تجمع طلاب وطالبات الـit الخاص بمادة الرسـم بالحاسب,,cpit 285 (حوار طوال الترم)

[.: نبراس :.]

السلام عليكم و رحمة الله و بركاته

ما شاء الله الدكاتره متحمسين للدراسه

اخدنا مع دكتور حسنين جزئيه لا بأس بيها

كان عدد الاولاد كبير ما شاء الله اما البنات ف7 بس من 20

شرح لنا كودين و فكرتين جديده

و شرح جزئيه من الدرس الماضي

و ما كمل عشان الغائبين لا يفوتهم شئ كتير

لو اقدر اساعدكم في الشرح ما كان قصرت

لكن الماده تضيع و ما اعرف اشرح

موفقين

[Sultan241]

السلام عليكم ورحمة الله وبركاتة
شفت الموضوع هادي من زماان ماتحرك قلت خليني احركة شوي وبما ان الاختبار قرب
ابي اعرف متى موعد الاختبار وايش اللي معنا من دروس وكم شابتر وهل فيه كوود .. والدكتور ركز على ايش .
اتمنى الرد بسرعة
تحياتي لكم .

[.: نبراس :.]

المشاركة الأصلية كتبت بواسطة Sultan241 السلام عليكم ورحمة الله وبركاتة شفت الموضوع هادي من زماان ماتحرك قلت خليني احركة شوي وبما ان الاختبار قرب ابي اعرف متى موعد الاختبار وايش اللي معنا من دروس وكم شابتر وهل فيه كوود .. والدكتور ركز على ايش . اتمنى الرد بسرعة تحياتي لكم .

و عليكم السلام و رحمة الله و بركاته

اتخيل يا اخ سلطان

الاختبار بعد بكره

و معانا شبتر 4 و 5 و جزء من شبتر 6

كنا على اساس فاهمين انو الاختبار بس في 4 و جزء من 5 ,, بصراحه فاجئنا بـ 6 :(

شبتر 6 الى درس tetrahedron كل الي قبله معانا

بعدين عندك ورا الكتاب في شئ اسمه Appendix A

اليوم كان يشرح لنا منه و قال حيجيب في الاختبار تعريفات منها

من شبتر 5

قال ممكن يجيب كود و نحن نرسم التري حقته او يجيب تري و يقول اكتب الكود الخاص بها

سؤال ,, انتو فاهمين كيف نرسم التري او على اي اساس ؟؟

انا بس الي افتكره انو كان يقول المثلث اسمه كدا و المربع اسمه كدا و بس ما ادري كيف حنرسمهم

معلومه اخدناها من الدفعه الي قبلنا انو طريقة هادا السؤال ما حتخرج عن الاسئله المكتوبه في نهاية الشبتر

و الاختبار قال زي الدوري الاول بس زائد عليه فكرة الرسم

يعني عندك صح و خطأ و كود و خيارات و رسم

:(

ليا نص ساعه اطالع في الكتاب مو عارفه من فين ابدأ

>_<

الله يسهل المزاكره على الجميع و يفتحها علينا و نجيب علامات كامله في الاختبار

بالتوفيق

:(

لو سمحتوا يا اخوان

اذكر واحد منكم سأل الدكتور عن الكود الي حيجي هل متعلق بالبينت كومبوننت ولا كيف

بس صوته كان منخفض و الدكتور جاوبه بصوت منخفض كمان و ما سمعنا شئ

فياريت لو سمحتوا لو تقدروا تسألوا زميلكم او تقدروا تسالوا الدكتور عن كيفية الكود الي يجي اسألوه و قولوا لنا

^_^"

[Sultan241]

شكراً لك أخت
.: نبراس :.
على الرد
والله يوفقنا جميعاً

[tooowwwt]

والله انا مرييض وكنت غاايب من جد محتااج أعرف كييف طريقة الكوود؟؟؟؟؟

وبالنسبة للتري اليوم فهمووني هيا الشباب أيش بالضبط إلي منتي فاهمته يا اخت نبرااس؟

[.: نبراس :.]

بالتوفيق يا اخ سلطان

و سلامات يا فيمتو ,, الحمد لله فهمت التري طلعت بسيطه و مافيها شئ صعب

لكن مستغربه انكم كلكم تقولوا انو الاكواد حتجينا على شكل تري

بس ما اظن الدكتور يكتفي في اسئلته بصح و غلط و اختيارات و رسمه تري و كودها

اكيد حيجيب زي الاختبار الدوري الاول نكتب كود كامل بنفسنا و الله اعلم

على العموم كنصيحه غطوا كل شئ في مذاكرتكم

و بالتوفيق

[نايف بن عبدالعزيز]

السلام عليكم و رحمة الله وبركاتة

الحين الي معهـ دبلوم سنتين شبكات من المؤوسسة العامة لتعليم الفني و التدريب المهني
و دخل في كلية الحاسب الآلي في الجامعة
سؤال / هـل يـعـادل النـظـام الـجـامـعـي لـهـ الي درس في الدبلوم سنتين أفيدووني جزاكم الله خير

 و شكراً جزيلاً

[نزف العيون]

^
l

الجواب خووي تقدر تحصله من عمادة شؤون الطلاب .. روح بنفسك واسالهم ..
وان شاء الله يعادلونها لك .. مع اني ما اتوقع ..
لانو واحد من اقاربي اتخرج من التقنية وحاول يقدم في الجامعه فقالوا لو ما نقبل الشهادهـ ولا نعتمدها اذا تبغى تدخل الجامعه تدخلها بشهادة الثانويه وانتساب اهلا وسهلا غير كذا لا ..

انا ما ابغى احبطك لكن رووح انته وشووف بنفسك وان شاء الله يكونوا غيروا النظام ..


موفق باذن الله ..

[tooowwwt]

السلام عليكم ورحمة الله

اللهم لك الحمد والشكر مع انه ما ذاكرت كووييس وما نمت غير امكن ساعتيين
لكن الحمد لله حليييت مررره تماااام ,,وفي رأيي الأسئلة كانت سهله
ان شاء الله الجمييع يكوون أتوفق

بالمناااسبة فيين صااحبة الموضوع ليلو مختفيييه ان شااء الله تكوون بخيير وطيييبه؟؟

[.: نبراس :.]

و عليكم السلام و رحمة الله و بركاته

الله يسعده دكتور حسنين دنيا و اخره

الاختبار مرررره كان حلو و خفيف و بسيط كله من الكتاب :)

لكن نصحية نبراس المعروفه اكررها هذه المره كمان

لحد يدخل الاختبارات و هو نعسان V_V

طلع عندي غلطين الى الان :'(

لكن يارب تكونوا حليتوا احسن مننا

حابه اقدم شكري لتعاونكم معانا في محاضرة دكتور ماجد ,, ما قصرتوا معانا

بالذات الأخ نزف الله يوفقه و يسعده خدمني كتير بمعلوماته ^^

يا جماعه نبغ نسألكم كيف جدول اختباركم النهائي

متى اختبار الجرافيكس و الاناليسز عندكم ؟؟

عشان نحن جدولنا طلع

و عندنا سبت :Operating System

احد: Computer Graphics

اتنين : System Analysis

نبغ نغير موعد الجرافيكس اذا ممكن بس نعرف متى اختباركم ؟؟

و ليلو بخير و طيبه الحمد لله

موفقين

^_^