهمال والفوضى واللامبالاة وتعطيل مصالح خلق ربي ؟؟؟؟؟؟؟؟

[Ms.fzfz]

.
.


يآششيخه خليها على ربك

الحين اللي جلست تصرخ بيضاء ؟!
لآن اليوم انا رحت فرع شارع الامير سسلطان والبنات زي الحجاج
وو جلسست وحده بس تصرخ وتهدد انه لو ما نجلس مارح تفعل لنا
وانو الي ما رح تجلس تروح بيتها ..
وفضلنا اكثر من ساعه كذذا فاضيين يصورون لنا البطايق
وتوزيع الارقام طبعا اللي جو متأخر اخذو الارقام الاولى وانلطعنا

وجلست الحرمه تصرخ مدري على ايش حارقه اعصصابها
يعني اللي ابغى افهمه هو بنك ابوها ولا راح تدفع لنا المكافات من جيبها ؟

انا دخلت 9 ونص خرجت 12 ونص ولسسى ملييان ~
وفوق هذذا والزحمه بس مشغلين كونتر وآحد وآلباقين جالسسين

جدهـ طول في عرض وبنات الجامعه بالاف مو مخلين غير فرع الجامعه وفرع شارع الامير سلطان

غبااء وتخللف


~

[رنيم الشوق]

عمر السعوديات مارح يكون عندهم ثقاافه وظيفيه

والله لو من قسم الرجال تخلصوا بكل سهوله ربي يكون في عونكم

اذا ح يبقوا ع دا الحال

[Th4m3r]

اما من قسم الرجال تخلصو بسهولة خخخخخ حلووووه

[طموح بيشو]

يؤيؤ ولو تشوفوو الزحمه اللي صااايره بالجااامعه

شي مو طبيعيي مررره
وتجيك الوحده ياحرام تاركه محاضراتها ووافقه طابور من 8ونص
ولما توصل دورها الساعه 12 يقولوون خلاص قفل
يااحرااااااام يحزنووووووون والله شي يقهررر

انا لسى مافعلتها مااعرف كيف افعل بالزحمه اللي صايره والله

^_^ الله يعيننا يار

[رنيم الشوق]

المشاركة الأصلية كتبت بواسطة tom tom اما من قسم الرجال تخلصو بسهولة خخخخخ حلووووه

هههههه البنات مو انتوا خخ

لاوالله بجد الرجال جدين بالعمل اكثررر من الحريم

انت لو تدخل مجتمع نسائي ويكون لك غرض تخلصه لتكره حيااتك وتعرف الفرق

يمكن بالنسبه لكم الرجال ماتشوفون السهوله اللي تخلصوا فيها لكن حنا البنات ح نشوف الفرق

وانا مجربه وشفت هذا الشي

[Ms.fzfz]

المشاركة الأصلية كتبت بواسطة رنيم الشوق هههههه البنات مو انتوا خخ لاوالله بجد الرجال جدين بالعمل اكثررر من الحريم انت لو تدخل مجتمع نسائي ويكون لك غرض تخلصه لتكره حيااتك وتعرف الفرق يمكن بالنسبه لكم الرجال ماتشوفون السهوله اللي تخلصوا فيها لكن حنا البنات ح نشوف الفرق وانا مجربه وشفت هذا الشي

وأنآ أششششششششششششهد ~
الرجآل يمشون بسرعه

[nona-5]

من جد تخلف وغباء . يعني فين دور الجامعة وتنسيقها مع بنك سامبا ؟؟؟؟
إنتو متخيلين إنو دحين بنات السليمانية+بنات الشرفية + بنات السلامة + بنات الفيصيلة كلهم حيروحو لفرع السليمانية عشان يفعلو البطاقات !!!!! بالله هادول كم 100 ألف طالبة ؟؟؟؟ والله لو جلسو شهرين ما تكفي .
ms.fzfz إيـــــــوة عليكي نور إللي كانت تصرخ بيضا وهي مديرة الفرع . والله قولنالها خلينا نفعلها من فروع الرجال طيب قالت لأ لأ لأ .

[nona-5]

يعني من جد حسستني إننا جايين نشحد من عندها ولا جايين ناخد من فلوسها !! المشكلة إنو نفس زحمة فرع المحمدية ضعفها في السليمانية يعني بالله متى نفعل بطاقاتنا ؟؟؟؟؟