استفسار عن الكلية

[جوهرة المطيري]

السلام علكم ورحمة الله وبركاته
انا طالبة دوبي خلصت التحضيري والحمدلله اتسكنت في كلية الادارة والاقتصاد
بس انا مع عارفه ولاشي عن الكلية او التخصصات او الدراسة وعندي عدة اسئلة
اتمنى تجاوبوا
1-ايش التخصصات المتاحة لطالبات العلمي ؟
2-هل لازم ادرس ترم عام ولا على طول اختار التخصص؟
3-ايش هيا الخطة الدراسية للكلية ادارة واقتصاد؟
4- ايش افضل التخصصات من وجهة نظرك ؟
5-هل الجدول ينزل من الكلية ؟
ياليت لو عندكم اي معلومه تقولوا لي خصوصا انكم جربتوا وتخصصتوا ماشاء الله
اتمنى تساعدوني وشكرا

[miss colour]

المشاركة الأصلية كتبت بواسطة جوهرة المطيري السلام علكم ورحمة الله وبركاته انا طالبة دوبي خلصت التحضيري والحمدلله اتسكنت في كلية الادارة والاقتصاد مبروك حبيبتي .. نورتي الكلية بس انا مع عارفه ولاشي عن الكلية او التخصصات او الدراسة وعندي عدة اسئلة اتمنى تجاوبوا 1-ايش التخصصات المتاحة لطالبات العلمي ؟ التخصصات المتاحه : 1) برنامج بكالوريوس الأعمال: ( إدارة الأعمال - التمويل - نظم المعلومات الإدارية - الموارد البشرية - التسويق - المحاسبة ) و فكرة دا البرنامج تدرسي سنه و نصف تآخذي فيها كل المواد اللي تساعدك على إنك تدركِ التخصصات و الإدارة 2) تخصص منفصل إدارة المستشفيات .. على طول تخصص 2-هل لازم ادرس ترم عام ولا على طول اختار التخصص؟ في حالتين و لسا ممكن يطبقونها و ممكن لآ .. لأن اتطبقت لمجموعة طالبات و البقية لآ .. الحالة الأولى تختارين التخصص من البداية بس ما تقدري تآخذي مواد التخصص إلا بعد المستوى الخامس ( يعني تدرسي سنه و نصف ) و الحالة الثانية تبقى مستجد أعمال و تتخصصي بعد المستوى الخامس .. يعني في الحالتين محا تتخصصي على طول .. و بالعكس التخصص بعد المستوى الخامس يديك فرصة تكتشفي التخصصات و إيش يناسبك و إيش تحبي و تختلطي ببنات الكلية و تعرفي عن كل تخصص. . 3-ايش هيا الخطة الدراسية للكلية ادارة واقتصاد؟ و هنا تلآقي مواد الخطة الدراسية اللي لآزم تدرسيها في السنه و النصف http://www.skaau.com/vb/showthread.php?t=671563 * ملاحظة : بعد المستوى الخامس / حتآخذي مواد عامة مشتركة بين التخصصات بالإضافة لمواد تخصصك 4- ايش افضل التخصصات من وجهة نظرك ؟ مافي تخصص أفضل و تخصص لآ .. لأن هذا يعتمد عليك إنتي إيش تحبي إيش ممكن تقدري عليه .. و و و إلخ .. و حتحددي زي ما قلتلك بعد ما تجربي و تستفسري .. 5-هل الجدول ينزل من الكلية ؟ لا الجدول ما ينزل من الكلية .. حتفتحي الأودس و تنزلي المواد أول ما يفتح عندك .. جربي الآن يمكن تقدري و يمكن يفتحوه لكم بعدين .. و إذا ما قدرتي نهائي و ما عرفتي أسألي و حنساعدك إن شاء الله .. حتى لو أحد شرحلك و ما قدرتي تسويه .. حتروحي بداية الترم اللي هو تاريخ 5 \ 11 لكلية الإقتصاد و الإدارة مبنى 2 و هناك حيوجهوك .. إن شاء الله السنة الجاية يكون فيه إرشاد كمان .. تلاقي طالبات و أستاذات يوجهوك و يعطوك فكرة أكثر عن القسم و عن المواد .. ياليت لو عندكم اي معلومه تقولوا لي خصوصا انكم جربتوا وتخصصتوا ماشاء الله اتمنى تساعدوني وشكرا

يارب تنبسطي و تكون أجمل أيام حياتك . .

الله يوفقكم و ييسرلكم كل خيير ..

[الهيملي]

وعليكم السلام ورحمة الله وبركاته

حياك الله يا أختي في كليتك

الأخت ماقصرت جاوبتك بس حاب أضيف كم معلومة :

طبعا هذي إجابتي على واحد/ة سأل من قبل لكن كلامي مو شي أكيد كل شخص له رأي وزي ماذكرت مالك إلا قوقل عشان تتوسعي في فهم التخصصات بالإضافة أنك راح تعرفيها لما تاخذي المواد الأساسية فالكلية : http://www.skaau.com/vb/showthread.php?t=757602

هذا فيديو حذف وإضافة المواد :
http://www.skaau.com/vb/attachment.p...0&d=1330195251



طبعا ألحين في شي فالأودس اسمو الحذف والإضافة حسب الخطة الدراسية أسهل فقط تختاري مواد الترم الأول وتختاري المواعيد والشعب اللي تبينها , إذا بغيتي تسألي عن دكتورة تقدري تكتبي اسمها في محرك البحث للموقع هذا وممكن تلاقي زميلاتك متكلمين عن دالكتورة من قبل .

بالنسبة لاختيار التخصص ممكن تخلصي سنة وتدرسي صيفي وتتخصصي مادام وصلتي 60 ساعة طبعا هذا عند الأولاد وأتوقع البنات نفس النظام .

بالنسبة للجدول تنزليه عن طريق الحذف والإضافة زي ما فالشرح أو إذا انتظرتي لبداية الترم تروحي تحددي التخصص إما اقتصاد أو إدارة مستشفيات أو مستجد أعمال فلو مانزلتي مواد حتنزل لك تلقائيا لكن ممكن تكون المواعيد متفرقة وملخبطة فالأفضل تنزلي جدولك بمزاجك .


الله يوفقك وإذا حبيتي تستفسري عن أي شي أسألي وماراح نقصر وكلنا دخلنا الكلية وحنا تاهين زيك , وإن شالله الموقع يحطوا صفحة للطلاب المستجدين .

[Sarrte]

مشكورين الله يسعدكم ويعطيكم العافيه افدتونا كثير ..