استفسار عن كم ماده

[red flower]

السلام عليكم ورحمة الله وبركاته


كل عام وانتم بخير


حبيت استفسر منكم على معلومات بسيطه عن كم ماده
وان اءالله تفيدوني


انا دفعة 06 .. لكن طبعا مع اللخطبة اللي صارت صرنا احنا خطه جديده

وطبعا اتغيرت رموز المواد
بس انا حسألكم عن المواد برموزها القديمه

ابغى اعرف معلومات بسيطه عن هذه المواد من حيث صعوبتها وسهولتها


CS305 لغات البرمجه

CS455 تحليل وتصميم الخوارزميات

CS424 قواعد البيانات

CS461 نظم التشغيل




وشكرا لكم

[Silent Hill]

وعليكم السلام ورحمة الله وبركاته..

وانتي بصحه وسلامه..

305

مع اني ما اختها لحد الان..

المفروض اخذها من زمان بس لاسباب في نفسي اخرتها هع..

الماده تتكلم عن كيفية بناء لغات البرمجه..

والاشياء الاساسيه الي المفروض تكون في اي لغة برمجه..

يعني ماتتعمق في برمجة برنامج معين..

وبلغه معينه زي 202 و20 204 ..

ولكن تبين لنا كيف يبنو لغات البرمجه ومتطلبات اي لغه..

وكل لغه طبعا لها مميزات وعيوب وبيئه تشغيل خاصه بيها...

455

ماده تتكلم عن انو عندنا اي نظام نبغا نبنيه فلازم نجمع عنو كل شي...

من تقارير ومتطلبات المستخدم للنظام يعني ماندخل في برمجة النظام..

بس ناخذ المواصفات الي يريدها العميل ونقوم بمرحلة التحليل..

ووصف عام للنظام.. ومعرفة الفاعلين في النظام ...

424

ماده تتكلم عن قواعد البيانات وهي مهمه في التخصص..

لانو مشروع التخرج طبعا يكون برنامج..

وشي اساسي يكون مربوط بقاعدة البيانات..

يعني الماده تعلمك كيف تبني قاعدة بيانات..

وفها دش يعني موجود الجزء النظري ..

وهو مهم في قواعد البيانات لكي تفهمها بشكل جيد..

461

تتكلم عت الية نظم التشغيل..

وكيفية ادارة نظام التشغيل للعمليات على الكمبيوتر..

بدون ان يحدث اخطاء ..

وكيفية معالجة الاخطاء ان حصلت ..

وتوزيع المهام وتوزيع الذاكره بشكل سليم...

good luck

[red flower]

مشكور اخوي
ويعطيك الف عافيه


بس كنت حابه توضح لي مدى صعوبة المواد :)

ع العموم الف الف شكر


واتمنى اي احد عنده فكره عن هذه المواد
يفيدنا بخبرته ومعلوماته ..

[Silent Hill]

باك...

صعوبة الماده تعتمد على الشخص نفسه وكمان الدكتور ..

طبعا ممن تكون الماده سهله عندنا الاولاد ..

وتكون صعبه عندكم لسبب ما...

ممكن من الدكتور او اي شي ثاني..

فمو شرط الكلام الي اقوله بينطبق عليكم..


305

الماده مو صعبه بس المشكله في نفس الدكتور لي ماسكها عندنا..

مايوصل المعلومه للطلاب على حسب ما اسمع..

مع انه فاهم فهنا اغلب الطلاب يشتكو من الدكتور مو من الماده..

يعني اعتقد ان الماده بتكون سهله لو حسن من اسلوبه في الشرح..

455

الماده مررا حلوه اعتبرها سهله..

يعني ما تحتاج مجهود جبار ماده خفيفه ولطيفه هع..

424

ارى ان متسواها بيكون سهل..

اذا كان الدكتور الي يشرح الماده فاهم ويعرف يوصل المعلومه..

ويعني كمان حتى لو مافهمتي ..

برضو في مواقع كثيره بتشرح معلومات مهمه عن المنهج الي بيدرس في الماده هذي..

يعني لاتشيلي همها ان شاء لله..

461

الماده جدا حلوه ..ومافيها صعوبه ولله الحمد ..

عموما زي ما قلت لك تختلف الصعوبه والسهوله عندنا وعندكم..

لانو الي بيدرس غير فلا تاخذي كلامي انو هوا الصح..

اسالي البنات...

[red flower]

مررره شكرا اخ Silent Hill

يعطيك العافيه ..


وطبعا صح كلامك .. اكيد الصعوبه تختلف ..
بس انا كنت حابه اخذ فكره ..

شكرا لك


واتمنى اشوف اراء البنات :)


:

[mind glance]

هلا فيك اختي ريد فلاور

ماشاء الله الاخ سايلنت هيل بالرد الاول أفادك كثييير
وانا معاه
لكن في الرد الثاني ...مثل ما قال الحال عند الاولاد غير عند البنات

وحأقولك كيف لقيت المواد لما درستها..


Cs305 لغات البرمجه
هذه المادة تعتبر نظري بحت
مثل ما قال اخونا سايلنت هيل...عن لغات البرمجة واساسياتها وكيف طلعت....الخ
غالباً حتدرسيها مع أ.رانيا ملة
وهي أستاذة مرررة طيبة وشرحها حلو
بس ركزي معاها في المحاضرات ولازم الكتاب معاك كل محاضرة تكتبي عليها وتمشي عليها وتخططي على الكلام اللي تقوله
اسهل لك من الدفتر...لأنه شرحها يعتبر سريع



Cs455 تحليل وتصميم الخوارزميات
انا اعرف انه اسمها تحليل وتصميم نظم "سيستم أناليسز اند ديزاين"
المادة هذه درستها مع د.صالحة عبدالله
وهي دكتور ماليزية ما تتكلم عربي... تشرح انجلش وتسأليها بالانجلش
فاذا لغتك الانجلش تمام حتمشي معاها تمام
لأنه طيبة وتشرح بأمانة وتساعد كثير لما تسأليها عن اي شي
لكنها هادية وصوتها هادي ولازم تجلسي اول صف في المحاضرة
اما اذا حتدرسيها مع د.مي... ما اعرف كيف نظامها ما درست عندها من قبل

عموماً المادة فيها مشروع كبير عليه 60 درجة
والاختبار النصفي من 20 والنهائي من 20
يعني المادة عملي كثييييييييييييييييير
قروب المشروع حيكون تقريبا من 8 او 10 بنات
نصيحة حاولي تختاري قروب بنات تعرفيهم...ولا تعتمدي كثير على معدلاتهم اهم شي انكم تكونوا دائماً متفقين وانت وهم تشتغلوا بأمانة
في النهاية القروب كله حيأخذ نفس العلامة

المشروع تطبيق للمادة
في البداية لازم تختاروا مركز او منظمة او شركة
من داخل الجامعة او خارجها (داخل الجامعة يعني مثلا المكتبة او الشؤون او التعليم عن بعد...)
وهذه المنظمة مثلا تقون تستعمل في معاملاتها الورق وانت تحولوا نظامهم الورقي الى الكتروني
يعني اما محتاجين داتا بيس او ويب سايت (الويب سايت غالباً كمان له داتا بيس....لكن انتوا في الغالب حتعملوا داتا بيس وخلوه نفس مشروع مادة الداتا بيس عصفورين بحجر)
بعد كدة المشروع مكون من 7 اجزاء... وأكثره كتابة وحتأخذوا المعلومات من المنظمة
وبعدين فقي اخر الترم تشتغلوا على الاجزاء الثلاثة الاخيرة وما تأخذ وقت
وهي تصميم الانترفيس للبرنامج وبعدين اختبار البرنامج
والتصميم مهم جداً يكون مرتب وحلو وتكتبوا الشرح بشكل مرتب و واضح
(امكن ما تفهمي كلامي كثير اللين تبدأي تدرسي المادة بنفسك)



Cs424 قواعد البيانات
وغالباً حتدرسيها مع د.منال
واذا اخذتيها مع احد تاني كلامي هنا محا يفيدك ابداً
لأنه د.منال لها نظام معين تمشي عليه مو شرط باقي الاستاذات يكونوا مثلها
الدكتور طيبة ومتمكنة من المادة تمام
في بنات يعجبهم اسلوبها ويمشوا معاها كويس...وفي بنات مثلي ما مشيت معاهم طريقة المحاضرة
لكن اهم شي اكتبي الكلام اللي تقوله لأنها نادراً ما تكتب على السبورة
وبالذات في البداية والاجزاء النظرية
واحضري كل المحاضرات لأنها مهمة جداً جداً جداً
وترى ملاحظة مهمة...اجلسي في القاعة من بدري لأنها مستحيل تخلي احد يدخل وراها حتى لو كنتي دافورة او صحبتها حتى

و لما تدخلوا في شرح الجداول والمسائل حتكتب عالسبورة اكثر ويصير كله تمام ان شاء الله

والمعمل فيه مشروع..حاولي تعمليه صح عشان انت تستفيدي
المادة و المعمل جدا جدا جدا مهممممممممة في المستقبل


Cs461 نظم التشغيل
غالباً تدرسيها مع د.لميا فتوح
دكتورة طيبة كمان...لكن ما كانت تعجبني طريقة محاضراتها
لأنها تقرأ السلايدات بس
لكن لازم تحضري المحاضرات او لما تغيبي اسألي عن المحاضرة
لأنه في مسائل وبعض الاشياء مو موجودة في السلايدات
طريقة حل المسائل مهمة جداً...وتيجي في كل الاختبارات
لكن عموماً المادة تعتبر سهلة وفيها نظري كثير وفيها شوية مسائل
والمعمل للمادة جداً ظريف وخفيف
نحن درسنا فيه عن اللينكس اشياء بسيطة بس مع أ.نوف الغانمي
وكان معمل ممتع جداً :)


أتمنى أكون افدتك في الشي اللي تبغيه
وما اتكلمت عن محتوى المواد لأنه تقريبا الاخ سايلنت هيل كفى بالرد الاول
ولأي مساعدات ان شاء الله افيدك على قد ما اقدر

[red flower]

مررره شكرا اختي mind glance

بصراحه كفيتي ووفيتي .. وذكرتي اهم الاشياء اللي كنت حابه اعرفها


بشكل عام وعلى حسب كلامك تقريبا المواد مافيها صعوبه مره .. صح ؟

يعني مثلا ً مافيها صعوبة وتعقيد الدكتوره الهاشمي ؟؟

لأنو بصراحه الترم اللي فات اتعقدنا منه


بس شويه خفت من مادة التحليل 455
مشروع عليه 60 احس مره كثير ..
يعني المشروع تحديد مصير في هذه الماده
لو مااخذنا فيه درجه كويسه رحنا فيها

الله يسهل ان شاءالله ويكتب اللي فيه الخير


ومررره شكرا

[pinkflawer]

مرة شكرا اختي mind glance
بصراحة طمنتيني على المواد وانا من دفعة 06
جزاك الله خير

[red flower]

up


حابه اسمع تجارب اي احد اخذها

ياليت تفيدونا

[mind glance]

زي ما قلتي كدة المواد ما ينخاف منها
لكن يبغالها شدة حيل بسيطة ان شاء الله

وسيستم اناليسز فعلاً مشروعها مهم ويحتاج جهد طول السنة
واللي فاهمة المادة حيسهل عليها المشروع
وطبيعي لازم تكون فيه المذاكرة اول بأول.. لأنه التطبيق في المشروع أول بأول
وفي شي نسيت اذكره
بداية الترم الدكتورة حتقولكم انه ممكن تأخذوا منها واحد من المشاريع السابقة تصوروه وترجعوه
وانا انصحكم تأخذوا 2 او 3 اذا ممكن
عشان تعرفوا كيف طريقة المشروع
هنا اهم شي تنتبهوا لنقطيتن
1- تعرفوا المشروع كم اخذ علامة بالضبط ، واذا مو فل مارك حاولوا تعرفوا ايش اخطائهم عشان ما تكرروها
2- لا تأخذوا اي شي كوبي وبيست من مشروع سابق
في كل شي انتوا اكتبيو بطريقتكم لأنه حيعرفوا اي شي انتوا كتبتوه ولا نسختوه وممكن تنقصوا عليه