تجمع طالبات انتساب بحث وتدريب د.سمر عناني

[ألف باء تاء]

بليز إللي بتحضر بنات, تسألها بنات خارج جده, عادي يقدموا البحث أيام الإختبارات؟؟

[m!ss 3sl]

انا ارسلت لها ايميل وردت علي بهالرساله

السلام عليكم ورحمة الله وبركاته\سيكون هناك اجنماع يوم الاحد القادم بمشيئة الله
الرجاء الحضور للضرورة ولبدء تقييم الدرجات ومناقشة جميع الأسئلة
كل عام وانتم بخير


وان شاالله بكرا ح أروووح وأشووف

[m!ss 3sl]

ألف باء
مشكووره ع الرد ويعطيك العافييه

[maromiii]

مو قالت بترسلنا رقمها وقالت بترد على ايملاتنا

طيب ليش ترسل لناس وناس لا
انا فجرت ايميلها من كثر ما ارسل ولا حياة لمن تنادي
وتبغى تناقش ايش وهيا ماقالت شي اصلا ؟؟؟؟؟؟؟؟؟؟؟؟

[ألف باء تاء]

والله تورطنا في هالدكتوره

حسبي الله ونعم الوكيل



على العموم هذي المتطلبات أرفقتها

وياليت إللي حضرت تقول لنا إيش إللي صاير معاها

مو عارفه إيش أسوي

من جد مو عارفه

[maromiii]

انا لمن رحتلها اخدت ايميلي وقالت انها بترسلي وانه احنا قاعدين نرسل على ايميل مقفل
والى الان طبعا ما رسلت شي
وسالتها عن التسليم قالتلي الان مافي تسليم فيه مناقشات بس ما ادتني موعد
بس

[ألف باء تاء]

الله يصبر قلبنا عليها هالدكتوره

[angel heart]

بنات

الأستاذه مرررره طيبه ومتفهمه

انا انتظام

وماعندي الا هالماده

و ان شاء الله بكره او بعد بكره بروح لها

اللي تبغى تسأل عن شي تقول لي

[ولي في الغد امل]

يابنات في اي اخبار عن الاجتماع اللي صار مع الدكتوره
والله قرب ينتهي الترم واحنا مو قادرين نسوي ولا شي في المادة

الله ييسر امورنا

[ولي في الغد امل]

اختي angel heart والله عندي كم استفسار ابيك توصليه لها

اهم شي تسأليها عن ملزمة التقرير واذا تقدري تنزليها لنا عن طريق المنتدى نكون شاكرين لك او ينفع اننا نكتب التقرير بطريقتنا اذا ماقدرنا نتوصل للملزمه
وتسـأليها عن اخر موعد لتسليم التقارير وعن ضرورة قرأت الايميلات علشان تجاوب عن اسألتنا والله اننا ضايعين في هذا المادة