كتابه 2 غريبه في شيء غلط انتوا مثلي ؟؟

[تاج عز]

السلام عليكم ورحمه الله .. الموضوع غريب بصراحه نزلت درجتي في الكتابه 2 الدكتور الفاظل قرامي وكنت ماتوقع لو مثلا بيعطيني مو أقل من 85 ولكن للاسف تفاجأت انه عطاني 62 . الموضوع غريب فيه احد مثلي الموضوع محتاج مراجعه مع الدكتور قرامي !!

[نص دافور]

الأسئلة النظرية 75 درجة
الكتابة 25 درجة

اقسم بالله حلي صح في 12 فقرة = 12 * 5 = 60 درجة

والكتابة كتبت براقراف ممكن يكون مو عاجبته الكتابة بحكم انه دكتور وانا طالب لكن اقل شي اعطيني 5 درجات او 10 في البراقراف

لأني كتبت براقراف من 6 أسطر ، واتعبت فيه الطريقة السليمة لكتابة البراقراف .

وأتفاجأ بدرجة 60

ماصحح الأوراق او هناك مشكلة

[خالد جميل]

انا عندي فقرتين خطا يعني طارت 10 درجات وفي التعبير عبيت الورقة ودرجتي 75 يعني اعطاني في التعبير 10من 25

[white rose]

وعليكم السلام ورحمة الله وبركاته

اخواني الكرام

اذا شاكين بدرجاتكم واجاباتكم في الاختبار يصير راجعو سكرتارية القسم واطلبو مراجعة اوراقكم مع الدكتور قرامي ووقتها راح تعرفون درجاتكم والنقاط اللي نقصتم عليها

الله ييسر لكم كل خير ويسخر لكم الدكتور :-)

[محمد مشعل]

الحمد لله على كل حال أنا حصلت على درجة مرضية وغير مرضية

غير مرضية بالنسبة للأسئلة السهلة إلى جات في الإختبار

ومرضية لأني أعرف أخطائي ومتوقع الدرجة قبل لا تنزل


على العموم الدكتور قرامي ماهو من النوع إلى ممكن يجازف بعدم التصحيح بالعكس دائما في صف الطالب ويساعد بالكثير

إذا فيه خلل في درجاتكم فإحتمال يكون من قسم الرصد يكونوا بدلوا نموذج الإجابات يعني صححوا نموذجكم على نموذج إجابات النموذج الثاني

وكثير تصير هالحركة


وكل واحد مو راضي عن درجته يكتب وش النموذج إلي إختبر عليه فإذا كانت النموذج واحد فأكيد يبان لكم الخطاء

[حسن الهاشمي]

كلام اخوي محمد صحيح
لان الاجابه في نفس ورقة الاختبار وعلى بالهم الاسئله موحده

[bahaer909]

أنا نفس الحكاية بالظبط .... طلعت وانا ادعيله وعلى بالي صايد الوعل بو قرنين وفالاخير ..جايب 68 ):

فيه إنَــا ياجماعة الخير ... انا اول واحد جاهز للذهاب للدكتور .. ممكن نتواصل عشان نروح سويــاً

[نص دافور]

بصراحه الدكتور قمه في الأخلاق ونحن لا نشك في أمانته ولكن استفسرت منه جزاه الله خير .

قال اللي ماكتب عن المطلوب بالضبط اللي هي السرعة أو ساهر يأخذ صفر في الكتابة .

خلاص معوضين خير ان شاء الله

[saadoony]

ما أنصحك بمراجعة درجاتك لكن بما أن الأسئلة بين يديك راجعها بنفسك وشف كم جبت على الرابط التالي نموذج (أ)

http://www.skaau.com/vb/showthread.php?t=708961

[saadoony]

هذي حلول الأسئلة بالمرفقات تمنياتي لك بالتوفيق