إستفسار بخصوص مادة بالجدول (lane 214)

[Raed_999]

السلام عليكم ورحمة الله وبركاته

شباب تذكرون بعض المواد اللي صار فيها لخبطة بالرصد dn
ومن ضمن هالمواد المادة اللي أشرت لها بالعنوان,
السالفة وما فيها يالطيبين إني سددت اليوم,
دخلت أبضبط جدولي ولا هالمادة مسنترة بالجدول,
برغم إنهم عدلوا الدرجة بس تفاجأت إنها نازلة بالجدول,
قمت حذفتها الله لا يردها
سؤالي .. شلون رح يكون وضعها؟
لازم أراسلهم يعني لأن الظاهر لي إنها محسوبة كمادة راسب فيها ولا لا؟
ولا وش السواة برأيكم؟

[المسعودي الهذلي]

مادام عدلوا لك الدرجه ونجحت ,, لاعاد تشيل همها

احذفها ونزل جدولك وكبر دماغك

[Raed_999]

طيّرتها وجيت أبضيف المواد يالحبيب ما أنضافت معي إلا مقدمة في اللغويات,
والبقية ما غير خطأ خطأ حسبي الله على أديوسهم ذا اللي مغلبنا ومتعبنا ومطفشنا ههههه
صرنا نضحك كذا من زود القهر .. الله المستعان بس.
يعطيك العافية أخوي ما قصرت الله يبارك فيك.

[nour al3mr]

و عليكم السلام و رحمة الله و بركـآته

الأودس القديم كان في رحمة و نشتكي منه لما جاء الجديد عرفنا قيمة القديم ~> قديمك نديمك

إن قدرت تروح للشؤون التعليمية فبيضيفوها لك مباشـرة بإذن لله أو أحد الزملاء الكرام اللي يقدر يروح و يضيفها يكسب ثوآب فيكم و الله يوفقكم

[Raed_999]

بالنسبة لحذف مادة سهل الموضوع,
وهذا اللي صار معي بالمادة حذفتها,
بس من شوي كنت أشيّك عالمواد المتبقية من الخطة الدراسية,
وتفاجأت إنها موجودة! هذا وش يدل عليه؟
هل هو خطأ بالنظام ما صار له أبديت ولا وش السالفة بالضبط؟

[nour al3mr]

هذهـ الأيقونة فيها تخريف من الطراز الأول
فالمهم أنه المواد اللي موجودة بالسجل الشامل و اللي مرصود مقابلها درجتك أنك نجحت تعتبر المواد اللي انتهيت منها
و بقية المواد هي اللي عليك تدرسها لحين تخرجك بإذن لله
و الله يفتح عليك و يوفقك

[المسعودي الهذلي]

اخوي مالك الا تروح الجامعه ولا تشوف لك واحد من اهل جده

لأن الاودس هذا مهذري والجامعه بيني وبينك كلها مخبطه ..

الله يعينك ويسهل امرك

[Raed_999]

الأخت الكريمة نور والأخ الحبيب المسعودي,
جزاكم الله خير وبارك الله فيكم,
أسأل الله لنا ولكم العون والسداد والتوفيق,
والله يعينا على هالجامعة ونتخرج منها على خير بإذنه عزّ وجل.

[المحزوون]

المواد المتبقية لا احد يعبرها ماعندها سالفة .. انا كنت في جده قبل فتره ومريت الجامعة علشان اعدل المواد المتبقية لانهم راصدين درجة مناهج البحث مكان مقدمة في الترجمة في البرينت حق الساعات المتبقية ومطيرين مادة الراي العام ويقولون باقي عندك مادة حره ما اخذتها وانا منهي المواد الحره .. وشرحت للموظف قال لا انت مجتاز الترجمة وباقي مناهج البحث .. قلت ياخوي انت الي تدرس ولا انا ؟ .. قال هذا الي مبين عندي وباقي لك مادة حره .. قلت هو تخريف من النظام وجاي اعدله من عندكم الحين .. قال لا ابدا هذا هو الي باقي عليك والنظام سليم .. قلت يارجال المخرفين واجد مهب النظام وبس

وسالت موظف ثاني قال اكثر الطلاب كذا بس اذا تخرجت وجيت تستلم وثيقتك يعدلون لك كل شي ويضبطونه وانت واقف لاتشيل هم ..

المطلوب انك تتاكد من الخطه وانك انهيت فعلا جميع المواد المطلوبة ولا عليك منهم ومن اوديسهم ..

اسف على الاطالة ..

تحياتي ..

[Raed_999]

ههههه الله يسعدك ويبارك فيك ويوفقك لكل خير,
الله يعين بس على هالأديوس وهالجامعة كلها على بعضها!