خبرة ترم واحد!!! .. (للمستجدين)

[Miku]

.
.
.


السلام عليكم

موضوع ثرثرة لطالبة أنهت اول مستوى بحماس وانقهرت صراحة ان القسم مافيه مواضيع تشجيعية !!
والأغلب ماشاءالله انتساب ويعجبوني صراحة جداً مجتهدين

نبدأ

كطالبة علم نفس مستوى رابع أصعب شيء مريت عليه اني مالقيت احد ينصحني ويوجهني

ممن حيث المذاكرة .. والتكاليف والقسم بشكل عام

انا دخلت القسم وانا حابته وعن رغبة جداً قوية وماهمني كلام الناس صراحةً

ومعروف قسمنا يصنف "للفاشلين" كلمة تقتل صراحة

المهم الموضوع راح يكون لكل طالب/ة مستوى ثالث (مستجدين) طبعاً للراغبين بالتميز واعلى الدرجات

لأن كل قسم مهما قالوا سهل ( وانا انخدعت بذا الشيء) راح تكون في صعوبة للي يبغى الدرجات العالية (الدوافير)

القسم يتطلب :

1- تخطيط وتنظيم
2- اجتهاد ومذاكرة أول بأول
3- ثقافة عامة
4- مشاركة مع الأساتذة

- التخطيط والتنظيم :
اتذكر سألتنا الدكتورة في أول محاضرة "ايش ناووين بعد البكالريوس" وطبعاً كل البنات كذا
للتخطيط والتنظيم اسأل نفسك كم سؤال في البداية :
1- ليش دخلت القسم؟
2- كيف اتميز في القسم؟
3- ايش بصير اذا تخرجت ؟
4- ايش طموحي وأولوياتي؟
طبعاً في النهاية كل واحد وأولوياته وطموحه مافي طموح غلط ولا أولويات غلط

الي اقصد بالتخطيط والتنظيم : تخطيط وتنظيم اثناء الدراسة , و تخطيط وتنظيم بعد الدراسة !

اثناء الدراسة :
اذا جاوبت على الأسئلة الي فوق راح تعرف تخطط وتنظم إن شاء الله
سواءً تخطيط للمواد : كم مادة في المستوى وكيف توزع المواد من حيث الصعوبة و السهولة !
وكيفية المذاكرة : أول بأول , او قبل الاختبارات
المذاكرة من مصادر غير الكتاب : زي الملخصات , ودفتر المحاضرات
تطوير نفسك في القسم : بالدورات والمؤتمرات والتطوع في المراكز و بأختيار أفضل الاساتذة وراح اتكلم في هذه الناحية
استغرب ان الكل يدور عن الاستاذ من طريقة اسئلته هي سهلة ولا صعبة!
المفروض طالب العلم اول شيء يبحث عنه هل الاستاذ بيفيدني ولا لا!
زي مثلاً دكتورة ليلي آل غالب .. الأغلب كان يخوفني منها واسئلتها صعبة وتكاليفها مادري كيف
لكن حقيقةً إنسانة رهيبة وغيرت فيني اشياء كثيرة في حياتي وفي دراستي وماانكر الكلام الي فوق عنها
لكن انا مايهمني إلا الاستفادة سواءً كانت الأسئلة صعبة أولا !

بعد الدراسة (البكالريوس اقصد) طبعاً هذه تكون محددة في الدراسة مو بعدها :
التخطيط : هل بتكمل ماجستير أو تبحث عن وظيفة!
طيب في اي فرع من فروع علم النفس تبغا!
مهني .. ارشاد .. اكلينكي .. جنائي


- إجتهاد ومذاكرة اول بأول :
في المجتمع الطلابي متى تعرف ان الواحد كذاب ! لما يقول (هذا الترم بذاكر أول بأول إن شاءالله) دعابة
القسم بالدرجة الاولى يعتمد على المذاكرة أول بأول وطبعا الدوافير المتكبرين مثلي اعترف كنت احسب اذاكر قبل الامتحان ب 5 ايام ممكن اجيب فل مارك
هو احتمال كبير اني اجيب فل مارك لكن ايش استفدت !! تعب وضغط و غير ان المعلومات ماراح تثبت !
وكطالبة مستوى رابع (يقالك خبرة ) أنصح اي مستجد يبدأ يحاول بالمذاكرة أول بأول
ونقطة ثانية الي هي :study group / المذاكرة الجماعية
مو شرط قروب كبير ممكن انت وصاحبك .. مرة ممتعة قبل الاختبار وتثبت المعلومات .. يعني تراجعوا اهم المعلومات مع بعض
مو اشياء تفصيلية لا كذا الاشياء المهمة
واخيراً التكاليف :
التكاليف وما ادراك مالتكاليف (بالنسبة لطالبات الانتظام .. مادري عن الباقي صراحة)
التكاليف في القسم شيء عالمي ممكن للمادة الوحدة 4 إلى 5 تكاليف و الصراحة كلها بسيطة ولكن يجيك كذا تكليف نذل
ويكون في وقت محدد للتسليم .. طبعاً الاذكياء أول مايعرف ان عنده تكليف يبدأ يشتغل عليه
وبالنسبة للبحوث لازم تعرف كذا شغلة :
1-لازم يكون له غلاف
2- مسودة ( الي هي شخابيطك قبل ماتكتب البحث الاساسي )
3- مصادر ومراجع اقل شيء 4 مراجع وبديهياً تكون كتب أو مواقع منظمات org
4- البحث يكتب بطريقة : مقدمة , عرض , خاتمة
5- طريقة الكتابة مو نسخ ولصق ياحبايب قلبي .. يكون تلخيص للمحتوى الي بتأخذه
وأكبر غلطة سويتها كتبت بحث من المعلومات الي عندي (من رأسي) .. المفروض المعلومات تكون تلخيص من مراجع علمية

- ثقافة عامة
غالبية الدكاترة راح يكونوا من النوع المثقف وممكن يجيك سؤال كذا شاطح خادع (في المحاضرة)
واللي لاحظت في المستوى الثالث رغم ان اخذنا مواد المستوى نفسه إلا ان البعض يقول اشياء تخصص عميقة مثلا : مكنزمات الدفاع !!
ولا يستخدموا مصطلحات تخصص
وعموماً الثقافة مطلوبة في كل التخصصات لكن تخصصنا مطلوب اكثر وبرضو مطلوب انك تقرأ كتب ومصادر خارجية عشان تعرف اكثر عن المادة
ولا التخصص بشكل عام
في كتابين مؤخراً قرأتهم الي هما :
كتاب حكايات نفسية للدكتور عادل صادق ( جداً جميل للي يبغى اكلينكي )
كتاب أشهر 50 خرافة في علم النفس ( في اشياء من جد كنت احسبها صح و دكاترة يقولونها !! )

- مشاركة مع الاساتذة
حقيقة هذا الجانب ما تغلبت عليه كلياً .. لكن بإذن الله أشارك واغثهم وياليت الي عنده خبرة يفيدنا
مع أني نشبة بعد الكلاس .. على طول على الدكتورة واسألها وجداً حاجة تفيد

عذاراً اذا كان في الموضوع اخطاء ومعليش على الكلام المخبط

وفي النهاية كن فخور بأنك طالب/ة علم نفس وساعدوا بعض

every psychologist must support any psychologist in any place of the world

[koko moon]

شكرا لكي اختنا الغالية ..

نصائح مفيده و ان شاء الله المستجدين ياخدوا بالهم منها ..

جزاك الله خير و جعله في ميزان حسناتك

[لميندا جده]

جزاكم الله خير

[C H E E R Y]

موضوع مرا جمييييل
وان شاء الله الكل يستفيد منو
مننننجد شئ مهم ي بنات تنظموا نفسكم من البداية
واستغلوا الفرصة إنكم لسه في البداية و ماتخرجتوا
في أشياء كثييييير راحت عليا وما إكتشفتها الا الآن للأسف
بعد ما خلاص ما باقي ليا شئ ع التخرج بإذن الله

الدورات مهمة مهمة مهمة مهمة
تطورك نفسياً و إجتماعياً ومعلوماتياً
تسمعي معلومات جديدة
تتغير في شخصيتك أشياء كثيييييرة
ولما تتخرجي بإذن الله وتقدمي ع وظيفة رأح يقبلوك ان شاء الله
لأنو حيشوفوا انو حضرتي دورات كثيرة
بس مهم تكون عندك معلومات عن الدورات لأنو رأح يسألوكِ عنها

بالنسبة للدورات
لا تروحي الدورة بس مجرد انو الأستاذة قالت لكي روحي لها
عشان بس تضمني درجة التكليف
والا بس عشان تكون عندك شهادة دورة ولما تقدمي للوظيفة يقبلوك ع طوووول
لا لازم كل ما تروحي دورة تشيلي معاكِ نوت صغير تكتبي فيه الأشياء اللي تنقال بالدورة
مهم عشان ما تنسيها
ولازم تكوني مستمعة ومنصته للمحاضرة عشان تستوعبي الكلام اللي ينقال
ولازم تطبقيه في حياتك
بكذا تكوني إستفدتي من الدورة


التطوع
مهم ورأح يخليكي جريئة و أكثر كفاءة
وتتعودي ع الشغل لما بكرا ان شاء الله تشتغلي

لازم تشتركوا في يوم الصحة العالمي للصحة النفسية و لكبار السن
والآشياء اللي بينظموها قسم علم النفس
لأنكم تأخذوا عليها شهادة
وزي ماقلت لكم لما تروحوا تتوظفوا ويشوفوا معاكم شهادات دورات و تطوع
شئ أكيد رأح يفضلوكم ع اللي بس عندها شهادة بكالوريوس بدون دورات ولا تطوع

وبالتوفيق للجميع ياااارب
الله يسهلكم دربكم

[Miku]

المشاركة الأصلية كتبت بواسطة koko moon شكرا لكي اختنا الغالية .. نصائح مفيده و ان شاء الله المستجدين ياخدوا بالهم منها .. جزاك الله خير و جعله في ميزان حسناتك

العفوو وجزاكي

المشاركة الأصلية كتبت بواسطة لميندا جده جزاكم الله خير

وجزاكي

المشاركة الأصلية كتبت بواسطة c h e e r y موضوع مرا جمييييل وان شاء الله الكل يستفيد منو مننننجد شئ مهم ي بنات تنظموا نفسكم من البداية واستغلوا الفرصة إنكم لسه في البداية و ماتخرجتوا في أشياء كثييييير راحت عليا وما إكتشفتها الا الآن للأسف بعد ما خلاص ما باقي ليا شئ ع التخرج بإذن الله الدورات مهمة مهمة مهمة مهمة تطورك نفسياً و إجتماعياً ومعلوماتياً تسمعي معلومات جديدة تتغير في شخصيتك أشياء كثيييييرة ولما تتخرجي بإذن الله وتقدمي ع وظيفة رأح يقبلوك ان شاء الله لأنو حيشوفوا انو حضرتي دورات كثيرة بس مهم تكون عندك معلومات عن الدورات لأنو رأح يسألوكِ عنها بالنسبة للدورات لا تروحي الدورة بس مجرد انو الأستاذة قالت لكي روحي لها عشان بس تضمني درجة التكليف والا بس عشان تكون عندك شهادة دورة ولما تقدمي للوظيفة يقبلوك ع طوووول لا لازم كل ما تروحي دورة تشيلي معاكِ نوت صغير تكتبي فيه الأشياء اللي تنقال بالدورة مهم عشان ما تنسيها ولازم تكوني مستمعة ومنصته للمحاضرة عشان تستوعبي الكلام اللي ينقال ولازم تطبقيه في حياتك بكذا تكوني إستفدتي من الدورة التطوع مهم ورأح يخليكي جريئة و أكثر كفاءة وتتعودي ع الشغل لما بكرا ان شاء الله تشتغلي لازم تشتركوا في يوم الصحة العالمي للصحة النفسية و لكبار السن والآشياء اللي بينظموها قسم علم النفس لأنكم تأخذوا عليها شهادة وزي ماقلت لكم لما تروحوا تتوظفوا ويشوفوا معاكم شهادات دورات و تطوع شئ أكيد رأح يفضلوكم ع اللي بس عندها شهادة بكالوريوس بدون دورات ولا تطوع وبالتوفيق للجميع ياااارب الله يسهلكم دربكم

من جد الدورات تفيد جداً حتى لو ساعاتها قليلة
يوم الصحة الترم الي فات صراحة كان فوضى

ششكراً على إضافتك انبسسطت بها