اللي كانو (خطة ب)ودخلو طــب....

[*شموع*]

السلام عليكم ورحمة الله وبركاااااته

اللي كانو خطة ب ودخلو طب بشري او طب اسنان
ابغى اعرف كيف كانت خطة ب ؟؟ وايه هي الملخصات اللي ذاكرتو منها؟؟وايه هي المواضيع اللي ح ندرسها لكل مادة؟؟
وكيف كانت الاختبارات؟؟

شكــــــــرا

[CrEaTiVe4ever]

وعليكم السلام ورحمة الله وبركاته

صح إني ماتخصصت اقسام طبية بس أي واحد يقدر يجاوب على أسئلتك اذا مر بالسنة التحضيرية ..
وحبيت أني أجاوب بعد ازنك ^_^"

ماتفرق خطة "ب" عن "أ" اللهم ان خطة (ب) حياخذو الترم الأول .. [انجليزي- كيمياء - أحياء - احصاء]
والترم الثاني .. [فيزياء - رياضيات - انجليزي - مهارات اتصال - حاسب ]

وخطة (أ) الترم الأول .. [فيزياء - رياضيات - انجليزي - مهارات اتصال - حاسب ]
والترم الثاني .. [انجليزي- كيمياء - أحياء - احصاء] بــــس ..

وبما إنك تبغي تعرفي كيف كانت خطة (ب) فهي الصراحة شوي أدسم من (أ) ليش لأن المواد اللي ذكرتها كيمياء وأحياء ووو ....
تحتاج شوي تركيز وتحلي نماذج واحد واتنين وعشرة عشان تاخدي فكرة عن الأسئلة وتمشي باذن الله ..

وخطة (أ) أسهل شوي لأن مهارات الاتصال والحاسب بالعربي والفيزياء والرياضيات مافيها مصطلحات انجليزية كتيير تحتاجي تحفضيها كلها كم كلمة والباقي ارقام وحلول رياضية وجبرية ..

وبالنسبة للإختبارات ترى كلها اختياري من متعدد بس يبغالك تعرفي طريقة الحل وتمشي ان شاء الله :) ..

والملخصات مافي الا أشرف بركات اللي لبشونا بي .. بس بصراحة نصيحة مني لا تشتتي نفسك بالملخصات ليكي بالمحاضرة ومتابعة الأستاذة اذا مافهمتي .. وهذا أمر راجعلك انك تدرسي من ملخصات أو لا مجرد اقتراح ^_^" ..
انتبهي مررررررة كويس لكل كلمة تقولها لأنها ماهي مجبرة تقلك هذا مهم وهذا لا اللي عليها انها تشرح وانتهينا وانتي حرة بنفسك بعدين ..
ذاكري اول بأول عشان تشوفي اللي انتي مافهمتي وترجعي للأستاذة للنقطة اللي مافهمتيها مو تيجي قبل الإختبار وتقليلها استاذة هذا ماني فاهماه وهذا وهذا لأن كذا انتي حضيعي نفسك ركزي وذاكري اول بأول مو مذاكرة مذاكرة خدي لمحة سريعة ع المنهج عشان تشوفي اللي استصعب عليكي ..

والمواضيع ترى كلها امكن اقلك 95% من ثالث ثانوي فيزياء كيمياء الخ ..

وبما اني فهمت انك ان شاء الله تبغي تدخلي طب شدي حيلك من بدري ولا تضيعي ولا درجة لأن المواد كلها تقاس بمقياس واحد الرياضيات زي مهارات الاتصال في المعدل ..

وان شاء الله نشوفك السنة الجاية الدكتورة *شموع* :$ ..

آسفة ع اللقافة ^.^" .. وإن شاء الله أكون أفدتك لو بالقليل ..

سوريجا متا <<الى اللقاء بالياباني هع

[NaSeM]

المشاركة الأصلية كتبت بواسطة CrEaTiVe4ever ماتفرق خطة "ب" عن "أ" اللهم ان خطة (ب) حياخذو الترم الأول .. [انجليزي- كيمياء - أحياء - احصاء] والترم الثاني .. [فيزياء - رياضيات - انجليزي - مهارات اتصال - حاسب ] وخطة (أ) الترم الأول .. [فيزياء - رياضيات - انجليزي - مهارات اتصال - حاسب ] والترم الثاني .. [انجليزي- كيمياء - أحياء - احصاء] بــــس .. وبما إنك تبغي تعرفي كيف كانت خطة (ب) فهي الصراحة شوي أدسم من (أ) ليش لأن المواد اللي ذكرتها كيمياء وأحياء ووو ....

زي ماقالت CrEaTiVe4ever ما تفرق أ عن ب

وانا اشوف انه ماتفرق حتى من ناحية الدسامة اللي يشد حيلة ويقدر يجيب في أ نفس الشي يجيب في ب والعكس صحيح واذا تبغي تدخلي طب شدي حيلك من البداية وحاولي بقدر المستطاع انه مايمر درس الا وانتي فاهماه وراجعي الدكتورات في ساعاتهم المكتبية اذا منتي فاهمة شي << مررة متعاونات ويفهموكي لو منتي فاهمة واهم شي لا تسمعي اشاعات من احد عن اي شي
وترى السنة التحضيرية بصفة عامة مهي صعبة ابد اذا انتي شاطرة وتقدري تحافظي على مستواكي ماتتأثري باللي حولك بتمشي وتحققي اللي تبغي ان شاء الله

بالتوفيق وعقبال مانشوفك السنة الجاية عندنا في الاسنان او الطب البشري

[Mr.Ambitious]

وانا برضو ب

مع انو مافي فرق اللي ناخدو بياخدو أ الترم التاني

بس كدا احسن البدايا تكون كلها حماس وبالمواد الدسمه

[بطوطة]

اهلين اختي
شوووفي انا في خطة ب كان معدلي اعلى من أ مع انه الكل يقول انه ب اصعب وادسم ولكن هذا يختلف من شخص الى شخص واذا حطيتي في بالك انه مهما كانت دسمه راح تجيبي درجات عالية فاكيد راح تجيبي درجات عالية

بخصوص الموااد الاحياء المذاكرة من اسئلة التست بنك يبغى لها حفظ اول باول لا تتراكم بس مرة ماهي صعبة
والكيمياء تنتبهي لشرح الدكتورة اهم شيء وترجعي تذاكري اللي اخدتيه او تقرأيه على الاقل واذا كان حظك زي حظي وطحتي في دكتورة كيمياء ماعندها سالفة احضري لدكتورة ثانية تعرف تشرح في اوقات البريك حقك

والانجليزي سهل الاختبار معلومات عامة ومايحتاج مذاكرة

والاحصاء مثل الكيمياء تنتبهي للشرح وتذاكري وبس

وان شاء الله حتجيبي الفل مارك

بالتوفيق [/color][/color]

[الكريم ابن الكرام]

ما يقصروا إن شاء الله الأطباء

[طالب طب في المستقبل]

مشاء الله الاخوان ماقصروا

لكن بالنسبه ليه شخصيا اشوف خطة ب اسهل من خطه أ

ودرجاتي كانت في خطه ب اعلى من خطه أ

والله ياخطه أ جبت فيها درجات نازله جدا

لكن خطه ب كلها الحمد لله فوق

واتمنى لك التوفيق

اخوك د-عبدالرحمن الماكي