شُعــــرائنا..}}~قَصَائدهم ..قِصَصهُم ..أمْسِياتهم ..كلُ مَا يَخصَّهم تَجِده هُنَـا..

[al-nido0o0]

من أغاني ذكرى

يا حبيبي وينـــك انت و وين انا
يا حبيبي رحت عني و ضعت انا
حتى عن نفـسي انا
وينك انت ... وين انا


يا حبيبي .. كـــــــل شي فيني اختـــــــــلف
اللي يدري .. و اللي مــــــا يــــــــدري عرف
و اللي كان يقول ما في حب .. بالحب اعترف

انطـــــــفت فيني الامـــــــاني و الشباب
عــــــود محني مال مع ريــــــــح الغياب
و آه لو يسمع صداها طفل .. و الله شـاب


يا حبيبي ليت كـــــــــــل من راح ... راح
خذ معاه الشـــــوق ريح و اســـــــــتراح
ما ترك غيره يهده الهم .. و تبنيه الجراح

[جامعي الرياض]

كل ما بغيت أكشف على الناس جرحي
..........................ذكرت بإن الناس ما عادوا الناس !

فـ عيونهم حزني تساوى .. وفرحي
......................وفـ قلوبهم .. جفّ الأمل وأورق الياس !

قمت أشعر إني ذنب .. ما جاز دمحي
........................أو جرح ما تشفيه .. طيّب ولا باس !

لو ما فـ ذبحي كفر .. حلّلت ذبحي
........................بيديّ ، ولا بيدين ضيقة .. وهوجاس !

ياما فـ حضن الليل .. راودت صبحي
........................والصبح دونه باب .. وعيون حرّاس !

وياما فـ وجه ابليس .. هزّيت رمحي
....................وقام يتساقط من سما الصدر .. وسواس !

أسست بالطيبة مع الناس .. صرحي
....................وإن طاح .. كل اللوم يرمى على الساس!

اضحك على اللي زينته .. زيف قبحي
.................وآبكي على اللي عيشته .. موت الإحساس !

وأعقد مع صدور المعادين .. صلحي
...........................وصدري يحاسبني على قلّ الأنفاس!

وأكتب وفا .. وكفوف الأيام تمحي
...........................وأزرع قفاري حبّ .. لكن ما تنداس !

واذا تسنبل ساعة الحصد .. قمحي
............................ميّل مثل قلبي ليا هبّ .. نسناس !

جفّ الكلام ، وسال في صمت جرحي
..........................واللي بقى في خاطر البوح .. للناس !

خسارتي بعض المخاليق .. ربحي
.......................والربح من بعض المخاليق .. الإفلاس !*

[جامعي الرياض]

.
وجهك المنفي على أوراقك تعـب
صمتك المبحـوح لا عز الكـلام
.
ليتني مـا قلت لك طـاح الحطب
لاجل يبقى عذر لا احتجت الملام
.
الكتـابة حـلـم و الواقع صعب
ودي أكتب شي في صدري و أنام
.
من زمـان الغصن يملاني العتب
لين ما باقي غصون و لا حمـام
.
يا عروق الريـح حنجرتي قصب
نـاي الأيام و مواويل الظـلام
.
ودي أكتب بعض حزني ما انكتب
إن لقيت الحزن ضيّعت الكلام

[al-nido0o0]

الصوت الجريح


ودعتها والشوق بيني وبينها بحور
ودعتها رغم خوفي والوله مجبور
الحزن في ايدها بيأس يشدني
وكل درب عنها بعيد يصدني
مدري المحبه ضيعتني
ولا انا ضيعتها

ما حكت والحزن بيني وبينها
في صمتها تضيع ادور وينها
فجأه اختفى كل الكلام
وتاهت حروفي بالظلام
كل الاماني وقتها
ردت لقلبي اشتقتها
مدري المحبه ضيعتني
ولا انا ضيعتها

لو سنين عمري تضيع والزهور تنسى الربيع
ما انساها ابد
لو يصير الشوق دمي او سواد الليل همي
ما ادور احد
ويش ادور بعدها لو نساني وعدها
مدري المحبه ضيعتني
والا أنا ضيعتها

[جامعي الرياض]

ماعرفـْـتي
كلَّ ما فيروز غنت للصباح
وانا ماشي للجراح
جيتي إنتي في الأغاني
تشعلين الحزْن ثاني
وْترحلي مثل السنين !!
وْترحل افـْـراحي معاك
كنت ألوَّح .. مثـْـل طفل ٍ راحت أمَّـه للغياب
وْظل َّمتـْـسمَّـر عـلى الـْباب وْنسى ... تلويحته للريح
جفَّ عمره وصارت سْنينه تطيح !
ظـَـلَّ شارد
تحـْـت ظلَّ الحزْن يقـْـراك بْـكفوفه للنجوم
وْمارجعـتي
وْظلَّ يقـْـراك بـْعيون الحالمين .. وْمارجعتي
لين وصـَّــله الضياع إلى الذنوب
وْصار متبلـَّـد شعور
وْراح لل ...
وْراح لل ...
وْماتذكــَّــر
غير وجْهك
يصحى في عينه وْينام
هذي إنـْـتي بـْـليل مطرح
تعبرين الذاكره بين الزحام
آآآه مدري
من حذفـْـك بـْسكتي حلم وْيمام
صدقيني
وانتي تدري
لاجديد
لاجديد
من تركتي الحلم بيدين السنين !!
لاتروحي
ليل مطرح يسأل الليله عليك ..

[جامعي الرياض]

المشاركة الأصلية كتبت بواسطة al-nido0o0 الصوت الجريح ودعتها والشوق بيني وبينها بحور ودعتها رغم خوفي والوله مجبور الحزن في ايدها بيأس يشدني وكل درب عنها بعيد يصدني مدري المحبه ضيعتني ولا انا ضيعتها ما حكت والحزن بيني وبينها في صمتها تضيع ادور وينها فجأه اختفى كل الكلام وتاهت حروفي بالظلام كل الاماني وقتها ردت لقلبي اشتقتها مدري المحبه ضيعتني ولا انا ضيعتها لو سنين عمري تضيع والزهور تنسى الربيع ما انساها ابد لو يصير الشوق دمي او سواد الليل همي ما ادور احد ويش ادور بعدها لو نساني وعدها مدري المحبه ضيعتني والا أنا ضيعتها

:


غني .. بالصوت الجريح ..
سلم الذوق

[al-nido0o0]

سعود بن عبدالله
يا حبني لك
ودني لك أو تعال و جيبني لك
صاحبي يا حبني لك
اجلس و خل الأماني
تبتديك و تنتهي لك
ماللنجوم اوطان دام السما عيونك
بعثرت هالتحنان بلقاك و بدونك
بسمتك من هو قراها
و ضحتك من هو كتبها
ما تعرف من السوالف عشقها و الا عتبها
المسا اللي ملاه الشوق ما اسمه مسا
يمكن اسمه عمري اللي ضاع فيك
و الا اسمه الف ضحكه تحتريك
و الا اسمه قلب عاشق دايم يسمي عليك
و انت غايب كنت حاضر في النواظر
في سوالف هالغرام و هالخواطر
ياللي دايم فيني حاضر ما تغيب
ما تكفي يا حبيبي لين قلت انك حبيب

[al-nido0o0]

ناصر آل خليفه

ياللي على البال تطري وانت ما تدري
وش ذنبه الي يحبك وانت خليته
وش ذنب قلبن رسملك حبه العذري
وش ذنب دمع على طاريك هليته
لو كان عمري في يديني فدوتك عمري
لاكن عمري بيدين الي ترجيته
انه يرد الزمان الي على خبري
واعيش ليلك وحلم كم تمنيته
يوم ان قلبك بصدري وانته في صدري
طيفن سكن بالحشا واثري الحشا بيته
للأيام تجري وعمري بالشقا يجري
حتى الشقا منك رافقته وحبيته
اصبر على حالتي ويملني صبري
واعيش في لوعتي واقول ياليته
والليل في ناظري يا صاحبي يسري
والشعر لجل الهوى جبته وغنيته
واذا تكلم عذولي قلت له عذري
ان الهوى يذبح العاشق وانا جيته
ولا انته ماتدري انك كل ماتطري
يصيح بين الحنايا شي خليته

[al-nido0o0]

البدر
تصدق الأحلام ..
إنتي اللي بـ حيا لك عمر ..
وانتي اللي بـ سهر لك وانام ..
حبيني بس .. خليني احس ..
إن الهوى ما هو كلام ..
وإن الألم .. ماهو كلام ..

أضحك وحيد .. وابكي وحيد ..
انتي اللي فـ الدنيا معي ..
وانتي البعيد ..
يا نجومها .. والله بعيده نجومها ..
يا همومها .. وش كثر أحب همومها ..
ما هو ضياع .. احساسي لك .. ما هو خداع
الشمس انتي .. والشعاع ..
قلبي انا .. انا كلي لك انا ..
أنا قلبي لك انا ..
وماهو سؤال الحب .. والقى له اجابه ..
غالي عذاب الحب .. لو كنتي عذابه ..
حبيني بس .. خليني احس ..
إن الهوى .. ما هو كلام ..
وإن الألم .. ماهو كلام ..

[al-nido0o0]

البدررررررررررررر


اسقني حب .. أو إسقني فرقا
إن صبرت الشقا .. أو هجرت أشقى ..
العمر يمضي .. والجروح تبقى ..
اختر الحل الصعب .. يا تفارق يا تحب ..

لا تردد في غرامي .. ابتسامي دمع ..
وسكوتي كلامي ..
افتح يدينك .. لـ شمسي ولـ هبوبي ..
كحل عيونك .. بدمعي وبـ شحوبي
واعشق الهم اللي فيني ..
هذا إن كانك تبيني ..
اختر الحل الصعب .. يا تفارق يا تحب ..

لا تحدد لي مراحل .. يا تجيني حب ..
يا تودعني راحل ..
هذي ورده للهوى .. وهذي جروحك
عطني روحي سيدي .. أو خذها روحك
وش بقى ضاعت سنيني .. يا بعد قلبي وعيني ..
اختر الحل الصعب .. يا تفارق يا تحب ..