سؤال مهم بخصوص مادة مباديء الإدارة العامة

[Pationate Bo0osha]

السلام عليكم ورحمة الله وبركاته,

يا بناااات الله يرضى عليكم.......كنت أبغى أسألكم بخصوص مادة مبادئ الإدارة العامة ,

هل حضور محاضرات هذه المادة ضروري؟ أقصد هل لازم أحضر كللل المحااضرااات حقته ؟

وللى ممكن يكفيني محاضرتين أو ثلاث أحضرها؟ لأنه والله موعدها عندي مرة متأخرة ! وأنا عندي مشكلة في الرجوع المتأخر والله

فالله يخليكم إللي أخذت هذه المادة ما تبخل علي بمعلوماتها ...أي شيء تقدر تفيدني فيه يا ليت الله يرضى عليكم

يعني أنا قلت ممكن أحضر محاضرتين ...منها أعرف أستاذتي وإسم الكتاب وإمكن أعرف إيش إللي معانا من إللي مش معانا! فهل هذه فكرة سديد؟

عموما.....أرجوكم ساعدوني بنصايحكم للي أخذوا المادة...أسهبوا قد ما تقدروا في المعلومات وكلي أذان صاغية...

وشكرا.

[m!ss nada]

وعليكم السلام ورحمة الله وبركاتو

ياعزيزتي انا الترم الي فات اخدتها وماحضرت محاضرة وحدة
ولمن حضرت الي بعدها حسيت نفسي مرا متلخبطة وتايهه
واتعقدت منها وحدفتها مع اني كنت مع الدكتورة رجاء الشريف جدااااااااااااااَ ممتازة

دا بالنسبة ليا
امكن بنات لهم وجهه نظر مختلفة عني

والله يوفقك يارب ويكتبلك الي فية الخير والصالح لكي

[أنيــس]

بالنسبة للطلاب كانت المادة واضحة والأسئلة اختيارات وصح وخطأ 75 فقرة , وطلاب كلية الإدارة كان 100 فقرة

ولايوجد صعوبة سوى كتاب كبير نوعا ما يحتوي على الكثير من التعاريف والمطلوب من دارسيها توفير وقت ممتاز للمذاكرة بالإضافة إلا أن هناك دروس غير مطلوبة لطلاب كلية الآداب ( هذه تجربتي ) وأكثر الطلاب هنا درسوا هذه المادة ممكن يفدون أكثر

[i still feel ya]

انــــا كمان نفس البروبلمزززز حدا يفيدنا يا بنات

[حنين الود]

بالطبع يختلف الأنتظام عن الإنتساب بس كل الي حابه اقولوا اهم حاجه تعرفوا الي داخل معاكم والي محذوف اهم حاجه عشان تركزوا في الحفظ هيا الماده فيها فهم وتركيز وحفظ بس صدقوني حتجيبوا درجات اكتر من عاليه لو اعطيتوها شويتين وقت واهم حاجه الأسئله لسيميترات الي قبل لازم تاخدوا فكره عن الاختبار وطريقه الاسئله .. بنت خالتي درست الماده قبل 3 سنين ومتزوجه وعندها بنوتات زي القمر جابت فيها درجه احسن مني انا الأنتظام لاتخافوا ولاتهملوا الماده وتستسهلوا فيها اعطوها 4 ساعات واضمنلكم تخلصوها وتنجحوا بتفوق ان شاء الله تعالى والله يوفقكم
بالنسبه للحضور احضروا او شوفوا احد بيحضر من المنتدى يساعدكم ويعطيكم ملخص للمحاضرات ويارب تلقوا ..

[Pationate Bo0osha]

جزاكم الله خير جميعا على ردودكم......
أعزائي سؤال ثاني....هل أستاذات المادة عادة يعطوا خطة المادة الدراسية إللي توضح المطالبين بيه من المحذوف؟
عشان لو كدة حيكون أفضل يعني إن شاء الله

[توتة03]

المشاركة الأصلية كتبت بواسطة Pationate Bo0osha جزاكم الله خير جميعا على ردودكم...... أعزائي سؤال ثاني....هل أستاذات المادة عادة يعطوا خطة المادة الدراسية إللي توضح المطالبين بيه من المحذوف؟ عشان لو كدة حيكون أفضل يعني إن شاء الله

طبعا

[روابي نجد]

مشكورين على الافادة
كنت شايله همها

[nonohoney]

طيب ممكن اسال من فين اشتريتو الكتاب انا ما لقيتو في جرير ؟ فين ممكن القاه ؟وايش الي معاناوايش المحذوف

[توت نونو]

يااخت نونوهني انا لقيته في دار حافظ وفي خوارزم وحتى في في فرع خوارزم اللي في الجامعه مبنى 12