كيف تقوم بعمل الفيديو البسيط؟؟ - جديد نادي الحاسب الآلي

[maleek]

هلا بالشباب معليش على التأخير بس هادي آخر الأخبار اللي عندي

الدورة حقت الشبكات في موعدها وان شا الله راح تشوفو اعلاناتها مع دورة الفيديو

دورة الفيديو سارت يوم واحد فقط يوم الثلاثاء القادم وراح تكون الدورة بسيطه جدا وسهله ومحور الدورة عن أنو كيف ممكن لكل شخص أنو يسوي مونتاج لفيديو بسيط ويضيف بعض الامور الرائعة وكيف ممكن ينزل الفيديو على النت من خلال اليوتيوب او ما شابهه من المواقع الدورة حتكون ثلاث ساعات بينها بريك

وفي فكرة انو نسوي بعد الدورة مسابقة افضل فيديو وعليها جوائز قيمة ان شا الله

وعلى فكرة البرنامج اللي راح اشرح عليه اسمو اليوليد الأصدار الأخير

تحياتي للجميع
أنس

[عاشق البرمجة]

شكرا انس..

من إبداع إلى إبداع يا نادي الحاسبات

[أحمد المبدع]

أنس الساعه كم دورة الفيديو يوم الثلاثاء ؟

لأني ناوي احضر الدورة لأني من زمان نفسي اتعلم اليوليد

وكيف اقدر اسجل اسمي ؟ ووين ؟

ومشكوووووور

[دوللا]

بسم الله الرحمن الرحيم
انا كنت بسألكم اذا فيه احد عنده خبره في برنامج اليس "إلي بيعمل العاب "وبيستخدم برنامج الjava
ويرد عليه ضروري الله يخليكم

[أحمد المبدع]

الدورة كانت رائعة جدا ويشكروا الاخوان على الدورة بس بصراحة الدورة تستاهل حضور اكثر من كذا

واتشرفنا اليوم بمعرفة الاخ ماليك " أنس " وانسان جدا جدا رااائع

بس هو شكله ما يحب يطلع في الأماكن العامة
نبغاك يا انس تشاركنا في المنتدى ونشوف ابداعاتك مسطره في صفحات المنتدى

وكمان ما ننسى الاخ feel بالانجليزي
انسان جدا رائع

بس مني عارف كيف قدر يستحمل الشخير الي كان مجنبه
<<< ماحد حيفهمني الا هوا

وفعلا انا استمتعت بالدورة وان شاء الله الدورات الجاية اكون حاضرها معاكم

ومشكورين