مقدمة الحوسبة ما رضيت تضاف لي في الجدول

[أميرة بكلمتي ,,,]

السلام عليكم ..
زي مو في الموضوع الجدول اضاف جميع المواد باستثناء مقدمة الحوسبة ما تطلع لي الشعب فيها
ايش السبب في هذا ؟؟
هل معناه ان الشعب امتلئت ؟؟
واذا الجواب نعم .. ايش الحل اكمل الترم بدونها او بيوسعو الشعب؟؟


سؤال ثاني >>>تحس انها زودتها حبتين

ابغى اعدل اوقات الشعب كيييييييييييييف؟؟ اذا طلع تعارض ايش اعمل

طلعت لي اوقات كثيرة لكل مادة ايش معناها ؟؟ اختار الي يناسبني منها واطنش الباقي ؟؟
وهل لازم التزم بالاوقات نفسها؟؟





ارجو الاجاااااابة ولكـــــــــــــــــــــــــــــــــــــــــــــم جزيل امتناني
,,, أميــــــــــــــــــرة ,,,

[ღPink Angelღ]

/
/

موبس الحوسبه قلبو ~

حتى الاحتمالات~

شيكي عالشعب حقت الحوسبه إذا تعبت فيوم السبت إن شاء الله

اطلبي من المشرفه وان شاء الله يوسعو الشعب

/
/

بالنسبه للسؤال التاني أنا برضوه ~

عندي ماده وحابه أغير شعبتها وخايفها أحذفها وماترجع تاني ~

/
/


بانتظار من يفيدنا ~


ودي لروحكـــ

[][صمت البوح][]

انا عندي البرمجه
ما هي راضيه تنضاف مع انها فاضيه ومافي تعارض
مدري وش سالفتهم

اما عن الحذف انا حذفت وعدلت اكثر من مره
بس بقى لي البرمجه بشوفهم السبت

بس وين مشرفة دفعتنا؟؟ كيف اعرفها؟؟
ياليت اللي يعرف يجاوبني

[RIY@D]

البرمجة والحوسبة واساليب الكتابة العلمية غصبا عنهم يضيفولكم هيا عشان محى يخصصوكم بدون دي المواد روحولهم في الكلية

[ٌRoSe]

انا كان عندي (stat 210 ) مو راضية تنضاف
عشان الشُعب كلها كانت متعارضة مع جدولي..
بس بعد ما حذفت واضفت وخبصت ابو الجدول
نزلتلي شُعبة مو متعارضة
والحمد الله اضفتها .. ورجعت عدلت الجدول من اول وجديد..
فتاكدي اذا كان في تعارض << واذا حاسة انك حتنحولي زي فعدليها عند المشرفة..
.
.
واذا تبغي تعدلي اوقات الشُعب لازم تحذفي المادة بعدين تختاري الشعبة الي تبغيها
*بس تاكدي انها ما قفلت – اذا كانت حمرا معناتها خلاص قفلت-

والاوقات ايوه اختاري الوقت الي يناسبك وهو الي حيتثبت في الجدول ..

وبالتوفيق ..

[ღPink Angelღ]

/
/

روز قلبو

أنا كانت عندي الاساليب معارضه للستات فرحت وحذفتها وعدلتها من جديد

بس مانفتح لي شعب لستات يعني كأني ماسويت شي

وذحين ولا شعبه جاي تمام في جدولي

[أميرة بكلمتي ,,,]

>>>كيف اعرف اذا حمراء او لسى زرقاااء؟؟؟؟؟؟؟
من اي ايقووونة؟؟



سؤال ثااني
اقدر اعدل شعبة الثقافة بمعتى احذفها وارجع اضيفها ؟؟لأنو طلع تعارض بينها وبين البرمجة
اذا لا ,, يصير اعدل في البرمجة صح كذا؟؟؟

[أميرة بكلمتي ,,,]

\\
\\
ايوا صح ايش هذا .s. وايش هذا ....s. ؟؟
>>>>>>>>>انحولت واثر ع قدرات التمييز

[ٌRoSe]

من قائمة الشُعب الدراسية ..
تُحطي رمز المادة والسنة والفصل وتتطلعلك الشُعب
بس تاكدي من رقم المادة .. زي مثلاً cpit عندنا 201 وَ 221 حتلاقيهم في قائمة وحدة ..

اقدر اعدل شعبة الثقافة بمعتى احذفها وارجع اضيفها ؟؟لأنو طلع تعارض بينها وبين البرمجة اذا لا ,, يصير اعدل في البرمجة صح كذا؟؟؟

ايوه تقدري تحذفي الثقافة أو البرمجة مافي فرق..

[ٌRoSe]

المشاركة الأصلية كتبت بواسطة ღpink angelღ / / روز قلبو أنا كانت عندي الاساليب معارضه للستات فرحت وحذفتها وعدلتها من جديد بس مانفتح لي شعب لستات يعني كأني ماسويت شي وذحين ولا شعبه جاي تمام في جدولي

امم طيب يمكن في شي ثاني معارض << ترى الاوقات مرة تِحول وتلخبط

شوفي اذا ماتعدل معاكِ روحي عند المشرفة يوم السبت وان شاء الله تنحل العقدة ..


طيب تقدري تُحطي جدولك .. عشان اشوفو..