أرآء البيوكيميائيين في تخصصهم

[The Freak]

السلام عليكم
طبعا زي ما الموضوع مبين
أبغاء أرآء البيوكيميائيين في تخصصهم
ايش احسن النقاط ؟
و ايش اسوأها ؟
إيش الأشياء إللي لازم نكون مستعدين ليها عشان التخصص دا ؟
و تسلموا على التفاعل من بدري

[بيو كيميائية ^_^]

وعليكم السلام

مافيها شيء سيء غير إنها حفظ وصعبة جدًا

أهم حاجة أول شيء تفهمي نفسك وتركزي في المحاضرة

بعدين تبدين بالحفظ وإحفظي وذاكري أول بأول

إذا خلصتي المادة لاتعملي دليت لها

وطبعًا ماتعتمدي على الدكاترة إعتمدي على نفسك مافهمتي شيء النت فيه شغلات كثيرة

دخلي اليوتيوب وراح تلاقي فيدوات وفيها شرح وحلوة

وأهم شيء يكون عندك قوة عزيمة وإصرار وتحدي

ماعليكِ من البنات اللي يقولون أو درينا مادخلنا ودرجاتهم سيئة ترا كذابين درجاتهم كويسة وحلوة

بس يحبوا يحطموا الآخرين فأنتِ لاتسمحي لأحد يحطمك

وتقدرين تبحثين هنا وتلاقي مواضيع كثيرة عن البايوك

[مياسة العود]

على الرغم انه دش وحفظ

لكن ينحب ومجالته في الماستر كثييييييييييييييييييييييييييييييييييييييييييييره لاتعد ولاتحصى

اي وحده بتدخل كيمياء حيويه لازم تكون ناويه على ماستر

لأن الكيميا حيويه بدون ماستر مالها مجال توظيفي كبير

وطالما انتي شطورة تزاكري أول بأول وتحفظي وتفهمي قبل ماتحفظي حتمشي تمام التمام

حتى دكتوراتنا صحيح في منهم الغلسات لكن في منهم اللي يساعدوا

وربي يوفقك استخيري

[calbooza]

تخصص سهل الممتنع
جدا رائع وممتع الصراحه وتحسيه شي من الواقع..
ولما حتطبقي في المعامل راح تحسي بالمتعه...
بس يبغاله شدة حيل ومو كله حفظ في فهم كمان..
والدكتورات اكيد في كل قسم في الزين وفي الشين..
موفقه :)

[الوفاء الحقيقي]

هـلآ The Freak
والله التخصص بشكل عــآم حـلـو وممتع مـرة في موآد مرة استمتعت بدرآستهآ ومذآكرتهآ زي طبية ودرق وكآنسر وغير عضوي والبآقي برضه حلوين
بآلنسبة ليآ كآن التخصص روعــة ومآحسيت فيه عقبآت الحمدلله ومآفيه نقآط سيئة بإذن الله ,,, بس لو نآوية بإذن الله ع معدل عآلي ركزي بآلمحآضرآت و لآتهملي شيء مهمآ كآن وذآكري تمآم حتى لو لقيتي بنآت يحآولوآ يحطموك أو يقللوآ من شأن الشيء إلي إنتي مهتمة فيه وبالأخير رآح تفرحي بآلمعدل إلي يرضيك يـــآإآإآإآرب
بـآلتوفيـ ـ ـ ـ ـ ـق لك يـآإآإآإآرب

[batbot]

يعني ماشاءالله البنات سبقوني
وقالوا اللي كنت ابغى اقوله واكتر
انتي اهم شيء انك تكوني حابة القسم اللي ناوية تدخليه
واهم شيء الاستخاره


وبالتوفيق

[The Freak]

تسلموا
الله يوفقنا اجمعين يا رب و يسهل
و يكتب إللي في خير

[اريج العمر]

بصراحه اللي قبلي وفو وكفو
قلبي اهم شي انو يكون عندك اصرار وعزيمه على الحفظ..وتحبي القسم وتحسي انك بتدرسي باستمتاع
وتنتبهي للمحاضرات وتذاكري اول باول .. وان شاء الله بالتوفيق ياارب

[وفاء جدة]

ماشاء الله البنات ماقصروا نفس اللي بقوله...
بالتوفيق يارب..